مشكلة طريق ولا عربية

[gym1974]

السلام عليكم ورحمه الله أستفسار بعد اذنكم انا كنت فى رحلة الى بور سعيد وكنت ماشى طريق القاهرة بور سعيد بلاقى احيانا العربية تميل يمين او شمال المهم بكون ماشى على سرعة 120 والعربية تميل كده قلبى يوقف عليا واحس ان العربية هتتقلب اقوم مهدى بسرعة ترجع العربية تمشى عدل وبعدين تميل حتى الناس اللى معايا فى العربية لحظوا الموضوع ده وقالوا العربية احيانا بتميل وهكذا طول الطريق اما والله العظيم اعصابى اتشدت مش عارف فى مشكلة فى العربية ولا الطريق
العربية كليو 1200 سى سى كان معايا فى العربية عدد 3 افراد بخلافى والشنطة محملة على الاخر ومشغل التكييف طول الطريق واقصى سرعة 120 والكاوتش لسه جديد ارجو الافادة بعد اذنكم

[Kareem.ElAraby]

تميل ولا تبقي علي وشك تعوم ؟!
ممكن الطريق فيه هوا شديد
انا لسه مسافر و محمل و الهوا كان قرفني !

[gym1974]

تميل ولا تبقي علي وشك تعوم ؟!
ممكن الطريق فيه هوا شديد
انا لسه مسافر و محمل و الهوا كان قرفني !

جزاك الله كل خير اخى الكريم على الرد لا هى العربية مش بتعوم انا عارف قصد حضرتك كويس والفرق بين العوم والميلان هى بتميل بس والله العظيم حاجة مقرفة جدا بخاف قوى احساس ان العربية هتتقلب ده مرعب جدا

[ramy_gamal]

طيب جرب العربيه وهى فاضيه وعلى طريق تانى غير بورسعيد وحدد المشكله بتحصل بعد سرعه كام وهل لما بتميل العربيه بتحدف معاك

[Seperto]

بص ياباشا
بما ني من بورسعيد وبسافر كتير مصر
احب اوضحلك ان المشكلة بالطريق لأن المشكلة دي بتحصل معايا بالذات بالطريق دة سواء كان بعربيتي او عربية تانية غير عربيتي
ومابتحصليش المشكلة دي لما بكون على الطريق الدولي الساحلي وانا رايح اسكندرية او وانا رايح شرم
كل دة طبيعي وبالذان المنطقة اللي بين الكارتة واسماعلية وان جاي من القاهرة والله لو ماشي على 40 هتلاقي العربية بتتنطط من مطبات الهوا والطريق زي الزفت

ودة عن تجربة 13 سنة بسوق على الطريق دة

[gym1974]

بص ياباشا
بما ني من بورسعيد وبسافر كتير مصر
احب اوضحلك ان المشكلة بالطريق لأن المشكلة دي بتحصل معايا بالذات بالطريق دة سواء كان بعربيتي او عربية تانية غير عربيتي
ومابتحصليش المشكلة دي لما بكون على الطريق الدولي الساحلي وانا رايح اسكندرية او وانا رايح شرم
كل دة طبيعي وبالذان المنطقة اللي بين الكارتة واسماعلية وان جاي من القاهرة والله لو ماشي على 40 هتلاقي العربية بتتنطط من مطبات الهوا والطريق زي الزفت

ودة عن تجربة 13 سنة بسوق على الطريق دة

جزاك الله اخى الكريم على الرد انا مش عايز اقولك الموضوع ده سخيف قد ايه تبقى ماشى زى الفل فى امان الله وتلقى مرة واحدة العربية بتميل منك بس سؤال هل ممكن الميلان ده يلقب العربية لا قدر الله

[gym1974]

طيب جرب العربيه وهى فاضيه وعلى طريق تانى غير بورسعيد وحدد المشكله بتحصل بعد سرعه كام وهل لما بتميل العربيه بتحدف معاك

الف شكر على الرد الميل ده على اي سرعة انا بمشى على طرق كتير تانية ما فيش الموضوع ده خالص يعنى عندك مثلا طريق القاهرة شرم ما فيش الموضوع ده خالص

[Ahmed Selim]

الف شكر على الرد الميل ده على اي سرعة انا بمشى على طرق كتير تانية ما فيش الموضوع ده خالص يعنى عندك مثلا طريق القاهرة شرم ما فيش الموضوع ده خالص

طالما العربية مش بتعمل معاك كده على طريق تانى يبقى المشكلة فى الطريق.

و خللى بالك أن الميجان الدركسيون فيها حساس لأى حركة بسيطة.....و بالتالى الميل فى الطريق أو الهوا الجامد ممكن تحص معا بالموضوع ده......حله الوحيد أن تمسك الدركسيون بأيديك الأتنين و تعادل الحدفة دى.

و ربنا يستر طريقنا كلنا.

[gym1974]

طالما العربية مش بتعمل معاك كده على طريق تانى يبقى المشكلة فى الطريق.

و خللى بالك أن الميجان الدركسيون فيها حساس لأى حركة بسيطة.....و بالتالى الميل فى الطريق أو الهوا الجامد ممكن تحص معا بالموضوع ده......حله الوحيد أن تمسك الدركسيون بأيديك الأتنين و تعادل الحدفة دى.

و ربنا يستر طريقنا كلنا.

الف شكر استاذ احمد وعلى فكرة العربية كليو مش ميجان بس طالما انت قولت ميجان يبقى فالك حلو ان شاء الله لانها فعلا الخطوة القادمة عن قريب