طلب نصيحة لشراء رينو ميجان هتشبك

[spacemarine]

السلام عليكم يا شباب
ده أول مشاركة ليَّ في المنتدى مع ان كنت بقعد أقرأ من عليه كتير وكان مصدر معلوماتي الأول
المهم
أنا نزلت الانهارده اكشف على عربية رينو ميجان هتشبك 2005 اوتوماتيك خليجي في مركز الصيانة (المكانيكيون العرب) علشان اشتريها ولقيت التالي







فـأنا عايز أعرف إيه رأيكم والكلام ده هيأثر جامد في سعر العربية ولا أشوف عربية تانية ؟

[sammor_28]

العربيه فيها كده مشاكل كتير

اعتقد انك تشوف حاجه افضل لو انت ناوي تركب مش تقف وتصلح وتصرف

وبعدين الميجان لو هتشتريها لازم تشتريها تمام وتكون العربيه متصانه كويس وذلك لأرتفاع سعر قطع الغيار نسبيا وبرضه مش اي بيشتغل فيها

انما في الأساس هي عربيه محترمه جداااااااااااااااااا

واخيرا ربنا يوفقك للأختيار اللي في مصلحتك...وماتنساش صلاه الأستخاره...ربنا معاك

[Ahmed Selim]

ممكن تكتبلنا الكلام من أول " يوجد خبطة......." علشان مش باين ؟


باقى الدهانات اللى فى العربية مفيهوش مشكلة طالما دواخل العربية سليمة.

عموماً الكشف فى التوكيل له عيوب و مميزات

من عيوبه أن اى حاجة بيقل نسبة أدائها عن 75 أو 70% من الحالة الأصلية بيعتبروها محتاجة تغيير......بينما هى فعلياً تمشى.

شداد الموتور و قاعدة الشكمان دول لو عملتهم بره معتقدش هيكلفوا أكتر من 300 أو 400 جم بالكتير.

المساعدين و علبة الدركسيون و حساس الكامة محتاج تتأكد أنهم محتاجين تغيير.

الكشف ده تم فى الميكانيكيون العرب.....صح ؟

[spacemarine]

العربيه فيها كده مشاكل كتير

اعتقد انك تشوف حاجه افضل لو انت ناوي تركب مش تقف وتصلح وتصرف

وبعدين الميجان لو هتشتريها لازم تشتريها تمام وتكون العربيه متصانه كويس وذلك لأرتفاع سعر قطع الغيار نسبيا وبرضه مش اي بيشتغل فيها

انما في الأساس هي عربيه محترمه جداااااااااااااااااا

واخيرا ربنا يوفقك للأختيار اللي في مصلحتك...وماتنساش صلاه الأستخاره...ربنا معاك

هو الفكرة إنه لو جت عالحاجات ده ممكن أقعد أسبوع واصلاحها وترجع جديدة بس المهم إنها فعلا ترجع جديدة.

ممكن تكتبلنا الكلام من أول " يوجد خبطة......." علشان مش باين ؟


باقى الدهانات اللى فى العربية مفيهوش مشكلة طالما دواخل العربية سليمة.

عموماً الكشف فى التوكيل له عيوب و مميزات

من عيوبه أن اى حاجة بيقل نسبة أدائها عن 75 أو 70% من الحالة الأصلية بيعتبروها محتاجة تغيير......بينما هى فعلياً تمشى.

شداد الموتور و قاعدة الشكمان دول لو عملتهم بره معتقدش هيكلفوا أكتر من 300 أو 400 جم بالكتير.

المساعدين و علبة الدركسيون و حساس الكامة محتاج تتأكد أنهم محتاجين تغيير.

الكشف ده تم فى الميكانيكيون العرب.....صح ؟

هو اللي مكتوب يوجد خبطات واستعدالات في الجنوط وعلبة دركسيون وحساس كماه
آه عملته في المكانيكيون العرب. هو فيه مشكلة عندهم ولا إيه؟؟
هو أنا الصراحة ركبت العربية وحاسسها ثابتة عالأرض وسحبها كويس لكن العيوب دي خوفتني

[spacemarine]

الحمد لله جبت العربية خلاص وما شاء الله حلوة جدا و stable
شكرا جدا للمساعدة وجزاكم الله خيرًا

[shark_3li]

معلش يا باشا ممكن اعرف ايه رايك فيها لاني دايخ علي واحدة هاتشباك ومحتار بينها و بين البيجو ال ٣٠٧

[Amr81]

الحمد لله جبت العربية خلاص وما شاء الله حلوة جدا و stable
شكرا جدا للمساعدة وجزاكم الله خيرًا

ألف مبروك وربنا يباركلك فيها

[pioneerahmed]

معلش يا باشا ممكن اعرف ايه رايك فيها لاني دايخ علي واحدة هاتشباك ومحتار بينها و بين البيجو ال ٣٠٧

نصيحة يا برنس ابعد عن البيجو دية بالذات عشان مشاكلها لا تعد ولا تحصى زائد ان حاجتها غالية جدا

الميجان انضف بكتيير دة حتى الى بيقولو ان الفتيس بتاع الميجان فى مشكلة ميعرفوش ان الناس بتوع البيجو اخر ما بيزهقوا من فتيس البيجو بيشيلوة خالص و يركبوا مكونات فتيس الميجان عشان انضف بكتيير

[shark_3li]

والله يا باشا ايدي علي كتفك الاقي واحدة نضيفة بس :)