مشكلة نتشة الكليو

[albasha]

الحمد لله تم حل مشكلة النتشه وسبب العيب هو الموبينه
المشكله أنا روحت فرنش موتورز اللي في الرحاب وسألت والمهندس كشف علي العربيه أول لما ركب العربيه قاللي المشكله في الموبينه عايزه تتغير سألته بكام قاللي 550 + 30 تركيب انا كنت عارف أن الموبينه بره ب 350 : 400
بصراحه أنا بسافر كتير وكمان بسبب الشغل دلوقتي ساكن في العاشر من رمضان فأي مشكله هتبقي بالنسبالي حاجه كبيره حتي لو كانت لا تذكر فقررت أتأكد من المعلومه ولو كان كده كنت واخد قراري أشتريها من التوكيل أضمن وأخلي الميكانيكي بتاعي يركبهالي المهم رحت للميكانيكي بص علي العربيه وقعد يجرب البوجيهات لحد ما في الأخر قاللي الموبينه برضه رحت فرع المبيعات بتاع التوكيل في العجوزه وأشتريتها من هناك ب 726 السؤال الملح هل الموبينه في فرنش موتورز مش أصليه لأن فرق السعر كبير
في النهايه الحمد لله العربيه ظبطت وأخدت الموبينه القديمه أحتياطي للطوارئ لأن طريقة تركيبها سهله جداً

[ramy_gamal]

الف مبروك عليك وانشاء الله العربيه تفضل زى الفل
انا غيرتها من شهر 12 اللى فات وجبتها من برة التوكيل فرنساوى ب 425 والميكانيكى اخدت 20 جنيه ....العلبه انا فاكر ان لونها كان ازرق فى ابيض وكان مكتوب عليها 70000 كيلو

[albasha]

الله يبارك فيك ياباشا والحمد لله أنها جت علي قد كده
طيب أيه الفرق الكبير في السعر ده
بس علب فكره اللي جبتها من التوكيل كانت في كيس ومكتوب عليها رينو وصناعه فرنسيه
هو بصراحه لو أنا عايش داخل القاهره حالياً كنت جبتها من أي حد بتاع قطع غيار رينو بنفس السعر اللي حضرتك جبته بيها لكن بصراحه الخوف من إنك تعطل وانت في مكان بعيد هو المشكله لأن أقرب مكان ليا الحرفيين علي بعد 40 كيلو

[ramy_gamal]

هو اللى حضرتك عملته احسن حاجه عشان مشاويرك كلها طوالى وبالذات فى الوقت دة العمليه مش مستحمله واقفه على السريع ...ربنا يسترها