كام سؤال للوحوش عن ميجان 2006؟

[amr_mabd]

أخيراً جبت الميجان 2006 بعد تردد بس بجد عربية تحفة جميله جداً
بس عندي كام سؤال
1-هو مقياس الزيت مكانو فين في المطور؟
2-أنا حاسس أن العربية سحبها تقيل حبتين فهل ده عادي يعني سحبها مش زي الألنترا؟
3- التكيف حسو مش ساقع أوي زي الألنترا مع أني عملو 15c فهل ده عادي؟
4-الكمبيوتر بيكتبلي أنها بتاخد 11 لتر بنزين لكل 100 فهل ده طبيعي؟

[osamasindbad1]

بالنسبه لسحب العربيه فهو فعلا بطيء مقارنة بعربيات تانيه وخاصة من الاول للتاني انما عادي بالنسبه للميجان لكن ع السرعات العاليه كويسه وسحبها معقول. التكييف شوف الفلتر ممكن يكون عايز يتنضف او يتشحن انما في الاحوال العاديه هو تبريده معقول بس اكيد مش زي الياباني . بالنسبه لاستهلاك البنزين عشان تعرف المتوسط صح يبقى تعمل زيرو لل trip لما تيجي تمون العربيه والستهلاك بيكون من 11 ال 12 ويمكن اكتر داخل القاهره وزحمتها اما لو على طرق سؤيعه فا بيكون اقل من 8 او 7 لتر لكل 100 كيلو بيتغير قراءة مؤشر الاستهلاك حسب الطريق لو كان سريع او زحمه والف مبروك

[ahmed88hassan]

بالنسبه لسحب العربيه فهو فعلا بطيء مقارنة بعربيات تانيه وخاصة من الاول للتاني انما عادي بالنسبه للميجان لكن ع السرعات العاليه كويسه وسحبها معقول. التكييف شوف الفلتر ممكن يكون عايز يتنضف او يتشحن انما في الاحوال العاديه هو تبريده معقول بس اكيد مش زي الياباني . بالنسبه لاستهلاك البنزين عشان تعرف المتوسط صح يبقى تعمل زيرو لل trip لما تيجي تمون العربيه والستهلاك بيكون من 11 ال 12 ويمكن اكتر داخل القاهره وزحمتها اما لو على طرق سؤيعه فا بيكون اقل من 8 او 7 لتر لكل 100 كيلو بيتغير قراءة مؤشر الاستهلاك حسب الطريق لو كان سريع او زحمه والف مبروك

كلام زي الفل
ما عدا الحتة بتاعة اقل من 7 او 8 لتر/100 كم
لأن اقل استهلاك حققته قبل كده كان تقريبا 9 او 8.5 لتر/100 كم علي سرعة و من غير تكييف

[osamasindbad1]

انا على الدئري كانت بتعمل معايا 7 لتر لكل 100 كيلو وانا متابع اوي الموضوع ده واتاكدت اكتر من مره بس كانت من غير تكييف والسرعه 90 كيلو

[modybal]

الف الف مبروك وربنا يبارك للك فيها ويرزقك خيرها ويكفيك شرها انا باشترى ريها ممكن تقولى نفذت على كام

[SoFiMaN]

1-هو مقياس الزيت مكانو فين في المطور؟

و انا كمان نفسي اعرف مكانه فين مش لاقيه!

[Ahmmansour]

مقاس الزيت من ناحية الردياتير فى المنتصف تحت شوية

[midohits]

بالنسبة للسحب فعلا هوه ضعيف شوية في النقلات الأولي بس على السرعات العالية سحب العربيه رائع جدا لو حالتها كويسه وبالنبسه للتكيف فهوه ضعيف فعلا بالنسبة لعربيات كتير ومقياس الزيت والله ماعرف

[m_arazik]

ممكن اعرف حضرتك جبتها بكام ودى الفوانيس العدسات والا لا ؟

[solly1979]

مقاس الزيت من ناحية الردياتير فى المنتصف تحت شوية

ياااا بقالى 3 شهور معايا العربيه وانا بدور عليه
الحمدلله لقيته وشوفت المقاس كمان متشكرين

[amr_mabd]

ممكن اعرف حضرتك جبتها بكام ودى الفوانيس العدسات والا لا ؟

جبتها علي 76 ألف و الفونيس العدية مش العدسات و كانت مشية 53000 موديل 2006 بانورامة

[Amr_Moh]

جبتها علي 76 ألف و الفونيس العدية مش العدسات و كانت مشية 53000 موديل 2006 بانورامة

76


حضرتك اشترتها سنة كام؟

[gebreel]

الف مبروك يا باشا ربنا يباركلك فيها يا رب

بس سعرها مبالغ فيه شويتين

[solly1979]

76


حضرتك اشترتها سنة كام؟

الموضوع مش سنة كام يا باشا الموضوع العربيه سليمه ولا لآ
انا لسه شارى واحد 2006 بانوراما من واحد صاحبى فى الشغل معاة من الزيرو ب 73 قبل الثورة ب شهر يعنى من 4 شهور
ومرحتش ارفعها اصلا لانى عارف كل تاريخها

وانا باشترى كنت عارف ان سعرها بالكتير 65 او 68 بس ال 5 الى دفعتهم زيادة دول علشان مش عايز اشترى عربيه مش عارف تارخها لان الميجان معروفه لو مش سليمه الواحد ميشترهاش ببلاش

نفس عربيتى كان واحد صاحبى بيشترى واحدة على 65 ورحت معاة ارفعها فى التوكيل طلغت مقايسه ب 27 الف جنيه

معلش طولت عليك شويه بس الى عايز يركب ميجان نضيفه مش فارقه 5 او 7 او حتى 10 زيادة المهم تبقى سليمه مفهاش الهواا