ريــــنو تهدف أن تصبــح إحدى الشركات الرئيسيــة فى الخليج

[gomha]

رغم انة صعب جدا الكلام ده خصوصا فى السعودية الا انى اعتقد اذا ارادت الرينو ان يكون لها

نصيب من السوق السعودى فعليها بكل تلكيد ان تختار وكيل غير الاخ شركة الزاهد للتراكتورات

وهذا الوكيل لة سمعة سيئة جدا هنا حتا الفولفو ماتت معاه فى السعودية

واضرب مثال مع الديهاتسوا عندما كانت مع شركة عمر بالبيد كنت تسأل عليها هنا فى السعودية

كانك تسأل على ماركة جائت من الفضاء ولكن الان عندما انتقلت الديهاتسوا الى عبد اللطيف جميل

وكيل تويوتا اصبحت تراها الان بكل انواعها ويشكر فيها الناس ويكون لها سعر فى اعادة البيع

الوكيل يا جماعة ركيزة اساسية لاى سيارة واذا كنت بعرف اكتب فرنسى لكنت كتبت الكلام دة

لرينو

[أبو عبدالله]

رغم انة صعب جدا الكلام ده خصوصا فى السعودية الا انى اعتقد اذا ارادت الرينو ان يكون لها

نصيب من السوق السعودى فعليها بكل تلكيد ان تختار وكيل غير الاخ شركة الزاهد للتراكتورات

وهذا الوكيل لة سمعة سيئة جدا هنا حتا الفولفو ماتت معاه فى السعودية

واضرب مثال مع الديهاتسوا عندما كانت مع شركة عمر بالبيد كنت تسأل عليها هنا فى السعودية

كانك تسأل على ماركة جائت من الفضاء ولكن الان عندما انتقلت الديهاتسوا الى عبد اللطيف جميل

وكيل تويوتا اصبحت تراها الان بكل انواعها ويشكر فيها الناس ويكون لها سعر فى اعادة البيع

الوكيل يا جماعة ركيزة اساسية لاى سيارة واذا كنت بعرف اكتب فرنسى لكنت كتبت الكلام دة

لرينو

مش كده برضه
جزاك الله كل خير على المشاركة الطيبة دي

[gomha]

شكرا اخى ابو عبد الله على تقديرك لكلامى وانا اتسأل لماذا لا تضم نيسان و الرينو لوكيل واحد فى

السعودية لشركة الحمرانى وهو بكل تاكيد افضل من الزاهد واكثر خبرة ووعى بالسوق الخليجى

والسعودى على وجة التحديد الذى اصبح الان مقياس لكثير من الشركات على النجاح

[Sharky]

يعنى قصدك إن الوكيل فى السعودية هو سبب رئيسى لفشل رينو فيها

[Ramy_Tantawi]

يعنى قصدك إن الوكيل فى السعودية هو سبب رئيسى لفشل رينو فيها

+1 انا عيشت في السعوديه فتره كبيره واتعاملت مع الزاهد .........هانظلمه لو قلنا ان مبدأش يتحسن السنتين الأخارى قليلاً لكن قبل كده كان تواجد الرينو في السعوديه شبه معدوم تماماً من 5 سنوات تقريباً كان موديل الكليو 2 او الكلاسيك زي ما بنسميها هنا بدأ ينزل في السعوديه ......تخيلوا انا اكتشفت وجودها بالصدفه مع انها كانت وقتها منافس قوي جداً لعربيات كتير ....وكان سعرها وقتها 28.000 ريال !!!!!!!! يعني كان سعرها مقارب للاكسنت والكيا ريو وقتها مع العلم ان محركها كان 1.4 مش زي اللي نزلت مصر وقتها 1.2

الخلاصه ان نعم الزاهد في السعوديه كان كسلان جداً السنوات الماضيه وده أثر سلبياً على الرينو وحتى الفلوفو وهو وكيلها في نفس الوقت برضه كان في مشاكل زي ما استاذ gomha تفضل وذكر في مداخلته.

النقطه التانيه هو في رأيي المتواضع ايضا ان رينو نفسها بعد شراءها لنيسان اتفتح ليها سوق في الخليج واعتقد انهم دلوقتي بس بدؤوا يتحركوا بخطوات شبه ثابته تجاه السوق الخليجي وارى ان المستقبل ان شاء الله هايكون لرينو باع في الخليج اكتر من الآن ولكن قد يحتاج الامر بعض الوقت.

[أبو عبدالله]

بصراحه يا اخي رامي
وقت طويل شويتين ده لو حصل

[Sharky]

إنت حتنجم يا أبو عبدالله و لا إيه :D

[Ramy_Tantawi]

بصراحه يا اخي رامي
وقت طويل شويتين ده لو حصل

ان شاء الله هايحصل يا راجل يا طيب مافيش حاجه بعيده على ربنا .

واتفق معاك بامانه شديده ان الوقت ممكن يطول بس ده مش لئن رينو وحشه لئن السوق الخليجي محتل من قبل الياباني على مدار ال 20 سنه اللي فاتوا بجانب وبالتالي دخول فكر جديد زي الاوروبي هايكون محتاج فعلاً وقت.

على فكره الاوروبي عموماً تواجده في السعوديه غريب جداً ..... البيجو والستروين لسه معروفين في السعوديه من سنتين تلاته على الاكثر ويمكن 10 عربيات اللي اتباعوا في جده كلها :D

[aliabutaleb]

بشكل عام وبعيداً عن المقارنات الدائمة بين الأوروبي واليابان
بصراحة اجتهاد رينو شئ يستحق الاعجاب والتقدير
مش معنى الكليشيهات الموجودة ان الخليج يعني ياباني انها تقف موقف المتفرج
وده اللي بتعمله دلوقتي بخبر زي ده

[gomha]

يعنى قصدك إن الوكيل فى السعودية هو سبب رئيسى لفشل رينو فيها

بكل تأكيد استاذ شاركى المشكلة الرئسية هنا هى الوكيل وهو الزاهد ويجب ان تعرف ان

شركة الزاهد تركز اعمالها على المعدات التقيلة والصناعية والسيارات هى مجرد جزء

صغير جدا من النشاط وانا اعرف مهندسين مصريين فى الشركة فى السعودية ومسئولى

مبيعات ودايما يقولوا لى احنا مش بندور على المبيعات اكتر من ان نكون فقط موجودون

حتى لا يتم سحب التوكيل منا وانة لايوجد لدينا خطة تسويقية او اهداف لمبيعات سنوية

للسيارة ولا ميزانية للاعلانات وبالتالى معرض البيع يكون حيث نبيع ايضا الرافعات

الشوكية وما الى ذلك وانا واحد اعرفة كان اشترى فولفو 98 مستعملة فل كامل وهو

اشترها فقط

لانها كانت ارخص سيارة موجودة تخيل بكام مش حاتصدق خمسة الاف ريال وحاب

يغير مساعد امامى تعرف ان تعرف ان سعر المساعد كام ثلاثة الاف ريال من شركة

الزاهد ودة كفاية لقتل السيارة هنا فى ظل ان سعر مساعد امامى لمعظم السيارات

اليابانى والامريكية بين 200 ريال و500 ريال وسلامى لك واحترامى اعمل فى

السعودية من عام 1995 ومازال العرض مستمر

[Sharky]

بكل تأكيد استاذ شاركى المشكلة الرئسية هنا هى الوكيل وهو الزاهد ويجب ان تعرف ان

شركة الزاهد تركز اعمالها على المعدات التقيلة والصناعية والسيارات هى مجرد جزء

صغير جدا من النشاط وانا اعرف مهندسين مصريين فى الشركة فى السعودية ومسئولى

مبيعات ودايما يقولوا لى احنا مش بندور على المبيعات اكتر من ان نكون فقط موجودون

حتى لا يتم سحب التوكيل منا وانة لايوجد لدينا خطة تسويقية او اهداف لمبيعات سنوية

للسيارة ولا ميزانية للاعلانات وبالتالى معرض البيع يكون حيث نبيع ايضا الرافعات

الشوكية وما الى ذلك وانا واحد اعرفة كان اشترى فولفو 98 مستعملة فل كامل وهو

اشترها فقط

لانها كانت ارخص سيارة موجودة تخيل بكام مش حاتصدق خمسة الاف ريال وحاب

يغير مساعد امامى تعرف ان تعرف ان سعر المساعد كام ثلاثة الاف ريال من شركة

الزاهد ودة كفاية لقتل السيارة هنا فى ظل ان سعر مساعد امامى لمعظم السيارات

اليابانى والامريكية بين 200 ريال و500 ريال وسلامى لك واحترامى اعمل فى

السعودية من عام 1995 ومازال العرض مستمر

شكرا على توضيحك يا باشا
و فعلا كلامك مظبوط
دا بالأسلوب دا يبقى مافيش أمل لازم يغيروا التوكيل
و ربنا يبارك لك فى عملك و يهون عليك غربتك