النيو ميجان هاتشباك 2011 ... أى معلومات ؟؟

[ELWAA]

السلام عليكم أعضاء رينو

أنا إسمى على أبوالورد ,, معايا فيات برافا 1600 مو 97 و بفكر أعمل upgrade للعربيه .. تكون قريبه منها فى الشكل
الهاتشباك الرياضى شويه و متكونش صغيره و موتورها يبقى 1600 أتوماتيك .. العربيه اللى بحلم بيها فعلا هى البرافو بس غاليه كتير عن ميزيانيتى .. فوانا بدور فى كونتاكت لقيت ميجان هاتشباك 2011 .. شكلها شيك جدا و من الستايل اللى بحبه .. و تبدأ من 135 الف .. الى حد ما فى الرينج .. بس معرفش عنها أى معلومات .. ثباتها .. قطع غيارها .. واطيه ولا عاليه عشان مطباتنا الحبيبه .. تسارعها و عزمها .. خصوصا إنى معرفش عن رينو حاجه غير إنى بحب تصميماتهم و الأمان دايما معدلاته عاليه فى العربيات الرينو .. غير كده أسمع ان العربيه ممكن تقف متمشيش عشان الكومبيوتر قال حاجه أو حساس معين أو .. أو .. بس أنا مش بحب أخد بالسمع اللى أغلبه بيبقى خاطىء .. أى حد عنده معلومات ياريت يفيدنى لأنى بقرر فى خلال الأسبوع ده أن شاء الله و لكم جزيل الشكر

[bukla]

حتلاقى اجابة لكل استفساراتك فى الرابط دة

http://www.nilemotors.net/Nile/164928-3.html

بالتوفيق ان شاء الله

[wawoo]

غير كده أسمع ان العربيه ممكن تقف متمشيش عشان الكومبيوتر قال حاجه أو حساس معين أو .. أو .. بس أنا مش بحب أخد بالسمع اللى أغلبه بيبقى خاطىء .. أى حد عنده معلومات ياريت يفيدنى لأنى بقرر فى خلال الأسبوع ده أن شاء الله و لكم جزيل الشكر

اهلا بك يا استاذ على فى قسم الرينو..

موضوع الحساسات دة قل جدا فى الميجان 3 الجديدة ..واذا كان هناك اى حساسات مازلت موجودة فهى لحماية قائد السيارة من التحرك بها و هناك عطل قد يعرض حياتة للخطر ...

رايى الشخصى ان الميجان 3 هى افضل اختيار حاليا فى فئة الهاتش باك الاوروبى..و تتفوق على عدد من السيارات اغلى منها فى السعر فى نفس الفئة ..قطع الغيار متوفرة فى التوكيل مع ضمان ثلاث سنوات او 100 الف كليومتر ..السيارة زات اعتمادية عالية و مناسبة للطرق و الاجواء المصرية بشكل كبير .

انصحك تروح تحجز تجربة قيادة فعلية للسيارة من خلال احد فروع رينو ..و خد قرارك بعد ذلك بكل ثقة

[ELWAA]

حتلاقى اجابة لكل استفساراتك فى الرابط دة

http://www.nilemotors.net/nile/164928-3.html

بالتوفيق ان شاء الله

متشكر جدا يا باشا .. أنا أول مر أعرف انه كان فيها 2010 .. انا كنت فاكرها 2011 بس .. خير أن شا الله .. الناس كلها ركزت مع الفلوينس واضح كده و مركزتش مع الهاتشباك منها :)

[ELWAA]

اهلا بك يا استاذ على فى قسم الرينو..

موضوع الحساسات دة قل جدا فى الميجان 3 الجديدة ..واذا كان هناك اى حساسات مازلت موجودة فهى لحماية قائد السيارة من التحرك بها و هناك عطل قد يعرض حياتة للخطر ...

رايى الشخصى ان الميجان 3 هى افضل اختيار حاليا فى فئة الهاتش باك الاوروبى..و تتفوق على عدد من السيارات اغلى منها فى السعر فى نفس الفئة ..قطع الغيار متوفرة فى التوكيل مع ضمان ثلاث سنوات او 100 الف كليومتر ..السيارة زات اعتمادية عالية و مناسبة للطرق و الاجواء المصرية بشكل كبير .

انصحك تروح تحجز تجربة قيادة فعلية للسيارة من خلال احد فروع رينو ..و خد قرارك بعد ذلك بكل ثقة

أهلا بيك يا أستاذنا و شكرا على الترحيب :)

أنا خلاص بقيت أكلم نفسى من كتر الحيره .. خصوصا أن العربيه دى هفضل أدفع فى أقساطها كتير مع الشغل .. و كل شويه أبص على عربيه و أرجع أبص على واحده تانيه .. من برافو كسر زيرو أتوماتيك .. لأبيزا .. لليون ..لبيجو 308 .. لجولف 5 .. لستروين c4 لما بقيت بجد مش عارف أختار .. انا عايز عربيه هاتش باك متكونش صغيره و أدائها محترم و فتيس ميكونش بيعمل مشاكل كتير .. مش فارق معايا اعاده البيع لأنها أقل حاجه هتقعدها 5 سنين ان شاء الله .. يفرق معايا انه مشاكلها متبقاش كتير و كل شويه رايح جاى على التوكيل و أقف.. أنا روحت التوكيل اللى فى المهندسين سور نادى الزمالك مع صديق .. هو بص على الفلوينس و أنا بصيت على الميجان .. جامده جدا .. بس برضه 145 الف عشان تجيب الفئه التانيه فول أوبشنز .. طب الـ 145 الف دول ممكن يجيبوا برافو كسر زيرو 2011 !! أو ليون أو فوكاس هاتشباك !! بجد أحترت .. يا مسهل ربنا يهدينا للصح ان شاء الله و شكرا يا باشا مره تانيه :)

[wawoo]

أهلا بيك يا أستاذنا و شكرا على الترحيب :)

.. طب الـ 145 الف دول ممكن يجيبوا برافو كسر زيرو 2011 !! أو ليون أو فوكاس هاتشباك !! بجد أحترت .. يا مسهل ربنا يهدينا للصح ان شاء الله و شكرا يا باشا مره تانيه :)

الله يخليك يا اخى ..الشكر لله

انا كنت فى نفس حيرتك دى ..و وجدت بعد بحث مطول انها اختيار مناسب للعاوز هاتش باك اوروبى بسعر مناسب
طبعا هو سعر كل الفئات زاد بتاع 7 الاف جنية من بداية طرحها لانها كانت ارخص من كدة ..

و لكن حتى بعد الزيادة مازالت اختيارها فى المقدمة ..السيات ليون سيارة جيدة ..لكن تكاليف صيانتها مرتفعة و توكيل صعب شوية ..و مش منتشرة و الليون الجديدة على البواب و حتكون باسعار تانية خالص

كذلك الفوكس مش منتشرة و تكنولوجيا قديما نسبيا بما ان الفوكس الجديدة نزلت فى امريكا خلاص ..

على فكرة اول فئة فى الميجان اللى هى ب 135 دى كمان تعتبر فول اوبشين لان بها كل الكماليات
ما عدا التكيف التاتش و حساسات المطر و خلافة ..لكن بها مثبت السرعة و محدد السرعة و السينتر و الكماليات الاساسية ..

و الحمد لله مافيش اى مشاكل ..و اختها الاكبر الفلوينس مشتركة فى كل المحرك و الفتيس و كل الاجزاء الميكانيكية و مافيش اى مشاكل جوهرية ..مع ناس عملو 20 الف و اكتر كليومتر

محتاج تاخد قرارك بسرعة عشان التسليم بيتاخر شوية لان الكمايت المحددة لمصر فى الهاتش باك قليلة ..يعنى عندك شهرين على الاقل من تاريخ الحجز .

و لو عندك اى استفسار اخر قول على طول و ان شاء الله نساعد

[ELWAA]

أنا متشكر جدا على إهتمامك يا باشا .. أنا كل اللى مضايقنى فى الفئه الأولى دى عدم وجود فتحات تكييف خلفيه للكنبه اللى ورا .. هى دى اللى حزه فى نفسى شويه :)

أنا موضوع عدم الإنتشار .. فالنمط ده من العربيات مش منتشر فى مصر نعائى .. يعنى الليون مش منتشره و الفوكاس الهاتشباك و الميجان 3 نفس الكلام .. يمكن البرافو هى اللى بشوفها أكتر شويه ..

طب رأى حضرتك ايه فى البرافو كسر زيرو مثلا ؟؟ و حضرتك معاك ميجان 3 ؟ و من قد ايه لو مع حضرتك .. و موضوع الشهرين ده ممل جدا فعلا .. ربنا يسهل و نرسى ! :)

شكرا ليك مره تانيه

[wawoo]

أنا متشكر جدا على إهتمامك يا باشا .. أنا كل اللى مضايقنى فى الفئه الأولى دى عدم وجود فتحات تكييف خلفيه للكنبه اللى ورا .. هى دى اللى حزه فى نفسى شويه :)

خلال عشر دقائق بالضبط التكييف بيكون ماثر فى الكنبة الخلفية و الامامية والسيارة كلها ...متقلقش من التكييف لانة على درجة جيدا جدا .

طب رأى حضرتك ايه فى البرافو كسر زيرو مثلا ؟؟ و حضرتك معاك ميجان 3 ؟ و من قد ايه لو مع حضرتك .. و موضوع الشهرين ده ممل جدا فعلا .. ربنا يسهل و نرسى ! :)

شكرا ليك مره تانيه

البرافو الجديدة ...جيدة طبعا بس لو وجدت واحدة كسر زيرو بسعر مناسب ..لكن المشكلة فى توكيل فيات الكثيرين بيشتكو منة فى قطع الغيار مثلا و خلافة ..

السيارة معايا من عدة ا شهر ..و الحمد لله الاداء كما توقعت و اكثر .. زى ما نصحتك حاول تروح تجربها ..حتكون راى افضل بكثر من مجرد الرؤية ..

[ELWAA]

انا كلمت محمد زكى و قال انها موجوده فئه 145 و 155 الف و التوكيل قاللى فى واحده وواحده برضه .. أنا اللى عايز أعرفه منك يا باشا عامله ايه معاك فى السحب و الجرى لأنى بتخنق من العربيه لو سحبها بطىء و تقيله .. تجميعها عامل مع حضرتك ايه ؟انا كان نفسى جدا فى البرافو عشان 120 حصان و تربو و كل الناس بتقول سحبها و العزم بتاعها قوى .. بس لما شفت الميجان فى التوكيل الصراحه عجبتنى جدا ماشاء الله ربنا يباركلك فيها و حطيتها فى دماغى رغم انه رينو مكانتش فى دماغى نهائى .. كنت بفكر مع البرافو فى الليون او لو روحت للفرنساوى فبيجو مش رينو .. معلش انا بتقل عليك .. بالمره سؤال جانبى بقى .. أنت برادعاوى ولا إيه ؟

[wawoo]

انا كلمت محمد زكى و قال انها موجوده فئه 145 و 155 الف و التوكيل قاللى فى واحده وواحده برضه .. أنا اللى عايز أعرفه منك يا باشا عامله ايه معاك فى السحب و الجرى لأنى بتخنق من العربيه لو سحبها بطىء و تقيله .. تجميعها عامل مع حضرتك ايه ؟ .. بالمره سؤال جانبى بقى .. أنت برادعاوى ولا إيه ؟

هو الحقيقية ان ليسة فى التليين فمجربتش اجرى بيها ..اقصى سرعة كان فى ال90 - 100 بس تجميعها معقول جدا

اية رايك احجزلك معاد تروح تجربها فى توكيل العبور مثلا ..و تحكم بنفسك على التجميع و الجرى بتاعها

قصدك بدعم الدكتور البرادعى انا فعلا برادعاوى ...عرفت مين الموضوع دة :)

[ELWAA]

باشا نحن نختلف عن الأخرين تماما ... و عارفين عنك كل حاجه من مكانك ... عشان انا برادعاوى قديم :)

و ياريت تبعتلى نمرتك على الخاص عشان أتشرف بمعرفتك أكتر .. و موضوع التيست درايف فكره حلوه بس هل هقدر اجرى بيها

170 و 180 مثلا ولا ايه ؟؟ انا كنت حابب اعرف منك علشان العربيه معاك و كده

و شكرا يا باشا و مستنى نمرتك :)