بشترى عربية فلوينس لكن السعر

[raedegypt]

السلام عليكم ياشباب
انا حبيت العربية منكوم والله
انا حاليا معايا نوبيرا 2004 ومريحانى جداا جدااا جدااااا
لكن انا ناوى اغير عشان العربية عجبتنى
دلوقتى اناهشترى الفئة التانية فى الاتوماتيك الى فى التوكيل ب 142000
طبعا السعر دة التوكيل قالو ليا وقالى كمان مش هتستلم دلوقتى قوللتو لية ياانا هدفع كاش
قالى لا ياباشا انتا هتستلم فى خلال 3 شهر
طبعا خرجت وجالى احباط جامد جدااااا
3 شهور دة ناس بتعيش وناس وبتموت عمر تانى
المهم لقيت معرض عند نادى الشمس عارض ماركات كتير ولقيت حببتى قاعدة بين اتش 3 وبى ام اكس 6
قولتو بشرى حلوة
دخلت المعرض الصراحة الناس رحبو بيا جدا قولتلو انا عايز اخلص فى الفلونيس قالى عينى فى خلال يوم او يومين اسملك زاى الفل
(قولت اعمل حبة فقاقة وافاصل ) قولتو العربية دى متنفعش 140000 ( انا قولت فى دماغى هيقولى اطلع برة)
لقيتو قالى كتير كدة وعينى ليك ياباشا فرحت اوووى هههههههه
طبعا علمت قفاقة تانى قولتلو انا مش معايا ال 139000 وعايزها
المهم قالى ماشى
طبعا انا هنا وسط اخواتى وقولت احكى ليكو الى حصل
طبعا فرق السعر الجامدة دة مخوفنى تكون العربية دى فيها حاجة ولاة عادى مفيش مشكلة والمعارض بتنزل عادى
وكمان عايز نصيحة منكو عشان اتاكد ونا بستلم العربية ان كلو تمام ومفهاش اى حاجة
معا العلم انو عارض ماركات كتير جد
مينى كوبر
مرسيدس
همر
هيونداى
رينو
بى ام
ياريت الافادة يارجالة عشان انا على معاد معاة بكرة
انا اسف على الاطالة
عشان انا نواى اسحب ورق عضويتى من دايو واجى اقدم روقى عند وحوش الرينو :b4_611:

الالنترا الجديدة حكايه

[mbisar]

الف الف مبروك يا باشا على العربيه الجديده بس انا احب اقولك رأيى
فى حكمه بتقول شاليه فى مارينا احسن من فيلا فى العجمى البيطاش
يبقا العربيه الرينو الفرنساوى الأوروبى اكيد احسن من العربيه الهيونداى الكورى حتى لو كانت الهيونداى احسن منها فى الأمكانيات
الواقع بقا ان كماليات الفلونس اعلى من الهيونداى و فى نفس السعر تقريبا يبقا انا و انا مغمض اجيب الرينو طبعا
فى بعض الأعتبارات التانيه اللى ممكن تكون ساعدت حضرتك فى اختيارك يمكن الشكل و ان الهيونداى جديده و ان سعر اعاده البيع بتاعها احسن
بس طبعا الشكل ازواق و بالنسبه لأعاده البيع الفلونس اعاده البيع بتاعتها لحد دلوقتى كويس جدا و احسن من الميجان بكتييييييييير اوى ،،
و عامه الف مبروك يا باشا على العربيه الجديده و ربنا يبارك ليك فيها