مشكلة فى الدوارة.....

[Ahmed Selim]

السلام عليكم يا وحوش

أنا عندى مشكلة فى الميجان مش عارف لها حل لحد دلوقتى.

العربية كانت ساعات بعد مشوار طويل شويتين أبطلها و أرجع أدورها تانى ألاقيها بتدور و بعدين تبطل أو تدور و ال rpm ينزل جامد و بعد كده يرفع تانى و تكمل عادى.

المهم كنت بعمل الصيانة من حوالى 3 أسابيع و قلتلهم فى التوكيل على المشكلة دى.......و أنا بستلم العربية قالولى مفيش حاجة غريبة و الكمبيوتر مش مسجل أعطال.....نضفنا ال throttle body إن شاء الله تظبط معاك.

المهم العربية قعدت أسبوعين زى الفل و بعد كده رجعت تانى بس بزيادة شوية....يعنى ممكن و هى باردة تعمل كده.....و ممكن و هى سخنة.....تسمع صوت المارش بيدور و ساعات تدور و تبطل و ساعات تدور و ال rpm ينزل و يرفع تانى و تشتغل عادى.

المهم أنا كنت واخد أجازة يوم الخميس و رحت و ديتها تانى للعيب ده.....و قالولى سيبها للسبت قولت مفيش مشكلة.......رجعت النهاردة أستلم......برضه نفس الكلام....الكمبيوتر مش مسجل أى أخطاء فى الحساسات.....المشكلة مظهرتش معاهم علشان يجربوها....شافوا البطارية.....شافوا طرمبة البنزين.....و راجعو على الضفيرة......مفيش أى مشاكل خالص باينة قدامهم.

قالولى بس أنهم غيروا قاعدة موتور على حسابهم مع أن العربية مش فى الضمان
و طبعاً دى ملهاش علاقة بالعيب اللى موجود.

الظريف انى جربت العربية عندهم حوالى 6 مرات دارت فريرة........بعد ما مشيت من عندهم رحت مشوار ركنت ساعتين.....بدور تانى ظهرت معايا :)

[abasse]

ا

قالولى بس أنهم غيروا قاعدة موتور على حسابهم مع أن العربية مش فى الضمان
و طبعاً دى ملهاش علاقة بالعيب اللى موجود.
:)

جامدة أوى الحكاية ديه

على العموم أنا فاكر زمان كان العيب ده حساس الكرنك
عامل زى عندى بالظبط أجى أسافر بالعربية والعربية تجيب check gearbox أحطها على الجهاز مافيش رسايل متسجلة هسهست حساسات

[Rsarabia]

غريبة اوى الحكاية دى لان حساس الكرنك لو فيه مشكلة هيدى ايرور فى اللوج بتاع الكمبيوتر جرب تغيره و شوف لو اتحلت المشكلة

[Ahmed Selim]

صعب أغيره و أجرب

هنا مفيش غير التوكيل اللى بيفهم فى العربية و مستغلين النقطة دى أوى ( أو يمكن أنا اللى مش عارف حد بيفهم فى الفرنساوى هنا )

أنا كان عندى الفوانيس الأمامية الباغة بتاعتها بهتانة جامد من الشمس....و أنا بعمل الصيانة سألت على سعر الفانوس الأمامى الراجل بصلى و قالى ليه ؟ :)
قولتله السبب قاللى أعملهم بولش أحسن لأن الواحد ب 1800 درهم :))))

[farahat]

أبو حميد ، العيب دة واحد من الحساسين العظماء ، يا إما الكرنك يا إما الكامة ، لو فيه تغيير في السحب يبقى الكامة ، لو مفيش وبس في الدوارة يبقى الكرنك ، ودة ممكن يتجاب استراد عادي .
الكامة ممكن يتجرب لكن الكرنك مالوش تجربة للأسف لأنك لو فكيته مش هتدور أساساً

[Amr_Moh]

alf salamah ya kabeer