شكر خاص للعقيد خالد و محمد بك فرحات و أيمن الوحش مومو

[Ahmed Selim]

السلام عليكم يا وحوش

الفترة اللى فاتت كنت محتاج شوية حاجات للعربية.....كارت بايظ و ثرموستات و الشبكة الأمامية اللى تحت

و تم الإستعانة بالوحوش التاليين على الترتيب نظراً لظروف سفرى

العقيد خالد
محمد بك فرحات
و أيمن الوحش مومو

و بصراحة الناس متأخروش عليا.

ربنا يكرمهم و يبارك لهم و دايماً كده يقدرهم على مساعدة الناس.

[Amr_Moh]

3aaaaaaaaaaaaaaaaaaaaaaash

ربنا يبارك

[Mohd_Adel_Amin]

ربنا يبارك فيهم ويخليهم للوحوش , حقيقي الواحد بيبقى مش حامل هم اي مشكلة تحصل في عربيته طول ما هو حاسس ان وراه رجالة المنتدى ..

[egyptiandiver]

++++1

[ahmed88hassan]

ربنا يخليهم لينا يا رب
d:

[ecybrarian]

يا راجل عيب عليك...يعني تضيع علي شرف خدمتك..دا الواحد بيتلكك لك علشان يوجب معاك..انت راجل صاحب افضال علي يا زعيم..على العموم اكيد الوحوش عملوا الواجب وزيادة

[chato_eg]

طمنا بعد الحاجة ما توصل بالسلامة......
الثرموستات تمام..الموضوع اتحل و لا الدنيا حررت فمش هتبان خالص دلوقتى ؟

[Ahmed Selim]

يا راجل عيب عليك...يعني تضيع علي شرف خدمتك..دا الواحد بيتلكك لك علشان يوجب معاك..انت راجل صاحب افضال علي يا زعيم..على العموم اكيد الوحوش عملوا الواجب وزيادة

و الله يا باشا أنا قولت أطلب من الناس اللى فى أرض المعركة معظم الوقت.....يعنى العقيد خالد و أيمن....أنت عارف أنهم كل يوم فى وسط الناس بتاعة الرينو.....و طبعاً الكارت مينفعش حد فى مصر يعمله غير محمد فرحات :)

طمنا بعد الحاجة ما توصل بالسلامة......
الثرموستات تمام..الموضوع اتحل و لا الدنيا حررت فمش هتبان خالص دلوقتى ؟

إن شاء الله الحاجة توصل بس و أركبها و أقولكم على أخر الأخبار.

بس عاوز أقولك أن الدنيا فعلاً حررت و مش باينة زى الأول بس لسه ممكن تتعرف.

[Col. Eng. Khaled]

لا شكر على واجب يا أحمد بيه و الله

يا راجل سيب الواحد يحاول يفك من على رقبته بعض جمايل الوحوش "وَحْش وَحْش" .

[chato_eg]

بس عاوز أقولك أن الدنيا فعلاً حررت و مش باينة زى الأول بس لسه ممكن تتعرف.

نفس الحكاية هنا كمان..الدنيا حررت و التكييف بقى بيشتغل بالنهار....و أصبحت المشكلة ظاهرة وقت التسخين صباحا فقط....

بينى و بينك أنا أصلا قلقان جدا إنى أجيبها استيراد.....لو طلعت فى التوكيل لحد 1000 جنيه ..أمرى لله و أعملها هناك....أكتر من كده يبقى مبالغ فيها..

أنا مقدر طبعا موقفك إن مافيش فى مصر لل 2000 سى سى فى التوكيل....ربنا يخلى لنا الحرفيين و الحاجات الحلوة إللى فيها...و الوحوش إللى بيوصلونا للحاجات الحلوة

[Ahmed A Rahman]

الف مبروك يا باشا عقبال ما تشتري اللوجان برضه

حفضل وراك لحاد ما الاقي فتيس هدية من الامارات

[farahat]

أحمد باشا ، احنا ماعملناش حاجة، دي حاجة بسيطة
دة احنا إلي لازم نشكرك يا باشا ، كفاية انك جمعتنا التجميعه الجميلة دي عشان نصلح مشاكل العربيات الاماراتي :))))

[Ahmed Selim]

نفس الحكاية هنا كمان..الدنيا حررت و التكييف بقى بيشتغل بالنهار....و أصبحت المشكلة ظاهرة وقت التسخين صباحا فقط....

بينى و بينك أنا أصلا قلقان جدا إنى أجيبها استيراد.....لو طلعت فى التوكيل لحد 1000 جنيه ..أمرى لله و أعملها هناك....أكتر من كده يبقى مبالغ فيها..

أنا مقدر طبعا موقفك إن مافيش فى مصر لل 2000 سى سى فى التوكيل....ربنا يخلى لنا الحرفيين و الحاجات الحلوة إللى فيها...و الوحوش إللى بيوصلونا للحاجات الحلوة

هو أكيد موجود فى التوكيل هنا.....بس هو للأسف التوكيل بعيد عنى حوالى 80 كيلو و مش سهل أنى أروح....و برضه التوكيل مش زى توكيل مصر....يعنى مفيش رقم خدمة موحد و تتصل بالرقم الأرضى يحولك على رقم قطع الغيار و أنت و حظك بقى فيه حد يرد و لا لأ.

الف مبروك يا باشا عقبال ما تشتري اللوجان برضه

حفضل وراك لحاد ما الاقي فتيس هدية من الامارات

فتيس بس...........لأ لأ لأ لأ لأ لأ

ده مش مقامك يا دكترة....أنت مقامك عربية لوجان كاملة....بس 3000 سى سى على الأقل....أستنى بقى لما تنزل و أبعتهالك :)

أحمد باشا ، احنا ماعملناش حاجة، دي حاجة بسيطة
دة احنا إلي لازم نشكرك يا باشا ، كفاية انك جمعتنا التجميعه الجميلة دي عشان نصلح مشاكل العربيات الاماراتي :))))

يا فرحات باشا شاكرين أفضالك....و دايماً كده متجمعين فى الخير إن شاء الله.