هل من مجيييييييييب ..........؟

[WalidAdel]

السلام عليكم
الحمد لله علي كل شئ يعني صديقي النتيسخ و اخويا الكبييييييير طير المكنه بتاعة العربيه من يومين بالظبط
هو كان ماشي بيها مسافر طنطا المهم عند طوخ كده وقفت منه بدون اي مقدمات
جهه يدورها تدور و تبطل تاني
فضل ورارها لحد مادورها و مشي بيها شويه علي الاول بططططططئ علي الاخر و مره واحده وقفت تاني و حلفت ماهي دايره
لقي ونش معدي تودينا طنطا ياعم ماشي رفعها و راح طنطا بيها طبعا عايز يشوف ميكانيكي مافيش حد فاهم فيها خالص هناك
المهم قال ايه هارجعها تاني علي القاهره و راح بيها الحرفين علي ونش بردوا
فكوا المكنه الاضرار ان في صبابين خرموا اتنين بستم التالت و الرابع مش فاكر بالتحديد
كل اللي كان في العربيه طنبورة الكرنك مكنتش كويسه دا علي كلام الميكانيكي و هو بيفك
فيمكن تكون خلفت التقسيمه خلت الصبابات تخرم البستمين دول
المهم يعني الحمد لله علي كل شئ
اقتراحات بقي
هل نغير مكنه ( و منين ) هاتتكلف اد ايه تقريبا
نعمر المكنه اللي معانا احسن (عند مين ) بكام تقريبا
نجيب مكنه من بروسعيد ارخص ولا هيا هيا نفس الاسعار و عند مين بردوا

بيقولوا في اتنين في صقر قريش عفاريت ميجان و بيعملوا الكفت فيها

في واحد في الحرفيين اسمه محمد الشيخ تقريبا بيعمر و بيقولوا عليه كويس
العسكري اللي اول ماجيبنا العربيه روحناله علشان يكشف عليها و شغل العفشه و كده و مش عارف مشي من عنده ليه بيقولوا بيعمر بردوا و كويس جدا و معمر عربيات كتير بيجوا و ميجان و سيتروين
شويه كلام كده مش عارف صحته ايه
العربيه مالهاش قطع غيار جديده فهايبقي كله استيراد بساتم و ما اللي ذلك و شوية حاجات تركي و مشي حالك يعني
بيقولوا ان وش السيلندر ماينفعش في خرط حااااااااااااالص .... ليه ماعرفش

ياريت اقتراحات الاخوه الاعضاااااااء و ياريت اللي عن=ه معلومه مايبخلش عليا بيها

[ISLAMNOSSIR]

انا كنت مظبط الفتيس و العفشه عند العسكرى و شغله كويس

[M_samir]

طيب اللى حصل دا كان سببه ايه

[WalidAdel]

طيب اللى حصل دا كان سببه ايه

والله ماعرفش سببه ايه هو اللي حصل حكيته بالتفصيل الممل حتي واحنا بنفك المكنه لاقينا المشكله في الطنبوره بس
طنبورة الكرنك بس كانت تعبانه و عايزه تتغير

[Amr_Moh]

اه طنبورة الكرنك ديه؟

[WalidAdel]

معلومه هامه جدا لكل ملاك الميجان

زي ماقولت واحنا بنفك المكنه كانت طنبورة الكرنك وحشه لانها علي جلب كاوتش و كانت عايزه تتغير و هيا دي اللي خلفت وش التقسيمه و خلت البساتم تخبط في الصبابات و بوظت الدنيا
المهم لما سألت الميكانيكي و دا مالوش اي مؤشرات حاجه يعني تقولك ان في مشكله في العربيه مثلا و ان العربيه كل سنتي فيها عليه حساس و لو عطل بيقولك فاكيد طنبورة الكرنك دي مهمه جدا و لما تبوظ اكيد العربيه هاتطلع ايرور اي عفريت يعني
رده كان كالتالي و دا اللي عايز اي حد ياخد باله منه
دلوقتي طنبورة الكرنك دي علي جلب كاوتش الجلب دي لما بتتاكل الطنبور مابتبقاش راكبه في مكانها صح المهم و العربيه ماشيه عادي من غير تكييف مافيش مشكله لحد ماتتاكل اوي هتلاقي لمبة البطاريه نورت بس مافيش حاجه تانيه هاتحصل
او لو انت مشغل التكييف هاتنور علطول لانك بتزود حمل عليها لما بتشغل التكييف و لمبة البطاريه بردوا هاتنور بس مافيش اي ايرور تاني هايظهر ولا هايكتب علي الشاشه فالناس طبعا مش هتاخد باله و هاتقول دي لمبة البطاريه اكيد لمبه ولا حاجه محروقه و تمشي عليها او لو كلمت ميكانيكي مش فاهم هايقولك عادي امشي عليها و لما تفضي ابقي هاتها نكشف عليها زي ماحصل مع صحبي ده كده
و كلم الميكانيكي قاله علي لمبة البطاريه لما نورت مع التكييف قاله عادي و بتاع هتلاقي حساس ولا حاجه فاصل كبر منه و لما تيجيلي هانبقي نكشف عليها و دا اللي خالاه صحبي يمشي عليها عادي لحد ماخلفت التقسيمه و ببوظت المكنه كلها
علي فكره الميكانيكي ده في الحرفيين و اسمه الشرقاوي

[amr_elbazz]

علشان كدة وانا فى التوكيل فى صيانة ال 75000 لقيتهم حطين تغير طنبورة الكرنك حاجة اساسية فى صيانة ال 80000 حتى لو مكنش بايظة

[M_samir]

[QUOTE=amr_elbazz;3873602477]علشان كدة وانا فى التوكيل فى صيانة ال 75000 لقيتهم حطين تغير طنبورة الكرنك حاجة اساسية فى صيانة ال 80000 حتى لو مكنش بايظة [/QUO

طنبورة الكرنك حاجة اول مرة اعرفها دى بتتغير مع سير الكاتينة ولادى حاجة تانية لوحدها

[Amr_Moh]

علي فكره الميكانيكي ده في الحرفيين و اسمه الشرقاوي

إتعاملت معاه مرة واحدة ومعجبنيش

[Ahmed Selim]

قدر الله و ما شاء فعل

من سنتين تقريباً كان فيه واحد فى الحرفيين أسمه الشيخ جمال على ما أذكر.....كان عنده موتور 2000 سى سى مش 1600......سألت عليه من باب العلم بالشئ قالى عامل 15 ألف بالفتيس.
يعنى موتور 1600 و من غير فتيس و مع الفصال هيعمل تقريباً أقل من نص المبلغ ده........و ده لو كانت الأسعار ما رفعتش لأي سبب.

[scraper2012]

ربنا يوفقك في إصلاحها و ييسرلك الحال, اللهم العوض,

[WalidAdel]

قدر الله و ما شاء فعل

من سنتين تقريباً كان فيه واحد فى الحرفيين أسمه الشيخ جمال على ما أذكر.....كان عنده موتور 2000 سى سى مش 1600......سألت عليه من باب العلم بالشئ قالى عامل 15 ألف بالفتيس.
يعنى موتور 1600 و من غير فتيس و مع الفصال هيعمل تقريباً أقل من نص المبلغ ده........و ده لو كانت الأسعار ما رفعتش لأي سبب.

شكرا ليك ياستاذ احمد بس احنا الحمد لله ربنا وفقنا في ميكانيكي و هانعمر المكنه و بالفعل ابتدينا شغل فيها و ربنا يكرم ان شاء الله

ربنا يوفقك في إصلاحها و ييسرلك الحال, اللهم العوض,

شكرا ليك