ارتفاع درجة الحرارة بعد الـ 130 ؟!!!

[Selem]

دى اول مشاركة ليها فى المنتدى هنا لكن انا متابع القسم من قبل ما اشرتى العربية و بصراحة استفدت منكم كتير جدا
عربيتى ميجان 2006 و كان فيها مشكلة انها بتسخن لما بشغل التكييف و اول لما اطفيه تبرد و المؤشر يرجع للوضع الطيبعى - وديتها لكهربائى فى صقر قالى المروحة محتاجة تتغير لان السرعة التانية مش شغالة.

المهم غيرتها و طلعت اجربها العربية بقيت بتسخن لما بعد الـ 130 سواء مشغل التكييف او لا

رجعتله تانى قالى يبقى الرادياتير محتاج يتغسل و غسلته عند محمود بتاع الرادياتيرات اللى فى صقر و جربتها تانى و بردوا بعد الـ 130 العربية لسه بتسخن !

النهارده كنت بجربها بعد الـ 130 بدات تسخن و لما وصلت لـ 150 بدات تسخن يمعدل اسرع و على 170 كتبت لى Check Gear box سيبت العربية تهدى لوحدها و وقفت و طفيتها و بعد 5 دقايق دورتها دارت و الرسالة مطلعتش تانى ،

بس مؤشر الحرارة طلع على الشرطة اللى قبل الاخير و راح نازل مرة واحدة لوضعه الطبيعى !

العريبة مهما امشى بيها طالما تحت الـ 130 متسخنش.

حد من الوحوش عنده فكره عن المشكلة دى سببها يكون ايه ؟؟؟

[ecybrarian]

تغيير المروحة علشان السرعة التانية مش شغالة دا كلام مش صحيح..إللي بيأثر في السرعة التانية حاجة من اتنين..إما المقاومة او ريلاي السرعة التانية ودا موجود في علبة الفيوزات داخل الكبود..ياترى المروحة القديمة عندك ولا سبتها للكهربائي؟؟..ممكن برضه حساس التكييف يكون فيه مشكلة وساعتها هاتلاقي التكييف بيطفي ويشتغل (بيهيس) والعربية هاتسخن لأن المروحة مش هاتفهم التهييس دا

[momo10000]

ممكن ابعتك ل حد يخلصلك القصه دي في 3 دقايق

حبعتلك رقمي عالخاص ... وان شاء الله سهله.

[Amr_Moh]

termostat

[Ahmed Selim]

تغيير المروحة علشان السرعة التانية مش شغالة دا كلام مش صحيح..إللي بيأثر في السرعة التانية حاجة من اتنين..إما المقاومة او ريلاي السرعة التانية ودا موجود في علبة الفيوزات داخل الكبود..ياترى المروحة القديمة عندك ولا سبتها للكهربائي؟؟..ممكن برضه حساس التكييف يكون فيه مشكلة وساعتها هاتلاقي التكييف بيطفي ويشتغل (بيهيس) والعربية هاتسخن لأن المروحة مش هاتفهم التهييس دا

ممكن ابعتك ل حد يخلصلك القصه دي في 3 دقايق

حبعتلك رقمي عالخاص ... وان شاء الله سهله.

termostat

وحوووووووووووووووووووووووووووووووووووووووش

المقاومة أو الترموستات.

[Selem]

تغيير المروحة علشان السرعة التانية مش شغالة دا كلام مش صحيح..إللي بيأثر في السرعة التانية حاجة من اتنين..إما المقاومة او ريلاي السرعة التانية ودا موجود في علبة الفيوزات داخل الكبود..ياترى المروحة القديمة عندك ولا سبتها للكهربائي؟؟..ممكن برضه حساس التكييف يكون فيه مشكلة وساعتها هاتلاقي التكييف بيطفي ويشتغل (بيهيس) والعربية هاتسخن لأن المروحة مش هاتفهم التهييس دا

المروحة القديمة سيبتها للكهربائى و هيا كانت بتجيب السرعة التانية لكن المروحة بشكل عام كانت بطيئة حتى السرعة الاولى و انا لاحظت ده بعد تغييرها

التهييس بتاع التكييف ده حصل معايا مرتين الكمبروسيور يشتغل و يطفى فى ساعتها و هكذا و كنت بطفيه شويه و اشغله يشتغل كويس لكن مكانتش بتسخن فى الحالة دى

كل الاوقات اللى سخنت فيها بعد تغيير المروحة كان الكمبروسيور شغال كويس بس انا معدى الـ 130

النهارده كنت ماشى على الاوتوستراد و احتجت احرق على الغيار و لاحظت ان مؤشر الحرارة بدأ يعلى لما الـ rpm عدى 3200 تقريبا و اول لما العريبة نقلت الحرارة بدات ترجع لوضعها الطيبعى

الترموستات كان باظ و لغيته و الكهربائى بيقولى كده يا اما صباع الحرارة يا اما الرادياتير ، مع ان الراجل بتاع الرداياتيرات قالى انه سليم و مش مصدى و مفيهوش اى مشكلة !

شكرا يا باشا على ردك و اهتمامك

[Selem]

ممكن ابعتك ل حد يخلصلك القصه دي في 3 دقايق

حبعتلك رقمي عالخاص ... وان شاء الله سهله.

شكرا يا باشا على الرد و الاهتمام ، الرقم وصل و حكلمك النهارده بإذن الله

[Selem]

termostat

انا لاغيه يا باشا

وحوووووووووووووووووووووووووووووووووووووووش

المقاومة أو الترموستات.

الترموستات انا لغيته يا باشا يبقى المقاومة بقى