ملاحظة غريبة في الميجان مش لاقي ليها تفسير !!

[ahmed88hassan]

الموقف ده بقي نمط في العربية علي طول
يعني مش حاجة حصلت مرة وخلاص

اني سواء كنت ماشي مانيوال او اتوماتيك
أول لما العربية بتجيب الغيار التاني بتمشي عليه شوية و بعدين بحس بنتشة كده زي بتاعة نقلة الغيار بس بسيطة و بعدها بتكمل مشي شوية علي التاني و بعدين بتكمل بقيت النقلات عادي
و عشان اتاكد من حوار النتشة ده تابعت الأر بي ام و النتشة باينة فيه !!
الحوار ده في الغيار التاني بس .... و بقيت الغيارات مفهاش الكلام ده

مش عارف ايه سبب الحوار ده
و هل هوه اساس في كل العربيات ولا عربيتي انا بس

[nodey]

شوف لو العربية فتيس اتوماتيك احتمال يكون الفتيس به حساس عطل وده كان موجود في اغلب الرينو الاتوماتيك وسعر الحساس 500 جندي تقريبا وهما تنثين واذا كانت العربية مازلت بالضمان عليك وعلي التوكل بسرعة البرق وخليهم يغيروهم

[Mohd_Adel_Amin]

اللي اعرفه ان ده طبيعي جدا في فتيس الميجان ان الثاني فيه احساس كأنه نقلتين مش نقلة واحدة , بس عموما استنى رأي الوحوش الخبراء وهما يدلوك ..

[YahyaAgent]

أنا برضه حصل معايا كده في الكليو أوتوماتيك .. و لما عملت كشف كمبيوتر قالوا إنه في حساس محتاج يتغير .. بس ده مش بيأثر على كفاءة العربية غير إنه بيخليها تطول شوية في النقل بين الغيار و توصل لآر بي إم عالي عن اللي المفروض تغير عنده ..

[zangry]

انا معايا ميجان 2006 خليجى قاعد بيها فى الكويت وماشي 55 الف جيت من فترة كده الفتيس فى اغلب النقلات بينتش استغربت لأنه مكنش كده خالص مكنش فيه نتش ودتها التوكيل امبارح وقالولى ان فى كرسى بيربط بين الجير والمكنة مكسور وغيرته ودفعت بما يعادل 1100 جنيه والراجل قالى مش مشكلة لو مغيرتوش بس النتش ده كان مضايقنى فغيرته والعربية تمام ومش حاسس بنتش خالص

[momo10000]

نقله الغيار التاني دي طبيعيه .... دي مش نتشه ... دي حركة غيار طبيعيه في الفتيس .

[Amr_Moh]

نقله الغيار التاني دي طبيعيه .... دي مش نتشه ... دي حركة غيار طبيعيه في الفتيس .

+111111111111111111111111111111111111111111111111

[Ahmed Selim]

الكلام لو على نتشة ده يبقى بسبب ال driving pattern بتاعك.....أنت دوسة رجلك تقيلة على البنزين فى أغلب الوقت ؟

لكن لو هى مش نتشة جامدة....حاجة بسيطة قوى و بتلاقى الrpm بينزل و بعد كده بيطلع تانى.....ده عادى فى النقلة التانية بس.

[Ahmed Selim]

نقله الغيار التاني دي طبيعيه .... دي مش نتشه ... دي حركة غيار طبيعيه في الفتيس .

+111111111111111111111111111111111111111111111111

أحسن وحوووووووووووووووووش

[abasse]

نقله الغيار التاني دي طبيعيه .... دي مش نتشه ... دي حركة غيار طبيعيه في الفتيس .

ياسلام كبييييييييييييييييييييييييييييييير

[Rsarabia]

النقلة التانية نقلتين لو هتتابع الار بى ام
النتشة بتيجى نتيجة تغيير مود سواقتك فرامل جامد مع سحب جامد و بعدين تهدى او العكس هتلاقى نتشة و دا طبيعى فى كل الميجان

[ahmed88hassan]

شكرا للجميع
و مش عارف افرح انه مطلعش عيب في عربيتي انا بس

ولا ازعل عشان طلع عيب اساسي في فتيس الميجان
s:

[abasse]

شكرا للجميع
و مش عارف افرح انه مطلعش عيب في عربيتي انا بس

ولا ازعل عشان طلع عيب اساسي في فتيس الميجان
s:

على فكرة فتيس الميجان ده موجود فى عربيات تانية زى ال 307

[ashraf_msd]

النتشه في الغيار التاني سببها ان ال torque convertor بيعمل lock تقريبا في نص الغيار التاني كده وده حاجه طبيعيه واوبشن معروف في كل جير بوكس الرينو.

[Ahmed H Megane]

النتشه في الغيار التاني سببها ان ال torque convertor بيعمل lock تقريبا في نص الغيار التاني كده وده حاجه طبيعيه واوبشن معروف في كل جير بوكس الرينو.

هو انا عايز اسأل علي حاجه .. ومعلش عديها عشان انا علي فكره مش بفهم اوي في الحاجات دي عموما .. انا يادوب علي قدي اوي .. لسه بقا علي الله :D
هو قصدك ايه بإن ال torque convertor بيعمل lock
هو ايه ده اصلا . وبعيمل لوك لأيه ؟؟ معلش هتعبك وانا عارف الموضوع بقاله كتير اوي :)