مشكلة في ميجان 2005 و ارجو المساعدة

[mbaki1]

انا في مشكلة كبيرة وارجو المساعدة
انا شاري عربية ميجان 2005 من حوالي 6 شهور ودي اول عربية لية فاماليش خبرة خالص. المهم كشفت في العربية في التوكيل ( الميكانيكيون العرب) و قالو ان العربية تمام فيها بس رش في بعض الاماكن
المهم العربية ظهر فيا مشكلوة ترس الديفريزر وصلحتة عند عادل و مشيت الامور تمام
اليومين دول بيحصل مشكلة سخيفة.وانا ماشي بالعربية بالنهر في الحر العربية فجأة تتكتم و ادوس بنزين كأني مش دايس علي حاجة ابطل شوية علي حنب و ادور و امشي تمشي شوية وبعدين نفس الحكاية
روحت لعادل غير موتور طرمبة البنزين مانفعش بعد كدة حساس السرعة مافيش كشف علي حساس الشكمان قالي مفهوش مشكلة و دلوقتي ابتديت اقلق و مش عارف اعمل اية.

[shawkylotfy]

رسالة الى مالكى الميجان وانا منهم ( بيع الميجان قبل ما تبيعك )

[ahmed88hassan]

رسالة الى مالكى الميجان وانا منهم ( بيع الميجان قبل ما تبيعك )

ههههههههههههه
ونا كمان

[diabloegypt1]

انا في مشكلة كبيرة وارجو المساعدة
انا شاري عربية ميجان 2005 من حوالي 6 شهور ودي اول عربية لية فاماليش خبرة خالص. المهم كشفت في العربية في التوكيل ( الميكانيكيون العرب) و قالو ان العربية تمام فيها بس رش في بعض الاماكن
المهم العربية ظهر فيا مشكلوة ترس الديفريزر وصلحتة عند عادل و مشيت الامور تمام
اليومين دول بيحصل مشكلة سخيفة.وانا ماشي بالعربية بالنهر في الحر العربية فجأة تتكتم و ادوس بنزين كأني مش دايس علي حاجة ابطل شوية علي حنب و ادور و امشي تمشي شوية وبعدين نفس الحكاية
روحت لعادل غير موتور طرمبة البنزين مانفعش بعد كدة حساس السرعة مافيش كشف علي حساس الشكمان قالي مفهوش مشكلة و دلوقتي ابتديت اقلق و مش عارف اعمل اية.

أنا عندى نفس المشكلة بس عايز أعرف غيرت ماتور الطرمبة عند عادل ولا بعتك لحد تانى . وعلى فكرة ممكن يكون الطرمبة كلها عايزة تتغير أو فلتر البنزيين يكون وحش

[Ahmed Selim]

روح التوكيل أكشف على العربية و شوف هيقولولك أيه و صلحه برة

بلاش الميكانيكيون.......خليك فى توكيل المقطم أو العبور.

[Ahmed Selim]

أنا عندى نفس المشكلة بس عايز أعرف غيرت ماتور الطرمبة عند عادل ولا بعتك لحد تانى . وعلى فكرة ممكن يكون الطرمبة كلها عايزة تتغير أو فلتر البنزيين يكون وحش

الطرمبة مستبعدة شوية

الطرمبة عبارة عن هاوسنج بلاستيك و فيه الموتور........أنت غيرت الموتور نفسه.....معتقدش فيه جزء تانى من الطرمبة ممكن يعمل المشكلة دى.

بس شوف فلتر البنزين أو حساس الكامة او الكرنك......مجرد إحتمالات مش أكتر

[diabloegypt1]

الطرمبة مستبعدة شوية

الطرمبة عبارة عن هاوسنج بلاستيك و فيه الموتور........أنت غيرت الموتور نفسه.....معتقدش فيه جزء تانى من الطرمبة ممكن يعمل المشكلة دى.

بس شوف فلتر البنزين أو حساس الكامة او الكرنك......مجرد إحتمالات مش أكتر

على فكرة فى واحد قلى مرة ال سيكس بالف بتاع الطرمبة ممكن يكون السبب علشان كده قولت الطرمبة كلها

[etrder63]

على فكرة الموتور اللى موجود فى السوق ومكتوب عليه انه ماركة bosch ده صينى مضروب هوه سعره على ما افتكر كان فى حدود 150جم بس لما غيرته مقعدش اكثر من شهرين وباظ واضطريت اغير الطرمبة بالكامل علشان مفيش موتور اصلى او نوعية معتمدة موجود بالسوق ده كلام محل قطع الغيار اللى بتعامل معاه وانا اثق فى كلامه

[Ahmed Selim]

على فكرة الموتور اللى موجود فى السوق ومكتوب عليه انه ماركة bosch ده صينى مضروب هوه سعره على ما افتكر كان فى حدود 150جم بس لما غيرته مقعدش اكثر من شهرين وباظ واضطريت اغير الطرمبة بالكامل علشان مفيش موتور اصلى او نوعية معتمدة موجود بالسوق ده كلام محل قطع الغيار اللى بتعامل معاه وانا اثق فى كلامه

فيه يا باشا بوش صينى مضروب و بوش صينى أصلى :)

الأصلى كان سعره فى حدود ال 250 إلى 300 لو أنا فاكر صح.

[amr_elbazz]

روح التوكيل أكشف على العربية و شوف هيقولولك أيه و صلحه برة

بلاش الميكانيكيون.......خليك فى توكيل المقطم أو العبور.

1111111111111+
صح جدا الكلام دة لازم تكشف الاول علشان تحدد المشكلة فين بالظبط علشان متتعبش

[schrief]

ربنا يكون فى عونك وإن شاء اللة عربيتك تصلح وتبقى تمام كان نفسى اساعدك لو كنت أقدر
بصراحة انا متابع منتدى الرينو وانا كنت بدور على ميجان 2005 او 2006 بس بعد كمية المشاكل اللى انا شايفها هنا قررت العدول عن شراء الميجان والبحث عن عربية تانية رغم اعجابى الشديد بالميجان

[mbaki1]

بس يا تري اكيد ان التوكيل بيشخص المشكلة صح لاني خايف ان التوكيل كمان بفضل يجرب.... لو ممكن حد بيتعامل مع التوكيل يديني رأية