إيه رأى الوحوش فى حاله الميجان دى

[wmadkour]

أنا من محبين الميجان و مصر أنى أجيب ميجان ولو إنى عقلى بياخدنى كل شويه ناحية الأوكتافبا بس الميجان سعرها أهدى
انا طمعان فى رأى و حوش الميجان.
انا باخلص فى ميجان 2009 سودا ماشيا 29000 ب 88000 الفئه التانيه
روحت التوكيل فى المقطم كشفت عليها، شاسيه سليم ، موتور Good كفاءه 80% (مش عارف كده مناسب للكيلومترولا إيه ) تكييف Good كهربا Good فتيس Good عايزه مساعد ورا و شداد موتور و تيل فرامل قدام و قالى الجنوط عايزه تتغير (او إستعدال ف مراكز الخدمه) رشه إكصدام و كبوت و عتيه و لكن فابريكا دواخل و باقى الخوراج
بعد الفصال و صلنا ل 86 بس لسه ماسجلتيش يعنى دفعتلوا 2000 ج لغاية ما سجل
إيه رايكم فى السعر ده عالى - و اطى - مناسب - حلو !! انا بعد ما قريت المواضيع هنا إتلخبطت
بعدين دى أول أوتومانيك أسوقها و لا قيت السحب غير المانويل يعنى تجميعها بطىء و لو عايز أحرق بدوس البنزين للأخر فاrpm بيعلى للأربعه بعدين ينزل وتجمع فالسحب كده عادى فى الأتوماتيك يعنى تحس أنها تقيله؟ يعنى عربيتى فيات بترا مانويل قصه تانيه بس انا ماجربتش الميجان غير داخل المدينه .
ياريت ما تبخلوش عليا بالنصحيه و جزاكم الله خير

[samoreception]

ربنا يباركلك فيها ان شاء الله احسن حاجة انت عملتها انك كشفت فى التوكيل واطمنت على العربية والسعر ممكن يكون اغلى الفين او تلاتة بس مش مهم لانى الحالة كويسة وده صعب تلاقيه دلوقتى فى مصر
وعقبال ما تحوش شوية فلوس وبعدين تجيب اوكتافيا ايه 5 هتعجبك قوووى برده ان شاء الله
ومبروك عليك

[moroattar]

طيب هيه ليه عاوزه شداد موتور ... وليه راشه اكصدام وكبوت !!!!!!!!!!!!!!

[momo10000]

اكسر تاني من سعرها ... لان فيها اكصطدام وكبوت وعتبه

كتير 86

[wmadkour]

ربنا يباركلك فيها ان شاء الله احسن حاجة انت عملتها انك كشفت فى التوكيل واطمنت على العربية والسعر ممكن يكون اغلى الفين او تلاتة بس مش مهم لانى الحالة كويسة وده صعب تلاقيه دلوقتى فى مصر
وعقبال ما تحوش شوية فلوس وبعدين تجيب اوكتافيا ايه 5 هتعجبك قوووى برده ان شاء الله
ومبروك عليك

ربنا يباركلك ، إنشاء الله الطلعه الجايه فانتازيا

و جزاك الله خير على الرد ، أنا حاسس إنها أغلى شويه فعلاً
بس الفكره فى الأتوماتيك، للأسف أنا سوقتها بعد ما خرجت من التوكيل فمالقتيش حد أسأله ، هل تجميع الأوتوماتيك بطئ كده و العزم إيه أخباره مع البطء ده و هل فى طريقه لحل الموضوع ده يعى تزودسرعة التجميع .
تحياتى لك

[wmadkour]

طيب هيه ليه عاوزه شداد موتور ... وليه راشه اكصدام وكبوت !!!!!!!!!!!!!!

انا مش عارف هو ايه شداد الموتور أصلاً بس بان فى الصيانات إنها غيرت قاعدة فتيس
رشه تقريباً حادثه بس واضح إنها مش جامده لآنها مأثرتش على جوه
طب إيه هاعيش يا دكتور و لا إيه :)
تحياتى لك و فى إنتظار رأيك

[wmadkour]

اكسر تاني من سعرها ... لان فيها اكصطدام وكبوت وعتبه

كتير 86

أحمد باشا و اضح أنك كبير خباء الميجان فأستأذنك فى نمرة تيلفونك على الخاص ، أكلمك لو مافيهاش إزعاج أكون شاكر
جزاك الله خير

[moroattar]

انا مش عارف هو ايه شداد الموتور أصلاً بس بان فى الصيانات إنها غيرت قاعدة فتيس
رشه تقريباً حادثه بس واضح إنها مش جامده لآنها مأثرتش على جوه
طب إيه هاعيش يا دكتور و لا إيه :)
تحياتى لك و فى إنتظار رأيك

ازاى تبقى حادثه مش جامده وهى مغيره قاعده فتيس وعاوزه شداد موتور وراشه اكصدام وكبوت وعتب .... الا اذا كنت تعرف العربيه وصاحبها واصلها وفصلها .....
لو كان فيه خير ما كان رماه الطير ....

[wmadkour]

ازاى تبقى حادثه مش جامده وهى مغيره قاعده فتيس وعاوزه شداد موتور وراشه اكصدام وكبوت وعتب .... الا اذا كنت تعرف العربيه وصاحبها واصلها وفصلها .....
لو كان فيه خير ما كان رماه الطير ....

هو مش كشف التوكيل فى المقطم يحدد الحاله
أنا سألت بعد الكشف المهندس حسام فى استقبال المقطم.: العربيه دى لو قدامك تأخذه ؟ ا قالى هاخذها لأن البائط فيها استهلاك مش عيوب. و إلى عائز يتغير هيغيره فى الضمان زى شدادة الموتور و المقص غير كده حالتها كويسه و انه لما إشترى عربيته كان فيها نفس الصيانات
انت كركبتلى بطنى.
يعنى اعتمد الكشف بتاعهم و لا اعتبره مش أكيد ؟؟؟؟
أنا إتلخبطت

[pioneerahmed]

كويسة بس نزل فى سعرها شوية عشان لما تيجى تبيع متخسرش كتير

[د.محمود صلاح]

انا أفضل في الميجان أعلى فئة

[h_masr]

الاخ مدكور لو العربية مش مناسباك ياريت تقولى وانا احل مكانك لانى محتاج ميجان 2009 كيلو متر قليل بانوراما
جزيل الشكر

[wmadkour]

جزاكم الله كل خير أنا خلصت العربيه
و رحت عملت كار كير و بسم الله ماشاء الله سواقتها جميله
هاروح أعمل صيانة ال 30000 و اغير شوية حاجات و اركب فى كول علشان التكييف ، هيا كويسه لغاية دلوقتى بس لما بقف لمده كبيره فى الطريق (إمبارخ وقفت 45 دقيقه فى الزحمه) التكييف مابيكونش مرضى بس فى نفس درجة الحرارة و هيا ماشيها التكييف تمام، ياترى كله كده ؟ عامة كده كده انا هاركب ال فى كول

[MASERATI]

السلام عليكم و رحمة الله و بركاته

ألف مبروك و ربنا ييسرلك الأمور و تجيب العربية اللى أنت بتتمناها و عقبال مانباركلك على الAudi A8.

بس, أنا كنت عاوز أسأل, هو العادى أن العربية اللى عاملة 29000 كم بس, يكون قدرة الموتور بتاعها 80% بس ؟؟؟

يعنى ده قليل و لا ده معقول و لا ايه؟؟؟

و بعدين, العربية اللى عاملة 29000 كم بس, يعنى كسر زيرو تقريبا, بتكون خالية من أى أعطال و فابريقة بالكاااااااااااااااااامل.

[sam_zen_elden]

ياجماعه الراجل اشترى وركب واتبسط مافيش داعى لأنكم تقلقوه وبعدين ممكن العربيه تكون اخذت مطب يجيب قاعدة اوشداد وهو كشف فى التوكيل يعنى التوكيل مسئول عن تقريره
مبروك وربنا يكفيك شرها وبلاش تقلق نفسك