سوفت وير جديد لفلوينس

[heromiro]

السلام عليكم
النهردة كنت في توكيل المقطم بعمل صيانه 15 ألف المهم عرفت ان في سوفت وير لسه نازل للعربيه المهم عملت الصاينه ونزلت السوفت وير على فكره الصاينه الفرديه مهمه جدا برده يارت محدش يكسل ده حسب كلام المهندس هناك هم بيرجعوا على كل حاجة في العربيه وال زيت و طربيت العفشه لو في أي مشكة هم بيعملها بصرحة من نفسهم طبعا كل ده مجانا العربيه فرقت كتير بعد الصيانه خصوصا في سحب وال عفشه بقت أحسن كتير

[blazer]

طب حضرتك ملاحظتش الفرق بين قبل وبعد السوفتوير الجديد؟
يعنى الاحساس بالنقلات؟
كدا يعنى

[heromiro]

لأ موضوع الفتيس ملحظتش تغير بس سحب العربيه أحسن

[tareksedra]

ممكن حضرتك توضح لنا السوفت وير الجديد ده نازل لايه بالظبط هل للفتيس و لا لكمبيوتر العربيه ولا ايه بالظبط

[wawoo]

ممكن حضرتك توضح لنا السوفت وير الجديد ده نازل لايه بالظبط هل للفتيس و لا لكمبيوتر العربيه ولا ايه بالظبط

اة ياريت نعرف ..و هل دة للفلوينس فقط و لا الميجان 3 كمان

و يترى لازم نستنى الصيانة القادمة و لا ممكن ننزلة فى اى وقت عند مركز الخدمة ...؟؟

[heromiro]

هو لكمبيوتر العربيه بس مش للفتيس أنا سألت المهندس بيقولي ان الشركه في فرنسا بعتلهم من اسبوعين وقالت لازم ينزلوا لفلونس طبعا أي حد ممكن يحجز ويروح ينزلوا الموضوع مس هايخد أكتر من ربع ساعة بس أنا حاسس ان صاحب العربيه فرق كتير قوي بصرحه وكان في حاجات عندي عملها من نفسهم من غير ماقول حاجة فعلا توكيل محترم

[akamel]

انا عامالولي السوفت وير دا و اعتقد انه حاجة تخص الأير باج و لو لاحظتو كان في خبر من كام يوم انهم بيسحبو الفلوانس في اوربا نظرا لوجود عيوب في الايرباج و الله اعلم