مشكلة غريبة فى حرارة الميجان

[Ahmed Selim]

السلام عليكم

يوم الجمعة اللى قبل اللى فاتت و أنا ماشى بالعربية لقيت الحرارة عليت فجأء و قربت على الأخر.

بطلت العربية لمدة 10 دقايق و نزلت بصيت على المياه بس لقيتها مظبوطة......المهم شغلت العربية تانى و لقيت الحرارة أعلى من الطبيعى سنة بسيطة و نزلت فى خلال 5 دقايق للطبيعى.

و مشيت فى حتة زحمة بالصدفة......أخدت تقريباً 4 كيلو فى 25 دقيقة من كتر الزحمة بس كنت قافل التكييف.....و الحرارة فضلت طبيعية.

المهم فى أخر اليوم و أنا مروح كنت راجع من مشوار على طريق صحراوى لمسافة 80 كيلو تقريباًُ.......الحرارة كانت أقل من الطبيعى سنة بسيطة.....و لو دست بنزين لحد ما ال rpm يوصل 4.5 أو 5 الحرارة تبتدى تنزل تبقى زى الصورة دى



تانى يوم رحت أكشف عليها و التوكيل طلب أنها تبات لتانى يوم......أخر اليوم التانى كلمونى و قالولى أن الحرارة سببها مقاومة المروحة اللى بتخلى السرعة التانية من المروحة تشتغل.

أتغيرت و بقالى 10 أيام ماشى بالعربية و الدنيا كويسة......بس النهاردة حصلت حاجة غريبة
ماشى بدون تكييف و على طريق مفتوح على سرعة 80 كيلو تقريباً......أبص على عداد الحرارة ألاقيه زى الصورة اللى فوق !!!!

لو مشيت على 120 أو 130 ترجع طبيعى.......و لو شغلت التكييف ترجع طبيعى.

حد عنده تفسير ؟

الرجاء ذكر الأسباب مع التعليل

[chato_eg]

إنت زعلان علشان الحرارة بتنزل عن الطبيعى على الطرق المفتوحة ؟؟؟

أنا عربيتى بتعمل كده من ساعة صيانة ال 60 الف و خصوصا لو الجو بارد شوية....

[yalahwy2010]

انا الحرارة عندى كانت جت هبلت شوية وكان المؤشر بيلعب
المهم رحت لواحد جنب البيت .....فا قاللى الريدياتير واخد هوا.....فتح قربة المية وقعد يفضى المية وكان فعلا فى فقاقيع هوا كتير.....لغاية ما بقت مية منتظمة .....راح مزود مية بعد كدة عادى

[Ahmed Selim]

إنت زعلان علشان الحرارة بتنزل عن الطبيعى على الطرق المفتوحة ؟؟؟

أنا عربيتى بتعمل كده من ساعة صيانة ال 60 الف و خصوصا لو الجو بارد شوية....

الطبيعى يا هانى أنها تبقى على العلامة التالتة.....سواء العربية فى طريق مفتوح أو زحمة....فى حر أو برد مع تكييف أو بدون

كون أن ده مش هو اللى بيحصل معناه أن كده فيه مشكلة و إن كانت ممكن تكون فى بدايتها.

أنا شاكك فى ثرموستات

انا الحرارة عندى كانت جت هبلت شوية وكان المؤشر بيلعب
المهم رحت لواحد جنب البيت .....فا قاللى الريدياتير واخد هوا.....فتح قربة المية وقعد يفضى المية وكان فعلا فى فقاقيع هوا كتير.....لغاية ما بقت مية منتظمة .....راح مزود مية بعد كدة عادى

لأ مش هواء يا هندسة.......دى من أوائل الحاجات اللى جت فى دماغى برضه.

[ramy_gamal]

طيب ممكن يكون حساس الحرارة ابتدى يبوظ يعنى حرارة الموتور تمام بس هو ساعات بيقرا غلط

[tareksedra]

غالبا ثرموستات المياه عايز يتغير معلق و مابيقفلش علشان كده لما بتمشى فى طريق مفتوح العربيه بتبرد اكثر من المعتاد و يفضل الكشف عليه و تغيره لان ثبات الحراره عند العلامه الثالثه هو انسب حراره للموتور تقبل تحياتى

[M.Moustafa]

واضح انك راجع بقوة للميجان، ماشي يا عمهم واضح كده اني هروح اضربلي واحده انا كمان عشان نتشارك في الافكار

[chato_eg]

طيب العربية إللى معاك و مش عارف تاريخها من الزيرو زى ال 2005 إللى هنا...
لكن فى حالتى أنا ...إيه العلاقة بين صيانة ال 60 ألف و الموضوع ده..
أنا تصورت إن تغيير مياه الرادياتير و طلمبة المياه فى صيانة ال 60 ألف و خصوصا على دخول الشتاء هو السبب فى تحسن كفاءة التبريد...
ممكن تكون المشكلة فى إيه ؟

[momo10000]

ثرموستات

[Ahmed Selim]

طيب ممكن يكون حساس الحرارة ابتدى يبوظ يعنى حرارة الموتور تمام بس هو ساعات بيقرا غلط

مش عارف.....أعتقد الترموستات أقرب أنه يكون سبب المشكلة

غالبا ثرموستات المياه عايز يتغير معلق و مابيقفلش علشان كده لما بتمشى فى طريق مفتوح العربيه بتبرد اكثر من المعتاد و يفضل الكشف عليه و تغيره لان ثبات الحراره عند العلامه الثالثه هو انسب حراره للموتور تقبل تحياتى

أعتقد كده برضه

واضح انك راجع بقوة للميجان، ماشي يا عمهم واضح كده اني هروح اضربلي واحده انا كمان عشان نتشارك في الافكار

طيب يا باشا روح أضرب و انا مستنيك........متتأخرش :)

طيب العربية إللى معاك و مش عارف تاريخها من الزيرو زى ال 2005 إللى هنا...
لكن فى حالتى أنا ...إيه العلاقة بين صيانة ال 60 ألف و الموضوع ده..
أنا تصورت إن تغيير مياه الرادياتير و طلمبة المياه فى صيانة ال 60 ألف و خصوصا على دخول الشتاء هو السبب فى تحسن كفاءة التبريد...
ممكن تكون المشكلة فى إيه ؟

العربية اللى معايا مش عارف تاريخها بالتفصيل بس هى لحد الصيانة اللى فاتت كانت بتعملها فى التوكيل.
تحسن كفاءة التبريد ملهوش علاقة بأن المؤشر يبقى أقل من العادى......العربية و هى زيرو المؤشر بيبقى عند الشرطة التالتة...........و لا أنت نسيت يا فنان ؟؟؟؟

أنت الموضوع عندك ملهوش علاقة بالصيانة.....هى غالباً صدفة مش أكتر.....و برضه الشك فى الثرموستات

ثرموستات

ماشى يا عم أيمن........أخبار موضوع المقصات أيه ؟

[h_masr]

محتاج نصيحة من حد عندة ميجان
انا عايز ميجان تكون فى حدود ال 80 الف جنية
موديل 2008 او 2009
وتكون عاملة كيلو متر قليل؟
وبحالة كويسة مش متهانة بيتى يعنى
ممكن الاقى الكلام دة فين؟؟؟ويكون مضمون؟؟؟

[chato_eg]

أنا مش مستوعب مكمن المشكلة....
هل نزول الحرارة لمستوى أدنى يمثل خطورة ؟
و لا لو فى مشكلة فى الترموستات ده معناه إن درجة حرارة الموتور ممكن تكون أعلى من إللى بيقول عليه المؤشر ؟

ولو الترموستات فيها بوظان..إيه إللى بيخلى العوامل الخارجية المثالية ( سكة مفتوحة و درجة حرارة مش عالية ) تظهر العيب ؟

[chato_eg]

م
تحسن كفاءة التبريد ملهوش علاقة بأن المؤشر يبقى أقل من العادى......العربية و هى زيرو المؤشر بيبقى عند الشرطة التالتة...........و لا أنت نسيت يا فنان ؟؟؟؟

هى فعلا طول عمرها الست مؤشر حرارتها لا بيطلع و لا ينزل عن الشرطة المثالية دى أبدا..
لا فى حر و لا برد..لا فى تكييف و لا دفاية...كنت بأقول إيه العربية إللى مش بتحس بالجو دى...

و طبعا كانت بتسخن أسرع الصبح بعد بداية التشغيل...
دلوقتى بقت بتطول و شوية ... و أنا بقيت بأزهق و بأمشى بس هادى جدا جدا و مش بأخلى ال rpm يوصل ل2500 حتى لحد ما أحس إنها صحيت من النوم كويس

لو موضوع الترموستات مش شديد الأهمية هأبقى أقول لهم عليه فى صيانة ال 70 ألف إن شاء الله..
هى دلوقتى أقل شوية من 67 ألف..بس دلوقتى هى بقت بتمشى أقل شوية من الأول
حوالى 65 % من المعدل المعروف سابقا..
فممكن صيانة ال 70 ألف دى تبقى بعد شهرين و لا ثلاثة كمان

لو الموضوع ذو أهمية أحجز و أروح المقطم

[farahat]

المشكلة دي أغلب الوقت بتكون نتيجة ثرموستات الميكانيكي ، إلي هو زمان كانوا بيسموه " ثرموستات الكوعه " ، في العربيات الأوروبي بتاعة زمان ذي الفيات و البيجو وغيرها كانوا المكانيكية بيفضوه ويقولك عشان العربية متسخنش ، وهو د إلي كان بيحصل ذي عندك بالضبط يا أحمد بيه ، لأن الثرمستات دة وظيفته إنه يكون قافل والموتور بارد عشان دورة المياه تكون بطيئة ويدي فرصة للموتور يسخن ، ولم تسخن بيفتح مع الضغط بتاع المياه السخنة ، وساعتها بيسمح بإن مياه التبريد تمشي أسرع مع تدوير الطرمبة عشان يبرد أسرع ولما تبرد يقفل تاني فيديها فرصة تسخن تاني ، وهكذا .


لما العربية تجري بسرعة في مواجهة الهوا بتبرد المياه بسرعة عشان الرادياتير بيقابل هوا جامد يبرده أسرع ، لو مفيش ثرموستات أو بايظ يبقى العربية هتبرد مع الجري لأنه مش هيقفل عشان يسخنها تاني .


طيب إيه المشكلة يعني ، ماهو معروف إن الحرارة وحشة للموتور وكل ما كان أبرد كل ما كان أحسن !!!!
الحقيقة مش كدة ، زمان كان الكلام دة مقبول لما كان الموتور ال-2000cc بيطلع 60-70 حصان و احنا قابلين ، لو قالوا شوية أو زادوا شوية مش هنحس ، لكن دلوقتي مع موتور بيطلع من ال-1600cc عدد أحصنة يفوق 115 حصان الكلام دة ماينفعش ، عشان الكنترول بيحسب توقيت الإشعال وكمية الحقن وكل الحاجات دي بناءً على حاجات كتير منها حرارة الموتور ، عشان تكون كل القيم دقيقة ويطلع أقصى قدرة وأقصى عزم ، وبالتالي لو الحرارة اتغيرت أداء العربية بيتغير .
الخلاصة إنه مش خطر لكن يستحسن يكون مضبوط عشان العربية تشتغل مضبوط .

[Ahmed Selim]

لو موضوع الترموستات مش شديد الأهمية هأبقى أقول لهم عليه فى صيانة ال 70 ألف إن شاء الله..

المهندس فرحات رد بما يدع مجالاً للإضافة :)

الموضوع ممكن يتصبر عليه يا باشا بس العربية مش هتكون بتطلع أعلى أداء ليها.

المشكلة دي أغلب الوقت بتكون نتيجة ثرموستات الميكانيكي ، إلي هو زمان كانوا بيسموه " ثرموستات الكوعه " ، في العربيات الأوروبي بتاعة زمان ذي الفيات و البيجو وغيرها كانوا المكانيكية بيفضوه ويقولك عشان العربية متسخنش ، وهو د إلي كان بيحصل ذي عندك بالضبط يا أحمد بيه ، لأن الثرمستات دة وظيفته إنه يكون قافل والموتور بارد عشان دورة المياه تكون بطيئة ويدي فرصة للموتور يسخن ، ولم تسخن بيفتح مع الضغط بتاع المياه السخنة ، وساعتها بيسمح بإن مياه التبريد تمشي أسرع مع تدوير الطرمبة عشان يبرد أسرع ولما تبرد يقفل تاني فيديها فرصة تسخن تاني ، وهكذا .


لما العربية تجري بسرعة في مواجهة الهوا بتبرد المياه بسرعة عشان الرادياتير بيقابل هوا جامد يبرده أسرع ، لو مفيش ثرموستات أو بايظ يبقى العربية هتبرد مع الجري لأنه مش هيقفل عشان يسخنها تاني .


طيب إيه المشكلة يعني ، ماهو معروف إن الحرارة وحشة للموتور وكل ما كان أبرد كل ما كان أحسن !!!!
الحقيقة مش كدة ، زمان كان الكلام دة مقبول لما كان الموتور ال-2000cc بيطلع 60-70 حصان و احنا قابلين ، لو قالوا شوية أو زادوا شوية مش هنحس ، لكن دلوقتي مع موتور بيطلع من ال-1600cc عدد أحصنة يفوق 115 حصان الكلام دة ماينفعش ، عشان الكنترول بيحسب توقيت الإشعال وكمية الحقن وكل الحاجات دي بناءً على حاجات كتير منها حرارة الموتور ، عشان تكون كل القيم دقيقة ويطلع أقصى قدرة وأقصى عزم ، وبالتالي لو الحرارة اتغيرت أداء العربية بيتغير .
الخلاصة إنه مش خطر لكن يستحسن يكون مضبوط عشان العربية تشتغل مضبوط .

شكراً على الرد الوافى يا باشا........مفيش أخبار عن موضوع الكارت ؟