ساعدونى بسرعة ....عندى مشكلة كبيرة فى الميجان 2

[yalahwy2010]

العربية وهى ماشية بسمع صوت فظيع من تحت رجلى الشمال
ولما بكسر الدريكسيون الصوت بيزيد
أكن حاجة بتحك فى العربية من تحت
دا ممكن يكون ايه؟
وهل أقدر أمشى بيها لغاية ما أروح الحرفيين أصلحها؟؟؟؟؟
ربنا يستر
مستنى ردود الوحوش

[abasse]

مش عارف والله بس أن شاء الله بسيطة

[abasse]

هو من تحت رجللك ولا من تحت المتور وهل أنت فرملت جامد أو اخت مطب

[rompo10]

ارفع العربيه الاول ياباشا وانزل تحتها بنفسك وشوف في حاجه سايبه ولا ايه

[rompo10]

شوف ياباشا تصفيحه الماتور يمكن تكون سايبه لانها كانت عندي وكان في ميكانيكي هايدخلني في 3000 جنيه وطله المسمار سايب

[blazer]

ممكن او غالبا
الكارتيره بتاعه العجله سابت
او التصفيح فعلا وقع
اطلع على مطب بالكاةتش الامامى بس وانزل شوف ايه الموجود

[kogak1987]

ممكن الصوت لما بتكسر و الرعشة دي بتكون كوبلن والله اعلم

[yalahwy2010]

الصوت والعربية ماشية على خط مستقيم مافيش اى صوت...او صوت ضعيف
اول ما ألف الدريكسيون بس لفة صغيرة الصوت بيبقى مش طبيعى
بس العربية ماكالتش مطب ولا أى حاجة خالص
فجأة كدة لوحدها :(

[hakeemkimo]

شوف الصاجة اللى ورا الطنابير ممكن تكون اتعوجت فتحك فى بارات الاسكترا وانت بتكسر
وممكن تكون مشكلة نقص فى زيت البور بتاع الدركسيون

[abasse]

شوف الصاجة اللى ورا الطنابير ممكن تكون اتعوجت فتحك فى بارات الاسكترا وانت بتكسر
وممكن تكون مشكلة نقص فى زيت البور بتاع الدركسيون

البور كهربة

[yalahwy2010]

المشكلة طلعت ان البطاحة اللى ماسكة المساعد فكت من المساعد......فا العربية المساعد ماكانش شايلها .....الياي هو اللى كان شايل العربية
والصوت اللى كان بيطلع نتيجة خبط راس المساعد فى المكان اللى بيبقى راكب فيه البطاحة
المشكلة اتصلحت وللأسف طلعتلى مشكلة تانىة .....شيك جير بوكس والنقلة من الاول للتانى بتييجى متأخر خالص
ولمبة ال abs نورت