إلى ايمن مومو و خبراء الميجان، مشكلة فتيس الميجان2 "تشيك جيربوكس"

[Savorisky]

يا استاذ ايمن و يا خبراء الميجان جميعاً يارب تساعدونى فى المشكلة دى، بعد نص ساعة على 120 او اكتر بتحصل مشكلة الهبدة و رسالة Check Gearbox منغير رساله Over Heating رحت لميكانيكي كويس فى اسكندرية اسمه احمد موسى كشف بالكمبيوتر لقى Presser Regulator Error و غيرلى بريشر الموزع بتاع الفتيس "السولونويد" بواحد جديد، الغريب ان المشكلة حصلت تانى بس بقت اسرع و بتحصل بعد اقل من 10 دقائق، رجعت له غيرلى الموزع كله بواحد استعمال بس بحالة الزيرو، العربية كلها اتلخبطت و بقت بتهبد فى اوقات غريبة و بدون مقدمات، مع العلم انى لسه مغير "شنابر ديل الفتيس"، المهم رجعتله فا رجعلى كل حاجة زى ما كانت و بقيت ماشى و معايا مشكلة تشيك جيربوكس و راضي بيها وخلاص، وخصوصا انها مش بتحصل غير عالطرق السريعة فقط

هل فى حل للمشكلة دى؟ يارب حد يساعدنى بحل واضح، و شكراً

[abasse]

والله على أد معلوماتى وأنا عندى نفس المشكلة بس بتحصل على 160 بعد ربع ساعة كدة لازم أنزل كل شوية ل 120 وأطلع تانى

المشكلة ياما فى السولونيد ياما فى الحساس نفسه ياما (وده الى قالى عليها دفيرة الهيدروليك ) على العموم يلزمك ميكانيى فاهم أوى

[ecybrarian]

حصلت مع واحد اعرفه بس كانت المشكلة في دورة تبريد الفتيس

[تامر.محمد]

المشكلة دي في الميجان2 كلها ولا موديلات معينة او في بعض العربيات بس ؟

[momo10000]

سهله ان شاء الله ... انا بعتلك رقمي عالخاص

حاول تيجي جمعه او سبت ... وان شاء الله تخلص في ساعتين.

[ramy_gamal]

حصلت مع استاذ احمد عبد المقصودواعتقد غير زيت الجيربوكس بس موش متاكد هو ممكن يفيدك اكتر

[Savorisky]

والله يا جماعة ايمن مومو ده 100 100 و حروحله فى خلال اليومين اللى جايين و ان شاء الله حيصلحلى المشكلة و ححكيلكم على اخر الاخبار

[abasse]

والله يا جماعة ايمن مومو ده 100 100 و حروحله فى خلال اليومين اللى جايين و ان شاء الله حيصلحلى المشكلة و ححكيلكم على اخر الاخبار

وعد

[shawkylotfy]

هو حضرتك عملت طقم الشنابر بتاع الفتيس بكام اصل انا من اسكندرية وعندى مشكلة ان الفتيس لما بقف واجى اشيل رجلى من على الفرامل العربية مترضاش تمشى اروح جى دايس سنة بنزين تروح طلعة مرة واحدة مع هبدة جامدة .... روحت ل احمد موسى وقلى طقم شنابر .. انا كنت قريت ان حضرتك كان عندك نفس المشكلة ياريت تقولى عملت اية وهل المشكلة اتحلت وهل احمد موسى كوبس فى النقطة دية ولا اية .... ممكن حضرتك تبعتلى رقم تليفونك واتصل بيك استفسر منك على المشكلة دية ... انا عربيتى بردة 2005 ... وكان اللة فى عوننا

[EGYANGEL]

ده حاجه اسمها سلونيتت فالف وده المسؤول عن ضغط زيت الفتيس ويوصالها فى مكانها الصحيح الحساس ده فى منه 2 الاصلح انو يغير الاتنين مع بعض وليه كذا اسم بلف الفيتيس او سلو نيت فالف ) وانشاء الله خير انا الى عارفنى واحد اسمه مصطفى ده بتاع محل قطع غيار فى صقر قريش والمحل اسمه المصطفى وده رقمه :: 0122784231

[yalahwy2010]

انا دلقوتى عندى مشكلة.....العربية كانت سليمة ومافبش شيك جير بوكس ولا أى حاجة
وبعدين كان عندى شغل فى المساعد الشمال (عفشة يعنى) وظبط المساعد مع البطاحة والراجل ركب وكل تمام
ولمبة ال ABS نورت....ورسالة شيك جير بوكس طلعت
العربية بتروح عاملة هبدة غريبة بس مش كتير....والفتيس بينقل من الاول للتانى لما ال r.p.m يوصل 4......وده طبعا متأخر خالص
العربية صوتها بيعلى خالص.......
يا ريت المساعدة يا جماعة

[momo10000]

حساس ال abs مش راكب.

خلي العفشجي يبصلك علي الحساس ويركبه في السوكت بتاعه اللي في الدشمه.

[yalahwy2010]

ألف شكر يا أيمن باشا على سرعة الرد
طيب ولو ركبت الفيشة بتاعة ال abs مشكلة التأخير فى النقل من الاول للتانى هتروح؟؟؟؟
وكل سنة وانت طيب يا كبير

[momo10000]

وانت طيب يا باشا ...

كل حاجه حتتظبط زي الاول.

[Savorisky]

الحمد لله اخيرا مشكلة "تشيك جيربوكس" انتهت بعد عناء و شقاء فظيع و الفضل يرجع لايمن مومو الراجل ده جامد اوي يا جماعة، كان مطمني جدا و كنت متأكد انى لو معرفتش احل المشكلة فى اسكندرية هو هيحلهالى بمنتهى البساطه فى القاهرة

بس انا الحمد لله صلحتها فى التوكيل و ربنا كرمنى بمهندس محترم فى التوكيل بتاع العامرية اسمه الشهاوي، غيرلى ال 2 سولونويد داخل الموزع و العربية اتظبطت جدا، و بالنسبة للهبده بتاعت الفتيس غيرت شنابر ديل الفتيس و راحت الهبدة

عموما ربنا يبعدكوا عن مشاكل الفتيس، و شكراً...