سؤال لخبراء الميجان وارجو مساعدتكم

[hosam712]

السلام عليكم

دي اول مشاركة لي بالمنتدي الهايل ده واللي استفدت منه كثيرا ولكن مشكلتي ملقيتش حد مر بيها قبل كده بالمنتدي وقررت اسئلكم لعلي اجد لديكم الحل
عربيتي ميجان 2005 / 2000 سي سي بالأمس اغلقت شنطة العربية ومش راضية تفتح تاني نهائيا وكأن السنتر مغلق عليها فقط مع العلم كل الابواب تعمل بالريموت وتقفل وتفتح عادي اما الشنطة فهي اتقفلت ومش بتتفتح نهائيا
هل هناك قفل للشنطة ممكن تتفتح منه مانيوال بالمفتاح اللي بالريموت واين مكانه إن وجد ؟؟

سؤال اخر عندي حساس الاكسجين محتاج تغير وانا اسكن بالشيخ زايد - 6 اكتوبر ايه اقرب مكان يبيع قطع غيار واقرب ميكانيكي كويس لمنطقتي ؟؟

سؤال اخير احيانا احس ان العربية مكتومة ومش بتسحب وساعات تبقي زي الفل يا تري ايه الاسباب ؟؟؟

مع العلم اني مستخدم الميجان من حوالي سنة وتقديري لها انها عربية جميلة ومريحة وممتعة جدا وسعرها مناسب جدا واشجع علي استخدامها وشكرا لكم جميعا

[Ahmed Selim]

1- معلوماتى أن مفيش طريقة..........لازم حد فاهم ميجان أو التوكيل

2- راسل أيمن مومو momo10000 و هو هيشوفلك حد فى الهرم

3- ممكن تكون مشكلة بنزين.....هل أنت متعود تحط من محطة معينة أو أكتر ؟

جرب تغير المحطة / المحطات بمحطة زى إمارات مصر لمدة كام يوم و تشوف أيه الأخبار الأول.
و برضه بص بصة على البوجيهات.

[hosam712]

شكرا لك استاذ احمد علي الاهتمام انا بعثت رسالة للاخ ايمن وفي انتظار رده اما بخصوص البنزين انا متعود علي محطة توتال في اكتوبر يمين من ميدان جهينة طريق اسكندرية الصحراوي وبخصوص الشنطة المشكله ما تزال قائمة وكنت متوقع ان الشنطة لها كالون تفتح منه مانيوال لكن واضح اني هستعين بالمتخصصين بعد رد الاخ ايمن عليا إن شاء الله

[د.محمود صلاح]

اعتقد الشنطة بتتفتح بعد ثني الكنبة الخلفية والدخول من الداخل .

السنتر بتاعها شكله باظ وعايز يتغير

[momo10000]

في حد في الهرم ..... انا بعتلك تليفوني عالخاص ...

[hosam712]

اعتقد الشنطة بتتفتح بعد ثني الكنبة الخلفية والدخول من الداخل .

السنتر بتاعها شكله باظ وعايز يتغير

شكرا للاهتمام وبالفعل انا عملت كده وثنيت الكنبة بس احسن احاول بالنهار في النور و إن شاء الله تنفتح واشوف محتاجه ايه واغيره

[hosam712]

في حد في الهرم ..... انا بعتلك تليفوني عالخاص ...

جزاك الله خيرا اخ ايمن

[Col. Eng. Khaled]

إن شاء الله بعد تغيير حساس الجكمان آداء العربية حيتحسن ، تمنه إستيراد 150 جنيه على تجربة بحد أقصى أسبوع .

[M_samir]

إن شاء الله بعد تغيير حساس الجكمان آداء العربية حيتحسن ، تمنه إستيراد 150 جنيه على تجربة بحد أقصى أسبوع .

سيادة العقيد ازيك
ازاى اعرف ان حساس الشكمان فى مشكلة لان مشكلة العربية مكتومة دى بعانى منها

[Col. Eng. Khaled]

سيادة العقيد ازيك
ازاى اعرف ان حساس الشكمان فى مشكلة لان مشكلة العربية مكتومة دى بعانى منها

الله يسلم حضرتك يا فندم

لمبة السيرفيس منوّرة ؟

كتمة العربية لها أكتر من سبب ، لو وقت حضرتك يسمح حاول تشرفني في الحرفيين .

[M_samir]

الله يسلم حضرتك يا فندم

لمبة السيرفيس منوّرة ؟

كتمة العربية لها أكتر من سبب ، لو وقت حضرتك يسمح حاول تشرفني في الحرفيين .

ان شاء الله سيادة العقيد زيارة قريب جدا
وشكرا لاهتمام حضرتك انا كنت جيت لحضرتك مرة قبل كده لو تفتكر من سنة علشان خبطة فى الرفرف عندى ولسة موجودة زى ما هيا

[hosam712]

اعتقد الشنطة بتتفتح بعد ثني الكنبة الخلفية والدخول من الداخل .

السنتر بتاعها شكله باظ وعايز يتغير

ابشركم يا جماعة اني عرفت افتح الشنطة ولله الحمد من داخل السيارة بعد ما ثنيت الكنبة وكان في سن صغير ابيض معلق بالقفل بسبب قطعة بلاستيكية صغيرة كانت تعوق حركته وبعد ازالتها رجعت الشنطة تقفل وتفتح زي الاول ولله الحمد واعتقد ان ده حصل نتيجة اغلاق الشنطة (اقصد رزعها) بقوة وباهمال وخاصة من قبل الاطفال فانتبهوا للنقطة دي وشكرا جزيلا لمشاركتكم ويبقي موضوع الكتمه اللي بالسيارة وحساس الاكسجين وان شاء الله سوف اعرفكم اول ما اصل للحل