ما هو تقييمك لمكيف رينو ميجان 2

[Ramy_Tantawi]

1- ممتاز
2- جيد او مرضي
3-ضعيف وسيء

الرجاء من اخواننا المحترمين التعليق على التقييم سلباً او ايجاباً من أجل ان تعم الفائده ان شاء الله وجزاكم الله كل خير .

[Abo_Lina]

ياراجل في يوم زي النهارده انتا محتاج تكييف 40 حصان جوه العربية
انا صوت جيد او مرضي لانه مش وحش وفي نفس الوقت فيه احسن منه

[Amr_Moh]

motawaset/ma2bool

[hasan777]

مكيف الميجان جيد لكن مش زي الياباني يعني لو الياباني محتاج 10 دقائق علشان يكيف السيارة مكيف الميجان محتاج 20 دقيقة علشان يكيف السيارة

[Sharky]

أنا صوت بإنه جيد
أنا إمبارح كنت فاتح التكييف على درجة 2 فقط الساعة 1 ظهرا علشان كنت راكن العربية فى الجراج فكانت باردة لكن لما أركنها فى الشمس بتاخد وقت أطول طبعا علشا تبرد

تكييف اليابانى أقوى منها علشان مابينزلش من الميجان مواصفات خليجى زى اليابانى

[momo10000]

انا اتفق تماما مع Tyler_Durden لان فية افضل منة ولاكنة يودي الغرض

[Ramy_Tantawi]

الإجماع في التصويت كان على انه جيد ومرضي وده كان رأيي انا كمان الحقيقه بس مش عارف انا شايف حاجه غريبه ممكن تختلفوا معايا فيها .......... المكيف كا تبريد انا مش شايفه يقل عن اي تكيف آخر ياباني مع العلم ان طبعا الياباني افضل منه وده اللي انا مش فاهمه وانا باتكلم عن الياباني اللي هو تكييف الكورولا والكرسيدا زمان الله يرحمها بقى :( عن تحربتي الشخصيه يعني ...تقيمي الشخصي ان المكيف عندنا في الرينو ناقصه حاجه بس مش عارف ايه هي هل حاجه في توزيع الهواء مثلاً الحاجه اللي واضحه فعلاً هي ضعف الهوا اللي خارج من الفتحات عن مثيلاتها الياباني يعني السرعه 1 عندنا دي تنفع بالليل بس وبالتالي انا على طول عامله على 2 و 3 لو معايا اي ركاب ورا عكس الياباني كان نادر لما اعمل 2 دي غير نادر جداً .....هل ده يرجع لحجم العربيه مثلا محتاج مروحه اقوى من اللي راكبه ولا ممكن كان يزيد كونسول خلفي مخصص للركاب في الكنبه الخلفيه اعتقد كده ماكانش هايفرق ابدا عن الياباني مش عارف انا حاسس ان اللي مضعف شويه في مكيف الميجان حاجه بسيطه بس مش عارف اوصل ليها :o يمكن الواحد يوصل لحاجه مثلا ويبعت لرينو وينزلوا الجيل التالت من الميجان بتكييف ورا وقدام او حاجه كده ليه لأ :) خيال واسع انا عارف :p...........

[Sharky]

من الأخر يا رامى أنا قلت سببه إيه
الميجان بتنزل مواصفات أووربى و مابينزلش منها مواصفات خليجى لإن الطلب فى الخليج عليها قليل عكس اليابانى إللى فيه كتير منه بينزل بمواصفات خليجى فبيبقى تكيفه أقوى طبعا

فالمواصفات الاوربى بيبقى مستوى تكييف الميجان إللى هيه عليها دلوقتى ممتاز

يعنى الميجان تحس إنها ناقصة درجة عن اليابانى أو إنها بتأخد وقت أطول من اليابانى للتبريد
إنك بتجيب المستوى التالت فى الحر الشديد و التانى فى العادى لو معاك ناس ورا و الأول فى العادى لو لوحدك

يبقى حتحتاج إيه أكتر من كده طالما السرعات بتاعته بتقوم بالواجب و مش عايز أزيد منها ;)

[Ramy_Tantawi]

احمد باشا مافيش كلام بعد كلامك خلاص انا كنت بدردش مش قصدي اعيب فيه والله ولا حاجه هو عاجبني بس زي ما بقولك خيال واسع وبحاول افكر مع الجماعه اللي بيصمموا العربيه عادي يعني يا احمد :p ربنا يكرمنا ان شاء الله ونستحمل الصيف الغريب اللي داخل علينا ده والله الموفق.

[Sharky]

إيه يا رامى
أنت إفتكرتنى زعلا ن و لا إيه

يا رامى دردش زى ما إنت عايز :D

[Ramy_Tantawi]

لا لا والله انا بهزر معاك والله مش قصدي كده ......... ربنا يديم المحبه يا باشا.

[Megane]

السلام عليكم
جيد جدا فى رأى :):):)

[fahd_628]

السلام عليكم

معلش سؤال عالماشى كدة هوة تكييف الميجان الستيشن نفس تكييف الميجان العادية ولا لأ ؟

اصل الستيشن من جوة اكبر بكتيير يعنى الشنطة داخلة مع الصالون و لو التكييف هوة هوة حيبقى ضعيف خالص ولا اية رأيكم ؟

[kozemozo]

[quote=romioeg2007;240579]
اسوأ حاجه في الميجان التكييف بتاعها بعد قطع غيارها--رينو طالما بتسوق في منطقتنا تبقى تعمل حساب الجو بتاعنا--شكرا

[dragonsmith]

السلام عليكم،

تكييف الميجان بالنسبة ليا ممتاز. أعتقد الزجاج الملون فارق معاه جامد.

الياباني طبعا حاجة تانية، بحس انه تكييف و ركبولو عربية :d