بخصوص كلاكس الميجان Ii

[Ramy_Tantawi]

السلام عليكم ورحمة الله وبركاته..
اخباركم ايه يا جماعه يا رب يكون الجميع بخير ان شاء الله..
سؤالي لمالكي الميجان بخصوص كلاكس العربيه حد حاسس انه صوته ضعيف شويه ولا دي مشكله عندي انا بس لئن امبارح كان اتوبيس هيفعصني لكن ربنا ستر الحمد لله وتقريبا سمع صوتي بزعق وماسمعش صوت الكلاكس وفي اوقات كتير بحس ان الناس مابتسمعش الكلاكس فا يا العيب في كلاكس عربيتي يا في ودان الناس :( لو حد من حضراتكم غير الكلاكس او كان صوته واطي وعالجه يقوللي افادكم الله لئني كمان حاسس ان تغييرالكلاكس لازم يتفك الاكصدام وشغلانه........

[Sharky]

دا طبيعى هو صوت كلاكس الميجان مش عالى و هو فردة واحدة مش فردتين
لكن مش لدرجة إنه محدش يسمعه و إنت جوة العربية مش حتسمعه و بالذات لو قافل الزجاج مش حتسمه خالص لكن بره بيكون مسموع بدرجة معقولة لكن مش عالية

[Megane]

السلام عليكم
طبعا الكلاكس بتاع الميجان كلاكس زبالة و غير مسموع بس دة طبعا بالنسبة لينا كمصريين لان الشوارع بتعتنا عايزة كلاكس مقطورة لكن انا سالت فى التوكيل قالوا إن الفرنسيين يكرهون الضوضاء و لذلك فهو كلاكس ضعيف جدا بالنسبة لباقى السيارات.
و بالمناسبة كنت فى فرح أحد الأصدقاء و كنت أنا بزف العريس و كانت مهزلة حيس أننى كنت أضعف كلاكس فى طابور السيارات (لانسر - أوكتافيا - باجيرو - دايو - نيو اكسنت):):):)

[Ramy_Tantawi]

الف شكر شاركي باشا ودايما معانا والله انت ربنا يكرمك بس مش عارف هل ممكن يعني نزود مثلاً فرده جنبه تعللي صوته شويه ولا حضرتك شايف ايه ؟

أخونا ميجان شكرا جزيلا على الرد وحضرتك فكرتني بحاجه حصلتلي برضه من كام سنه زفيت واحد صاحبي ماكانش ربنا انعم عليا لسه بالميجان المهم كان الكلاكس اللي راكب في العربيه mixo او GTI ده كان اسمه زمان المهم الكلاكس ده اشتغل اول ربع ساعه من الزفه والباقي ماتعرفش عارف لما يكون في بطه بتزعق وحد ماسك زورها انا حصل لكلاكسي كده :D وبقى شويه يطلع صوت وشويه مايطلعش خالص وكان شكلي وحش اوييييييييي وحاجه تكسف :p ......المهم حضرتك طيب منزعج من صوته الواطي نسبياً ولا عادي مافيش مشاكل منه ؟

[Sharky]

بصراحة يا رامى مش عارف إذا كان ممكن تزود له فردة كمان و لا لأ

ممكن تسأل فى التوكيل و هما يفيدوك

[Amr_Moh]

بصراحة يا رامى مش عارف إذا كان ممكن تزود له فردة كمان و لا لأ

ممكن تسأل فى التوكيل و هما يفيدوك

aiwa momken

[Megane]

......المهم حضرتك طيب منزعج من صوته الواطي نسبياً ولا عادي مافيش مشاكل منه ؟

السلام عليكم
انا تأريبا لا أستخدم الكلاكس تماما إلا فى الحالات القصوى و بالنسبة لى مفيش مشاكل خالص فى الصوت الواطى بتاع الكلاكس انا بس كنت مكسوف و أنا بزف صاحبى لدرجة إنة قال لى (سيب الناس التانية تكلكس و خليك مركز فى الطريق).
و شكرا يا باشا على موضوعك الجميل:):):)

[Karim_Monir]

ها ها ها
كلاكس الميجان صديق للبيئة
زي كلاكس الريو
كنت محتاج افتح الكابوت عشان اسمعة
طبعا بهزر
ربنا عوض عليا بكلاكس الكرولا
وما ادراكم ما كلاكس الكرولا
لا تقولي جي تي اي ولا طاط ولا ايه
اتخن مقطورة بتوسع من وشي بسببه ويقوللي غوررر
نييييهههههههه
في بلدنا معدل الضوضاء عالي جدا عشان كدة لازم تبدل الكلاكس بواحد اعلى
لان كدة ممكن يعرضك لخطر لا قدر الله

[Ahmed Selim]

الف شكر شاركي باشا ودايما معانا والله انت ربنا يكرمك بس مش عارف هل ممكن يعني نزود مثلاً فرده جنبه تعللي صوته شويه ولا حضرتك شايف ايه ؟

أخونا ميجان شكرا جزيلا على الرد وحضرتك فكرتني بحاجه حصلتلي برضه من كام سنه زفيت واحد صاحبي ماكانش ربنا انعم عليا لسه بالميجان المهم كان الكلاكس اللي راكب في العربيه mixo او GTI ده كان اسمه زمان المهم الكلاكس ده اشتغل اول ربع ساعه من الزفه والباقي ماتعرفش عارف لما يكون في بطه بتزعق وحد ماسك زورها انا حصل لكلاكسي كده :D وبقى شويه يطلع صوت وشويه مايطلعش خالص وكان شكلي وحش اوييييييييي وحاجه تكسف :p ......المهم حضرتك طيب منزعج من صوته الواطي نسبياً ولا عادي مافيش مشاكل منه ؟

أيوة ممكن أنا مركب فردتبن عندى

مش فاكر كان سعره كام بالظبط بي يا 40 جم يا 80 جم فى الميكانيكيون العرب

[Ramy_Tantawi]

كريم باشا نورت المنطقه بتاعتنا :p الآول شكرا لمشاركتك طبعاً وجزاك الله خير .ثانياً مش هاتقوللي على كلاكس الكورولا هو غني عن التعريف وبيدخل ودان أي حد وبيطلع من الناحيه التانيه الحمد لله :D انا جاري عندوا كورولا 96 وفيها انذار غريب كده جاي مع العربيه متوصل على كلاكس العربيه لازم تفتح وتدخل تحط المفتاح في الكونتاكت قبل نص دقيقه ولو مالحقتش مش عاوز اقولك العربيه هاتعمل فيك ايه بالكلاكس ده انا باعرف جاري خارج امتى من الفضيحه اللي كلاكسه بيعملها :)

انا بفكر فعلاً اغير الكلاكس بس مش عارف هل تعرفوا طيب نوع محترم موجود وهل mixo والكلام ده لسه موجود ولا ايه ؟ يا ريت تساعدوني ولكم جزيل الشكر.

[Ramy_Tantawi]

استاذ Ahmed A.Maksoud أخبارك ايه يا رب تكون بأحسن حال ... شكرا يا باشا على الرد بس هل حضرتك اشتريت فرده من بتاعها يعني من عند الميكانيكيون العرب وركبته هناك بالاضافه لل راكب فيها ولا حضرتك غيرت الكلاكس بالكامل وجبت نوع تاني فردتين ؟

[Ahmed Selim]

استاذ Ahmed A.Maksoud أخبارك ايه يا رب تكون بأحسن حال ... شكرا يا باشا على الرد بس هل حضرتك اشتريت فرده من بتاعها يعني من عند الميكانيكيون العرب وركبته هناك بالاضافه لل راكب فيها ولا حضرتك غيرت الكلاكس بالكامل وجبت نوع تاني فردتين ؟

الله يخليك يا باشا وبلاش أستاذ دى ربنا يكرمك :-)

أنا مركب اتنين بتوعها من عند الميكانيكيون بس برضه الصوت عالى بس مش مزعج زى ال GTI وال Mixo .

[habashi]

يا جماعه انتو زعلانيين من الكلاكس علي الرغم انه علي ضعفه دة انا شايف انه مميز وراقي ورقيق ... ولو عايز مقطورة توسعلك ابقي ادي نور احسن , وعامة انا بردو أحب أعرف لو حب حد يغييرة فيما بعد هل ممكن ... من باب التغيير يعني

[Ahmed Selim]

ممكن يا باشا