معروض عليا ميجان موديل 2000 عايز اعرف رايكم

[magedomran]

انا معايا 128 دلوقتى
ومعروض عليا عربيه ميجان موديل 2000
بس العربيه كانت اتقلبت من سنه تقريبا وصاحبها صلحها كويس ومش عارف يبعها خالص من ساعتها لان مفيش طلب عليها ونزل بيها السوق كتير قوى
وقالى انه اخرة فيها علشان يخلص منها يبعها ب 35 الف جنيه
لانه من ساعه ما اتقلبت وهو اشترى لانسر زيرو اتوماتيك الرياضيه
عايز اعرف ايه رايكو فى العربيه دى
هى فول اوبشن مانيوال
وكمان قطع الغيار عامله ايه وموجودة فين غير التوكيل والسعر كمان لانها رشت طبعا
واسعار قطع غيارها
ولا اصرف نظر عنها خالص
عايز اعرف كل حاجه عن العربيه دى
وارائكم فى الموضوع دة

[mohameduoser]

لا طالما اتقلبت بلاش و اديك شايف ملحدش عاوزها و كمان قطغ غيرعا غالية

[SEATLOVER]

بص يا ماجد
كون العربية اتقلبت ..وتبقى عارف كدة و تظبط نفسك على كدة ...مش مشكلة
كون العربية ميجان ..فالميجان ميجان حتى لو اتقلبت مرتين .... مش مشكلة
كون السعر 35 حتى لو مقلوبة 5 مرات قليل جداً ............ مش مشكلة

المشكلة هاتقدر على قطع غيارها و صيانتها ولا ال 35 دول اللى معاك دلوقتى
يعنى لما يقابلك حاجة فيها فجاءة ...هاتبقى عامل حساب فلوسها ولا العربية تقف لحد ما ربنا يسهلها ... هو دة السؤال اللى انت تعرف اجابتة ..وبية هاتكون اجابة الموضوع

ربنا يوفقك

[magedomran]

هى اسعار قطع غيارها غاليه فوى قوى كدة
يعنى ممكن اعرف امثله لقطع الغيار لأشهر حاجات ممكن تبوظ

[Ahmed Selim]

بص يا باشا هى الميجان القديمة معرفش قطع غيارها عاملة أيه بس انت ممكن تراجع اللينك ده اللى فيه أسعار الصيانة و قطع الغيار للميجان الجديدة و أعتقد أنها هتكون أرخص بحوالى 30%

http://www.nilemotors.net/Nile/showthread.php?t=2758

و ممكن تنزل شارع دمشق تسأل هناك وده يكون أحسن

وقطع الغيار أعتقد أنها متوفرة

[limo]

السعر معقول
بس انت مستعد نفسيا تركب عربيه وانت عارف انها مقلوبه ؟
اذا كانت الاجابه اه
اكشف على العربيه كويس ويفضل يكون فى التوكيل
حتى تعرف الحادثه ده اثرت فى ايه وهل التأثير ده ليه علاج ؟
كمان تعرف المصاريف الى عايزها العربيه مش يمكن تكون عايزه حاجات ب10 الاف جنيه او اكثر فى الحاله ده تكون العربيه واقفه عليك ب 45 الف بثمن عربيه كليو نظيفه او تزود شويه وتجيب عربيه زيها تكون نظيفه على الاقل مش مقلوبه .

[Hassanelrafe]

وجهه نظري الخاصه

بص يا ماجد
طالما انت راكب 128 يبقي انت بتعمل نقله كبيره بركوب الميجان
و في نفس الوقت قطع عيارها معقول نسبيا ( بس طبعا تنسي قطع 128 تماما )
و اضم صوتي للاخوه - انك تكشف في التوكيل ايه مدي ابعاد الحادثه القديمه عشان تتفادي اي مفاجات

و عموما لو محتاج استفسار كلمني لاني معايا ميجان موديل 2000
0123920386