ميحان 2: أنها حقاً سيارة محترمة

[topgear]

السلام عليكم يا شباب

أنا لسة راجع من شرم الشيخ و حصل معايا موقف لازم تعرفوه

أنا كنت رايح يوم السبت الفجر لوحدى وطبعاً سواقة 500 كم وانت لوحدك فى العربية ممكن تجبلك هسهس :-)

المهم أنا كنت ماشى طول الطريق على 160 \ 170 و جبت قبل شرم ب 200 كم كنت على أخرى من الزهق المهم بدأت أجرى شوية 180\190 وساعات 200 و بعدين أهدى تانى و بعد نص ساعة كنت مثبت 190 \200 وبعد نص ساعة كمان على السرعة دى لقيت لمبة ال Service نورت والشاشة كتبت Gearbox Overheating أو ما معناه أن زيت الفتيس حرارته عليت زيادة عن العادى
طبعاً أنا قلبى وقع فى رجلى و بدأت العن اليوم اللى جبت فيه الميجان
المهم وقفت على اليمين و مرضتش أبطل العربية لحسن متدورش تانى وأنا لسة فاضلى 120 كم
كلمت رقم ال Call Center 16202 الساعة 8:30 صباحاً ردو عليا على طول وحولونى لمختص
حكيتلو القصة و وأنا بحكيلو اللمبة طفت لوحدها
الرجل قللى باللفظ " أنت ماشى فوق ال 160 لمدة طويلة صح ؟ "
قلتلو صح قالى أنزل بالسرعة لحد 130 شوية و هاتلاقى اللمبة طفت لوحدها
قولتله فعلاً هى لسة طافية حالاً قالى خلاص كمل عادى بي متفضلش ماشى كتير فوق ال 160 170
قولتله طب أروح أشيك على العربية أول لما أوصل شرم قاللى لأ مفيش مشكلة بس لو ظهرت معاك تانى روح

أنا طبعاً لميت نفسي و كملت باقى الطريق بين 130 وال 150 و الحمد لله مفيش حاجة حصلت
و أنا راجع النهاردة فضات ماشى أول 200 كم ما بين 170 و 180 واحمد لله برضه مفيش حاجة.


أنا شايف انها لو كانت عربية تانية مش بالتكنولوجيا دى كان زمان الفتيس فى الباىباى

أيه رأيكم ؟

نفس اللى حصل معايا
بعد مشتريت العربيه فى نفس اليوم سافرت العريش وانا فى الطريق كنت ماشى 170/180 وفرحان بقه لسه بجرب العربيه لسه جديده وكان فاضل 80 كيلو وكان فى رمضان قبل الفطار بنص ساعه وكنت عايز افطر مع اهلى وظهرتلى نفس الكلمه روحت ركنت وطفيت العربيه وفضلت واقف شويه ودورت لقيت اختفت وكملت 120 بس بعد كده كلمت مهندس التوكيل قالى نفس الكلام فاانا كنت عايز اسال حضرتك سؤال هو انتا جربت مشيت تانى 180 ومحصلش حاجه
يعنى اجرب واتوكل على الله

[Ahmed Selim]

جربت فى نفس اليوم بعد 30 دقيقة و جربت فى نفس السفرية فى الرجوع من شرم......

[topgear]

هههههههههههههههه
ماشاء الله
طب معليش يااستاذ احمد صوت الماتور بيبقى ازاى وصوت العزل
انا عندى العزل كان جيد بس صوت الماتور كان عالى
غير اللانترا اللى كانت معايا بنفس السرعه

[Ahmed Selim]

صوت الموتور بيبقى عالى شوية بعد ال 140 تقريباً
أصل الفتيس 4 نقلات بس مش عارف ليه.........لو كان 5 كان الصوت هيبقى أقل و التوب سبيد كانت هتعلى شوية.

[elmalky]

انها رائعه رينو

يا جماعه رينو كسبت من سنتين الفورميلا وان على يد الاسبانى فرناندو الونسو يعنى عندما تفوز سياره من شركه رينو بكل مراحل السباق ده اكيد معناه كبير بس للى يعرف يعنى ايه فورميلا وان

[محمد ابراهيم 1]

صوت الموتور بيبقى عالى شوية بعد ال 140 تقريباً
أصل الفتيس 4 نقلات بس مش عارف ليه.........لو كان 5 كان الصوت هيبقى أقل و التوب سبيد كانت هتعلى شوية.

يا باشا جميع العربيات الأوتوماتيك فتيسها بيبقى 4 سرعات بس ما عدا الهوندا السيتى الجديده فنازله بفتيس 7 سرعات
وبرضه المرسيدس الجديده نازله بفتيس 7 سرعات

[محمد ابراهيم 1]

بصراحه العربيات الأوروبى سباقه فى الموضوع ده
أذكر إن كان فيه موديل من الريجاتا بتنزل فيها كمبيوتر أعطال
وكان عندنا 405 موديل 89 وكان فيها شاشه بتكتب استوب لو العربيه سخنت أو زيت الفرامل خلص أو منسوب الميه انخفض أو منسوب الزيت أو ضغطه

[Ahmed Selim]

الأوكتافيا ال A5 خمس سرعات يا باشا
و أعتقد فى بعض العربيات دلوقتى بقى الطبيعى بتاعها 5 و فى طبعاً 6 و 7 كمان.

[Ahmed Selim]

بصراحه العربيات الأوروبى سباقه فى الموضوع ده
أذكر إن كان فيه موديل من الريجاتا بتنزل فيها كمبيوتر أعطال
وكان عندنا 405 موديل 89 وكان فيها شاشه بتكتب استوب لو العربيه سخنت أو زيت الفرامل خلص أو منسوب الميه انخفض أو منسوب الزيت أو ضغطه

موديلات Bmw 325 أوائل التمانينات كان فيها كمبيوتر أعطال محترم جداً
وال 318 فيما فوق كان فيها نظام بيوريك الصيانة القادمة باقى عليها كام كم

[محمد ابراهيم 1]

موديلات Bmw 325 أوائل التمانينات كان فيها كمبيوتر أعطال محترم جداً
وال 318 فيما فوق كان فيها نظام بيوريك الصيانة القادمة باقى عليها كام كم

برضه أوروبى

[ecybrarian]

الحمد لله على سلامتك يا ابو حميد...طريق شرم الشيخ لوحدك فعلا موضوع يزهق. طب ما قلتليش ليه وانا اطلع معاك

موضوع سخونة زيت الفتيس ده طبيعي جدا مع اي عربية بس الفرق إن في عربية تقولك فتاخد بالك أو متقولش وتعملها معاك في الطريق مرة واحدة. مش بس زيت الفتيس ده كمان ضغط الكاوتش وحاجات تانية

هو انت ماريحتش في الطريق خالص؟ :k52: يمكن الفرق بينك وبين غيرك هو السواقة على مراحل متعددة في الطرق الطويلة.

وهو انت مركب زينون؟ اصل الطريق بيصل لمرحلة انك ما تشوفش حاجة خالص في الضلمة

[Ahmed Selim]

الله يسلمك يا باشا
هو الموضوع ده كان من 9 شهور تقريباً
وكنت طالع يوم جمعة مع مراتى وبنتى بس وواحد صاحبى ومراته وبنته برضه.....و أحنا فى نص الطريق جالى خبر وفاة والد صديق عمرى.....فأضريت أنى أركب مراتى وبنتى مع صاحبى التانى ولفيت ورجعت لوحدى.
اللى حصل ده بقى حصل و أنا راجع على شرم تانى يوم الصبح وكنت لوحدى......أتحركت بعد صلاة الفجر على طول والموضوع ده حصل على الساعة 8:30 الصبح قبل شرم بحوالى 100 كم......و كنت ريحت مرة واحدة بس وكنت على اخرى بصراحة.
أنا مش مركب زينون.....و مش ناوى أركب لحد لما يبقى قانونى :)

[bishoy02010]

اهى ديه العربيات ولا بلاش هوة ده الكلام

[akmal_hamdi]

كل ده علشان سفرت شرم من غيرى