مشكور جدا حد يقوللى ميجان 2005

[modybal]

انا شاكر جدا لاهتمامكم والرد انا معروض على ميجان 2005 اعلى فئة بانوراما ماشية 170 الف وصيانتها كلها فى التوكيل - من اول يد وحالتها الظاهرية جيدة جدا وممكن اكشف عليها فى التوكيل
اولا اشتريها ولا لا وان كان فحدودها كام

[تامر.محمد]

الكيلو متر كبيييييييير اوي

[kar!m]

هتركب ايه بعد 170 الف كيلو .. شوف واحدة كيلومتر أقل شوية

[Amr_Moh]

متقول لينا إنت معروضة بكام ؟؟!!!

[ramy_gamal]

بص هى فعلا ماشيه كتير بس العربيه دى متفرقش معاها الموضوع دة المهم حالتها ايه ممكن تكون عامله المسافه دى على الطوالى يعنى احسن من عربيه عامله 80 الف جوة البلد فى الزحمه والاشارات والسخونه

[momo10000]

50 الف جينه حلو قوي عليها

[Amr_Moh]

50 الف جينه حلو قوي عليها

مش عارف ليه بطني كركبت بعد البؤ دة

[Hacker5]

الكيلو متر العالى للسيارة مايعتبرش مقياس ان العربية وحشة ولا حلوة
الكشف هو الفيصل
ممكن تبقى عربية ماشية 50 ولا 60 الف و مغيرة نص - هاتشتريها ؟
الحالة هى الاهم و سيبك من العداد العداد سهل اوى يتلعب فيه و كويس ان صاحب العربية دى امين و ملعبش فى عدادها
اكشف و شوف التقرير لو كويسة اتكل على الله

[a_hmed]

مليون فى المية بتتأجر

لو حسبتها هتلاقيها ماشية حولى 80 كيلو فى اليوم

لمعدل الطبيعى فى السنة 20 الف كيلو

[Ahmed Selim]

مليون فى المية بتتأجر

لو حسبتها هتلاقيها ماشية حولى 80 كيلو فى اليوم

لمعدل الطبيعى فى السنة 20 الف كيلو

مش شرط يا باشا

أنا كان مشوارى للشغل ذهاب و عودة حوالى 65 كيلو كل يوم......ده من غير أى مشاوير تانية و من غير سفر و خلافه.

و أعرف واحد تانى كان مشوار شغله يومياً من مدينة نصر إلى 6 أكتوبر.......بس ربنا تاب عليه و الشغل بتاعه نقل التجمع الخامس :)

[Hacker5]

اعتقد الميجان من العربيات اللى مش مطلوبة فى الايجار والله اعلم

[pioneerahmed]

170 الف كيلو و موديل 2005 الى كان نازل بمشكلة فى الفتيس!!!!

يا راجل انت عايز تعذب نفسك اوى لية كدة