::: بعـــض المعلومـــات الهامـــة عن الميـــــجان ii :::

[Amr_Moh]

مجهود رائع يا شاركى
ana 7atba3 el mawdoo3 dah wanzel agarab
awel mara a3raf en fee kol dah

[د.محمود صلاح]

تسلم للميجان يا باشمهندس sharky .. بس كده انت ظلمت الميجان !! فيه حاجات كتير ما ذكرتهاش على سبيل المثال :-
حجم الاطارات الرائع 16 * 205
* نظام الشدادات فى أحزمة الأمان
* امكانية تركيب نظام ملاحظة ضغط الاطارات
* فتحة السقف التى تفتح عن طريق لف البكرة أو الضغط عليها لتعطيك الوضع المضبوط سابقا
* مثبت ومحدد السرعه
* نظام فصل الوقود عن الموتور فى حالة حدوث حادث اللهم احفظنا
* التصفيح بالكامل اسفل السيارة , كمبيوتر المعلومات
* أماكن التخزين الرائعة
* درج التابلوه المبرد
* نظام التعليق الامامى والخلفى المزود بصدادات لتحمى السيارة من الاحتكاك بالأرض عند التحميل
* التبطين الكامل للسيارة من الداخل بالفلين أو اللباد
*النظام السمعى الرائع والسى دى بتحكم كامل من خلف عجلة القيادة ........

اييييييه فكرتنى بالذى مضى :(:(

[fahd_628]

الف شكر يا شاركى موضوع ممتاز

[Sharky]

تسلم للميجان يا باشمهندس sharky .. بس كده انت ظلمت الميجان !! فيه حاجات كتير ما ذكرتهاش على سبيل المثال :-
حجم الاطارات الرائع 16 * 205 * , نظام الشدادات فى أحزمة الأمان , امكانية تركيب نظام ملاحظة ضغط الاطارات , فتحة السقف التى تفتح عن طريق لف البكرة أو الضغط عليها لتعطيك الوضع المضبوط سابقا , مثبت ومحدد السرعه , نظام فصل الوقود عن الموتور فى حالة حدوث حادث اللهم احفظنا , التصفيح بالكامل اسفل السيارة , كمبيوتر المعلومات , أماكن التخزين الرائعة , درج التابلوه المبرد , نظام التعليق الامامى والخلفى المزود بصدادات لتحمى السيارة من الاحتكاك بالأرض عند التحميل , التبطين الكامل للسيارة من الداخل بالفلين أو اللباد , النظام السمعى الرائع والسى دى بتحكم كامل من خلف عجلة القيادة ........ اييييييه فكرتنى بالذى مضى :(:(

كلامك مظبوط يا دكتور الميجان دائما فياضة و فيه كتير :D
لكن أنا كتبت عنوان الموضوع بعض المعلومات الهامة عن الميجان مش كلها
لإن لسه الاوبشن ماتكلمناش فيه أصلا :)
انا حاطط الخواص إللى نادرا ما تلاقى حد بيعرفها
و الخطوة الجاية إن شاء الله حتكون معانى الكلمات إللى ممكن تظهر فى شاشة المعلومات

[Sharky]

شاشة المعلومات

تقوم هذه الشاشة بوظيفتين :
1- كمبيوتر معلومات.
2- كمبيوتر أعطال.

1- كمبيوتر معلومات :
* إجمالى الكيلو متر المنقطع.
* إجمالى الكيلو متر المنقطع لرحلة.
*عدد لترات البنزين التى أستهلكتها السيارة
* متوسط إستهلاك البنزين .
* متوسط إستهلاك البنزين على السرعة التى تتحرك بها السيارة فعليا.
* عدد الكيلو متر المتوقع حتى إنتهاء البنزين.
* متوسط سرعة السيارة .
* عدد الكيلو متر المتبقى لميعاد الصيانة المقبلة .

2- كمبيوتر اعطال :
بعض الرسايل التى قد تظهر على شاشة المعلومات :

1- Please Insert Card
تظهر هذه الرسالة عند فتح باب السيارة لكى تضع الكارت فى القارئ

2-Press Breake+Start
تظهر هذه الرسالة عند وضع الكرت فى القارئ و يوضح لك إنه يجب الضغط على الفرامل و مفتاح Start/Stop لتشغيل السيارة .

3- Please Remove Card
تظهر هذه الرسالة عند إطفاء محرك السيارة لكى لكى تنبهك بعدم ترك الكارت فى القارئ.

4- Oil Level OK
تظهر هذه الرسالة عند بدء تشغيل محرك السيارة و تعنى إن معدل الزيت فى المحرك فى وضعه الطبيعى.

5-Auto Lights De-Activated
تظهر هذه الرسالة بعد تشغيل المحرك و الإطمئنان على مستوى الزيت قد تظهر هذه الجملة لتنبهك بعدم تشغيل خاصية إضاءة النور أتوماتيكيا

6-Check GearBox
تظهر هذه الجملة فى جالة وجود مشكلة فى ناقل الحركة الاتوماتيكى.

7-Card Not Detected
تظهر هذه الجملة عند الضغط على مفتاح Start/Stop بدون وضه الكارت فى القارئ

8-Replace Card Battery
تظهر هذه الرسالة عندما تكون بطارية الكارت ضغيفة و بحاجة إلى التغيير.

9-Injection Failure
تظهر هذه الرسالة عند وجود مشكلة فى محرك السيارة .

10-Engine OverHeating
تظهر هذه الرسالة اتنبهك عندما تكون درجة حرارة الموتور عالية .

11-GearBox OverHeating
تظهر هذه الرسالة لتنبهك ان درجة حرارة الفتيس الأتوماتيكى عالية.

12-Stearing Fault
تظهر هذه الرسالة لتنبهك بوجود مشكلة فى الدريكسيون الكهربائى.

13-Computer Fault
تظهر هذه الرسالة عند وجود مشكلة فى سيستم السيارة بالكامل.

توجد شاشة فى أسفل شاشة المعلومات :
تقوم بالوظائف الاتية :
1-معرفة الابواب و الشنطة المفتوحة عن طريق إظهار وميض على المكان المفتوح فى صورة السيارة الظاهرة فى الشاشة .
2- بيان ان السيارة فى حالة نظام ناقل الحركة الاتوماتيكى (P-D-R-N)او بيان إنتقال السيارة إلى نظام ناقل الحركة المانيوال (1-2-3-4)


توجد شاشة اخرى فى اعلى منتصف التابلوه :
تقوم بالوظائف الاتية :
1- إظهار درجة حرارة الجو الخارجية.
2- إظهار الوقت .
2- أظهار معلومات الخاصة بالتراكات الخاصة بالـCD او أوشنز الـCD أو المحطات الاذاعية و إعلانتها

[limo]

الف شكر يا شاركى
العربيه بسم الله ما شاء الله فيها اوبشين مش موجوده فى اى عربيه تانيه قريبه لها فى السعر

[Investor]

ألف شكر موضوع ممتاز .. ومفيد للتعرف على إمكانيات العربية .. حيث أننى أفكر فى شرائها ..

[Mustafa_Farouk]

toool 3orak gamed ya SHARKY,

really Megane it's amazing

[Ahmed Selim]

أختبار العدادات والأنوار التحذيرية فى الميجان

أزيكم يا شباب

أنا كنت عارف الموضوع من فترة بس كنت ناسيه

المهم أن وظيفة الأختبار ده التأكد من سلامة العدادات المختلفة ( السرعة - RPM - الحرارة - البنزين ) بالأضافة الى الأنوار التحذيرية المختلفة ( ABS - Airbag - فرامل اليد - الأشارات - الأنوار - الخ )

عشان تشغل الأختبار ده
1- الموتور مطفى والكارت فى مكانه
2- تدوس على ال Start + الزرار اللى فى جنب دراع المساحات مع بعض الأتنين
3- العربية هتدور ويكتبلك Mode Test ويبتدى
4- بالضغط على الزرار اللى فى جنب دراع المساحات هيجبلك version software
5- بعد حوالى دقيقة اضغط تانى على نفس الزرار هيجبلك Test OK
6- لأنهاء الوضع ده أضغط على زرار تصفير الكيلومترات

[M.Moustafa]

حلو قوي الاختبار ده انا هعمله النهاردة ، انا اكتر حركة عجبتني كنت راجع من الرحاب على 170 ودست فرامل جامده لقيت لمبة الانتظار نورت لوحدها مكنتش اعرف الحكاية دي قبل كده ولسه يا ما هنكتشف في الميجان وانا عندي معلومة هكتبها لو انتو مش عارفينها عن ازاي تقفلو اللوك بتاع العربية لو العربية البطارية بتاعتها فاصلة

[Ahmed Selim]

حلو قوي الاختبار ده انا هعمله النهاردة ، انا اكتر حركة عجبتني كنت راجع من الرحاب على 170 ودست فرامل جامده لقيت لمبة الانتظار نورت لوحدها مكنتش اعرف الحكاية دي قبل كده ولسه يا ما هنكتشف في الميجان وانا عندي معلومة هكتبها لو انتو مش عارفينها عن ازاي تقفلو اللوك بتاع العربية لو العربية البطارية بتاعتها فاصلة

موضوع الأنتظار اللى بيشتغل لوحده ده هايل بس ده بيشتغل فى حالات السرعة العالية والفرامل الجامدة أوى عشان اللى سايق ميشغلش نفسه أنه يشغل نور الأنتظار عشان اللى وراه

موضوع اللوك بتاع العربية أعتقد بيتعمل بالمفتاح اللى فى الكارت

صح ؟

[M.Moustafa]

تمام يا باشا في فتحة في كل باب بتقلبها بالمفتاح وتقفل الباب يتعمله لوك

[Sharky]

شكرا على المعلومة الجديدة يا احمد

[Ahmed Selim]

كلاكيت تانى مرة

العفو يا شاركى باشا

[therealhatem]

العربيه دى هتجننى
الفرنسيون دول أزكياء بشكل