كليو 2004

[aqaba]

أنا معروض عليا كليو 2004 - 1200 سي سي لما بصيت على النت لقيت في الأغلب 2004 أرخص في السعر عن 2003
ممكن حد يفيدني أيه مميزات و عيوب العربيه دي و أيه أخد بالي منه و أنا رايح أشوفها و ياريت لو في فرق في الموديل 2004 عن موديل 2003 حد يقولي

[aqaba]

لو حد عارف سعرها

[albasha]

أولاً أنا معرفشي أيه السبب إن 2003 أغلي من 2004
ثانياً علشان متتعبشي نفسك زياده عن اللزوم وتكلف نفسك جرب العربيه بنفسك و أول حاجه تسأل عليها الصيانات الدوريه وبعدين تشوف حالة العربيه داخلياً وخارجياً وبعدين تفتح الكبوت وتبص علي الموتور بتاعها و بعد كده جربها كسواقه لو إرتحت للعربيه إتفق مع صاحبها إنك تعملها كشف في التوكيل أو الميكانيكيون العرب أيهما أقربلك
العربيه عامةً ممتازه ومفيش فيها مشكله دائمه أقدر أقولك بص عليها

[ramy_gamal]

ال 2003 هى ال 2004 ما عدا الفوانيس الى ورار الاشارات بيضه والعددات رياضيه لكن الباقى كله واحدومفيش فرق فى الموتور

[aqaba]

شكرا لتعاونكم

[limo]

مفيش فرق بين موديل 2003 او 2004 الاختلاف ظهر فى الشكل بدايه 2005 غيروا شكل الفوانيس الخلفيه والاشارات الجنابيه بدل البرتقالى بقى ابيض فى منتصف 2005 نزل منها نفس الشكل 1400 مانوال واوتوماتيك واتلغى ال1200
على فكره الى اشترى فى 2003 اشترى ب52 الف والى اشترى فى 2004 اشترى 74 الف جنيه وقت ما العربيات كلها رفعت جامد فجأه
ممكن تكون ال2004 المعروضه على النت حاله اقل من 2003 او هاف اوبشين علشان كده ال 2004ارخص لاكن فى الواقعه الاثنين سوقيا نفس السعر