عربيتى مش راضيه تدور

[limo]

العربيه الكليو مو2003 مش راضيه تدور كل ما تيجى تشتغل اسمع صوت المارش فقط لاكن مش بتدور
مش عارف اعمل ايه
اكلم التوكيل اخليهم يقطروها ولا اقطرها انا لغايه التوكيل
هل ممكن يصلحوها عند البيت مكان وهى واقفه ؟
هل ممكن يقولوا استنى كمان شهر او احجز ؟
انا بتكلم عن التوكيل الرئيسى
ولو حد من الاخوه الافاضل ليه رأى تانى ياريت يقولى ؟
وياريت لو حد معاه نمره التوكيل المختصره يبعتهالى
وشكراااااااااااااا

[Ramy_Tantawi]

انا عن نفسي افضل تستشير التوكيل ولو بالتليفون الأول افضل ما تقطرها بنفسك لغاية هناك ممكن يكون طلمبة البنزين او مشكله بسيطه تتغير والعربيه مكانها ان شاء الله ............... نمرة رينو 16202 حضرتك ممكن تكلمهم في اي وقت وهم ان شاء الله هيساعدوك في اقرب وقت ..............وسليمه ان شاء الله وربنا يقوملك عربيتك على طول ان شاء الله وتكون حاجه بسيطه.

[limo]

متشكر جدا يا رامى
انا كلمتهم على 16202 بعتوا لى مهندس مكان العربيه
وطلع العيب فعلا من طلمبه البنزين
والحمد لله كعيت دم قلبى فيها
ثمنها 1710 جم
+100 انتقال
+40 مصنعيه
يعنى كله 1850 ج م

[Ramy_Tantawi]

العفو على ايه بس انا ماعملتش حاجه ............ وقدر الله وماشاء فعل صحيح المبلغ كبير شويه لكن معلش ان شاء الله ما تتكررش تاني وتكون اخر مشكله تقابل عربية حضرتك.

[mohamed ibiza]

كنت اتمني انها تطلع حاجة بسيطة بس اللي ييجي في الريش بقشيش شا ليمو فداااااااك و لو بتحط 92 انا رأيي حط مرة 92 و مرة 95











Ibiiiiiiiiiiiiiiiiiiiiiiiiiiizzzzzzzzzzzzzzzzzzzzz zzzzaaaaaaaaaaaaaa For Ever

[farahat]

[QUOTE=mohamed ibiza;228186]كنت اتمني انها تطلع حاجة بسيطة بس اللي ييجي في الريش بقشيش شا ليمو فداااااااك و لو بتحط 92 انا رأيي حط مرة 92 و مرة 95


بس إيه علاقة درجة مقومة البنزين للصفع ( knock resistance ) ، أو رقم الاوكتين يعني بتلف الطرمبة ؟ ،دة كل تأثيره على نعومة المحرك

[limo]

كنت اتمني انها تطلع حاجة بسيطة بس اللي ييجي في الريش بقشيش شا ليمو فداااااااك و لو بتحط 92 انا رأيي حط مرة 92 و مرة 95











Ibiiiiiiiiiiiiiiiiiiiiiiiiiiizzzzzzzzzzzzzzzzzzzzz zzzzaaaaaaaaaaaaaa For Ever

الله يخليك يا محمد
انا مش زعلان على الفلوس انا بس مكنتش مستعد لحاجه زى كده
على فكره انا سألت المهندس برضو على ان البنزين هوه الى تسبب فى تلفها لانى بحط 90 اساسا فقالى ان الطرمبه منظومه كهربائيه ملهاش علاقه برقم الاوكتين
بينى وبينك انا فرحت لان ال90 شغال احسن من 92 عندى وكمان استهلاك ال90 اقل

[عمرو عمارة]

السلام عليكم

لا حول ولا قوة الا بالله...1850 !!!!؟

يا جماعة معقول ما حدش لغاية دلوقتى عارف ( خصوصا الي بيتعاملوا مع الميكانيكيون العرب ) ان الموتور الي بداخل الطلمبة بس هو الى بيتغير ....تمن الموتور الـBosch الاصلى بـ300جم بس!!!!!

انا نفس المشكلة حصلت معاية من سنة ونص...سألت بتوع قطع الغيار الرينو ( لازم الواحد يسأل برده...اه التوكيل بيفهم..بس منرميش نفسنا لى كده!!!) وقالولى المشكلة دى سهلة والموتور بس الي بتغير وادونى نمرة تليفون الميكانيكيون العرب وبعتولى فنى جاب معا طلمبة كاملة عشان ياخد العربية للمركز لانه قالي ان الموتور بيتفك بطريقة معينة لازم تتعمل فى المركز......
خروج الفنى + تركيب الموتور 160جم فقط...!!!
يعني الاجمالى 460جم فقط

طبعا الي حصل ده شىء مقدر لك وقدر الله ما شاء فعل بس لازم تكون حريص اكتر من كدة خصوصا ان العربية دي بقالها اكتر من 8 سنين والناس الي شغالين فيها بداءو يعرفوا خبايها مش مثلا عربية لسة نازلة جديدة وسرها وقطع غيارها في التوكيل بس

انا اسف على الحدة فى الكلام بس فعلا التوكيل غاظنى اوى خصوصا انه عارف ان المشكلة دى ممكن تتحل بالطريقة دي بس هو عايز يبيع عشان يكسب والمفروض التوكيل يضور على راحة ورضا العميل مش جيبه....بس للاسف هى دي بلدنا مفيش ضمير
لا حول ولا قوة الا بالله
حسبنا الله ونعم الوكيل
انا لله وانا اليه راجعون

السلام عليكم
عمرو عمارة

[limo]

السلام عليكم

لا حول ولا قوة الا بالله...1850 !!!!؟

يا جماعة معقول ما حدش لغاية دلوقتى عارف ( خصوصا الي بيتعاملوا مع الميكانيكيون العرب ) ان الموتور الي بداخل الطلمبة بس هو الى بيتغير ....تمن الموتور الـBosch الاصلى بـ300جم بس!!!!!

انا نفس المشكلة حصلت معاية من سنة ونص...سألت بتوع قطع الغيار الرينو ( لازم الواحد يسأل برده...اه التوكيل بيفهم..بس منرميش نفسنا لى كده!!!) وقالولى المشكلة دى سهلة والموتور بس الي بتغير وادونى نمرة تليفون الميكانيكيون العرب وبعتولى فنى جاب معا طلمبة كاملة عشان ياخد العربية للمركز لانه قالي ان الموتور بيتفك بطريقة معينة لازم تتعمل فى المركز......
خروج الفنى + تركيب الموتور 160جم فقط...!!!
يعني الاجمالى 460جم فقط

طبعا الي حصل ده شىء مقدر لك وقدر الله ما شاء فعل بس لازم تكون حريص اكتر من كدة خصوصا ان العربية دي بقالها اكتر من 8 سنين والناس الي شغالين فيها بداءو يعرفوا خبايها مش مثلا عربية لسة نازلة جديدة وسرها وقطع غيارها في التوكيل بس

انا اسف على الحدة فى الكلام بس فعلا التوكيل غاظنى اوى خصوصا انه عارف ان المشكلة دى ممكن تتحل بالطريقة دي بس هو عايز يبيع عشان يكسب والمفروض التوكيل يضور على راحة ورضا العميل مش جيبه....بس للاسف هى دي بلدنا مفيش ضمير
لا حول ولا قوة الا بالله
حسبنا الله ونعم الوكيل
انا لله وانا اليه راجعون

السلام عليكم
عمرو عمارة

الحمد لله رب العالمين
الواحد فعلا مبيتعلمش ببلاش
المشكله انا كنت هكلم الميكانيكون العرب بس قولت اكلم توكيل المقطم الاول
انا كان فى دماغى ان الموضوع بسيط ومش هيعدى ال500 جنيه

طب ايه رأيك تعمل موضوع جديد ويتحط فى قسم رينو فى المواضيع الهامه تقول فيها كافه المشاكل الى قابلتك مع العربيه وازاى حلتها وفين لو امكن رقم او عنوان الى صلحت عنده
معلش انا عارف ان الموضوع مرهق بس مش لازم تعمله مره واحده ممكن كل ما تفتكر حاجه تكتبها
ويجد ناس كتير هتستفيد من الموضوع ده ويبقى متاح لكل الاعضاء يقولوا مشاكلهم وكيفيه حلها وفين
الف شكر يا استاذ Renamr وياريت ترد على اقتراحى

[عمرو عمارة]

السلام عليكم

فعلا يا أستاذ Limo اقتراحك جميل جدا وهبداء فى تنفيزه ان شاء الله

الله المستعان

السلام عليكم
عمرو عمارة

[king_de_egypt]

يباشا حصلت معايا بس فى هيونداى اكسنت و فى الغالب هتلقى الكهربا فاصله عندك فا روح او هات كهربائى محترم و هوو هيظبطهالك هو فى الغالب هتلقى سلكه فاصله فى مشط الكهربا اللى عندك او طلمبه البنزين

[Chicco]

الحمد لله رب العالمين
الواحد فعلا مبيتعلمش ببلاش
المشكله انا كنت هكلم الميكانيكون العرب بس قولت اكلم توكيل المقطم الاول
انا كان فى دماغى ان الموضوع بسيط ومش هيعدى ال500 جنيه

طب ايه رأيك تعمل موضوع جديد ويتحط فى قسم رينو فى المواضيع الهامه تقول فيها كافه المشاكل الى قابلتك مع العربيه وازاى حلتها وفين لو امكن رقم او عنوان الى صلحت عنده
معلش انا عارف ان الموضوع مرهق بس مش لازم تعمله مره واحده ممكن كل ما تفتكر حاجه تكتبها
ويجد ناس كتير هتستفيد من الموضوع ده ويبقى متاح لكل الاعضاء يقولوا مشاكلهم وكيفيه حلها وفين
الف شكر يا استاذ Renamr وياريت ترد على اقتراحى

+1111
يا ريت فعلا الموضوع ده يتعمل و يبقى ألف شكر ليكم

[Sharky]

إقتراح جميل جدا زى إللى إحنا عاملينه للميجان
و بقترح عنوان أعطال الكليو و طريقة الإصلاح من ملاكها

[limo]

http://nilemotors.net/Nile/showthread.php?t=21625

انا عملت الموضوع فى الصفحه ده ياريت كل ملاك الكليو يشاركوا فيه وان شاء الله كلنا نستفيد من بعض

[kemo]

السلام عليكم

هو رقم تليفون الميكانيكيون العرب كام ؟؟