ملييييون شكرا لـ ايمن مومو

[egyption88]

يا جماعة بإختصار بفضل ربنا ثم استاذ ايمن مومو وكاظم الميكانيكي الي بعتني ليه الاستاذ ايمن كنت هدبس في عربية فيها اصلاحات بـ 8000 جنيه
القصة اني اشتريت العربية الميجان دي من اسبوع بس الحمد لله الراجل ماكنش فاضي يروح يسجلهالي في المرور وسبحان الله لقيت نفسي دخلت المنتدى ولقيت رقم استاذ ايمن قلت اتصل بيه يدلني على حد كويس يتأكدلي من حالة العربية ((الي قالولي عليها في البنزينة كويسه)) وركزو اووووي على الحتة دي المهم روحت للميكانيكي كاظم دا وبصلي على العربية وسبحان الله لوحده كدا لقيته بيقولي لو العربية دي لسه ماتسجلتش رجعها لصاحبها واغرم الالف جنيه الشرط الجزائي الي في العقد المبدأي وانت الكسبان
ماكدبتش خبر ورجعت للراجل صاحب العربية وقلتله العربية ماتلزمنيش قالي انا مش هرجع عربيات وبدأ يماين معايا عشان يلبسني العربية بأي شكل ويقولي انا هتكلف بنص التصليح وكلام من دا وانا لان رد فعله اصلا اكدلي ان العربية مش تمام خالص اديتله الالف جنيه وربنا يعوض عليا فيهم بقى
النصيحة المهمة بقى ان كشف البنزينة دا مالوش اي 30 لازمة
واخيرا مرة تانيه وتالته ومليوووووون شكرا يا استاذ ايمن وادعولي ربنا يرزقني بحاجة كويسة قريب عشان بس افضل معاكو هنا
اخوكم عمرو

[yalahwy2010]

الحمد لله ان ربنا رحمك من اللبسة دى
كان هيكرهك فى الميجان
فلوسك حلال يا معلم
ماعدا الألف جنيه اللى اتدفع :)

[byada10]

ربنا يعوض عليك يا معلم

و انسى كشف البنزينه ده خالص

[Amr_Moh]

طلع فيها اه؟؟؟؟؟؟؟؟؟؟؟؟؟؟

[egyption88]

الحمد لله على كل حال وكويس انها جت في الف جنيه احسن ما تيجي في عربية بحالها

[egyption88]

طلع فيها شغل في العفشة وضاربة ايرباج ومغيرة تابلوه واربع حساسات بايظين وشوية حاجات تاني كدا مش فاكر اساميها بالظبط

[hamata]

الحمد لله انها جت سليمة

[triton]

ده العادي من أيمن .. جدع جدا و خدوم

وفداك الالف جنيه ... انا شخصيا اكتشفت ان عربيتي ملعوب في عدادها و طبعا انا كنت كاشف في البنزينه

[masterzmind]

طاب يا جماعة لو انا كشفت على العربية فى التوكيل هيبقى زى البنزينة ولا لا علمااا ان العربية هوندا سيفيك او بيجو 2008 او 2009

[solly1979]

طاب يا جماعة لو انا كشفت على العربية فى التوكيل هيبقى زى البنزينة ولا لا علمااا ان العربية هوندا سيفيك او بيجو 2008 او 2009

لا اكيد التوكيل مش زى البنزينه
وفى حاجات ارخص
يعنى كشف الميجان فى التوكيل ب 600
فى مركز خدمه معتمد فرنش موتورز مثلا ب 250 وبيفصص العربيه
انا كشفت لواحد صاحبى عن عربيه ميجان 2006 كانت شكلها من بردة ومن جوة حلو
بس العربيه كانت خرابه الأير باج ضارب والكرزو كنترول مش شغال والستيب ترونك بايظ وكل حاجه من دول بكام الف

[تامر.محمد]

لا بديل عن كشف التوكيل