مساعدة في مراية الجنب

[refattosa]

السلام عليكم

دلوقتي الموتور بتاع المراية شغال علي طول و المراية بتفتح لغاية ما

تلف ع الاخر و ما بتقفش عند الحتة اللي المفروض تقف عندها

يا ريت تقولولي الحل اية ..... و شكرا

[ecybrarian]

احسن واحد يرد على حضرتك هو الزعيم احمد عبد المقصود.كان في موضوع زي دا قبل كدا والحل كان عند الزعيم..بس على ما اتذكر كان في واحد بيحط مسمار في المرايا بيمنع المشوار يكمل (دا على قد ما افتكر)

[scraper2012]

فعلا ً الموضوع حله بسيط زي ما ecybrarian قالك,

إنه المسمار بيتحط في المرايا زي ما حصل معايا بالضبط و المرايا بتفتح طبيعي بعد كده,

والموضوع ده ما بيخدش تصليحه 5 دقائق, :)

[refattosa]

اولا بحب اشكركم علي سرعة الرد و مساعدتكم

بس هي المشكلة اني المراية غير انها بتلف للاخر الموتور برضه بيفضل شغال

حتي بعد اما بتلف للاخر و كمان حتي بعد ما اطفي العربية لدرجة اني فصلت

الفيشة بتاعتها ......عموما في انتظار باقي الردود

[ecybrarian]

ماهو موتور المريا زي موتور زجاج الشبابيك بيفصل لوحده لما يلاقي مقاومة لحركته..المسمار دا بيمثل المقاومة لحركة الموتور عن مرحلة معينة

[abasse]

+1111111111111111

[refattosa]

يا ريت حد يقوللي فين ممكن اعمل موضوع المسمار دة لان التوكيل بيقول نغير شاسية المراية كله و طبعا غالي جدا

فمين ممكن يعمل الموضوع دة سمكري ولا واحد بتاع ازاز ....... و شكرا

[iaibrahim]

المسأله بسيطه ولسه عاملها فى صقر قريش فيه واحد بتاع مفاتيح وابواب ولا اعرف اسمه بجانب واحد بتاع فرش سيارات اسمه حمدى وركب مسمار واخد 10 جنيه فقط والمرايه شغاله كويس






0بجانب

[refattosa]

الف شكر يا باشا علي ردك السريع و اشوفلي واحد بتاع مفاتيح

[iaibrahim]

لو قاصدك الكارت بتاع الميجان فى صقر قريش ايضا فيه واحد بيعملهم فى شارع البحث الجنائى(تقريبا) مش فاكر اسمه ويمكن تسأل بتاع المفاتيح عليه لانه ايضا بتاع مفاتيح وبيعمله بحوالى 700-800 جنيه مع التوفيق