حاجة غريبة و ارجو المساعدة

[besoaly]

صباح الخير يا جماعة. أنا الحمد الله بعد اسنخارت الله و قراءة مشاركات الاعضاء هنا و اقتنعت و اشتريت اللوجان من شهر و نص كده و كانت ماشيه زى الفل و الحمد الله و عامل دلوقتي 2500 كم. من حوالي أسبوع بعد 2000 كم لقيت و أنا ماشى العربية بتبطل خالص ( بتطفي ) و هي ماشية حتي لو على سرعة عالية و ده بيحصل أول ما أشيل رجلى من على البنزين علشان أهدي أو أدوس فرامل و طبعا بكون دايس دبرياج و بلاحظ أحيانا أن لمبة البطارية بتنور أحيانا و أنا ماشى و لو ده حصل بعرف على طول أن حركة التبطيل حتحصل. المشكلة أن ده ممكن يحصل و أنا على ملف أو ماشى في صلاح سالم و حبيت أهدي شوية و طبعا بعد ما تطفي لازم استنى 20 ثانية علشان ادور تانى لأنى لو حاولت ادور على طول ما بتدورش لو عملت أيه. المهم روحت أول امبارح توكيا العبور و قالولي ظبطنا كمبيوتر بتاع الرشاش البنزين و طلعوا معايا جربنا العربية 15 دقيقة و كانت تمام بعد ما كانت في المشوار الشاعة بتبطل 7 مرات كده. المهم امبارح و النهارده لسه المشكلة موجودةو ان كانت اقل شوية. كلمتهم تاني قالولي استنى يومين كده او عايز تجبها تاني هاتها و هنشوف................
ممكن اى مساعدة يا جماعة لو حد قابلته المشكلة دى أو يقولي أعمل ايه علشان متضايق جدا

[Ahmed Selim]

أطلع على التوكيل بدون تأخير.

لو حصلت و أنت فى ملف و الدركسيون سوجر ممكن تبقى مشكلة لا قدر الله.......بغض النظر عن السبب فيها لأنى مش عارفه بصراحة.

و متمشيش من التوكيل غير بعد ما تتأكد 100% أن العربية سليمة.....حتى لو هتسيبها كام يوم عندهم.

[bayoumisoft]

روح التوكيل ما تستناش ,

[rompo10]

لمبه البطاريه بتنور ممكن تبقي عاوزه بطاريه

[Youssef.Awad]

ربنا يعينك على توكيل العبور بصراحة
روحلهم طبعا يكشفوا ويشوفوا ايه اللى فيها
غالبا مشكلة فى الكهرباء ولو عيوب تقفيل وصناعة تتغير وتبقى تمام باذن الله
طمنا عليك