صرف الميجان سيدان 1.6

[ugaritian]

السلام عليكم و رحمة الله و بركاته و كل عام و انتو بخير.

اشتريت العربية 2008 ماشية 25 الف كيلو و عملت لها صيانة 20 الف في التوكيل غيرت فلتر زيت و بنزين و فلتر هوا و تكييف و بوجيهات.

المهم يا جماعة الخير متوسط الصرف حسب كومبيوتر العربية يتراوح بين 14 و 15 ليتر للمية كيلو و على. حساباتي العربية بتمشي اقل من 500 كيلو من خزان فول إلى حين انذار البنزين. علما اني اسوق داخل المدينة و ليس علي الطرقات السريعة.

ارجو ان تشاركوني بمتوسط الصرف ليتر/ 100 كم حسب الكومبيوتر و ان امكن معرفة عدد الكيلومترات التي تقطع من وضع الفول إلى وضع الانذار

[Hany Saad]

أعتقد الإستهلاك كده عالى شوية.....الطبيعى للميجان حوالى 6.8 لتر / 100 كم لو حضرتك ماشى على سرعة 100كم / ساعة...و داخل المدينة فى الدورة المختلطة بتفرق من شخص لأخر و من طريق لأخر....متوسط من 9.5 إلى 12.5 لتر / 100 كم...

إذا كان حضرتك سواقتك كلها داخل المدينة و السكة دايما واقفة (بنتكلم فى أول و تانى على طول) و التكييف شغال يبقى ممكن المتوسط اللى حضرتك كاتبه يكون عادى...أما لو فيه حتت فيها جرى و مفتوحه و الباقى داخل المدينة يبقى هذا المتوسط مرتفع شوية........

[hamata]

الاستهلاك بيفرق حسب متوسط السرعة, كلما زاد متوسط السرعة قل استهلاك البنزين

[diabloegypt1]

أعتقد الإستهلاك كده عالى شوية.....الطبيعى للميجان حوالى 6.8 لتر / 100 كم لو حضرتك ماشى على سرعة 100كم / ساعة...و داخل المدينة فى الدورة المختلطة بتفرق من شخص لأخر و من طريق لأخر....متوسط من 9.5 إلى 12.5 لتر / 100 كم...

إذا كان حضرتك سواقتك كلها داخل المدينة و السكة دايما واقفة (بنتكلم فى أول و تانى على طول) و التكييف شغال يبقى ممكن المتوسط اللى حضرتك كاتبه يكون عادى...أما لو فيه حتت فيها جرى و مفتوحه و الباقى داخل المدينة يبقى هذا المتوسط مرتفع شوية........

+11111

[ugaritian]

انا مقتنع تماما بكلام الاخ ميجيبوي، ساحاول ان اجرب العربية في ظروف أخرى خارج المدينة او بدون تكييف.

[ugaritian]

جربت العربية مسافة 10 كم داخل المدينة بدون تكييف و بالراحة على الدواسة و كان معدل الصرف 8-9 ل/ 100كم
جربت نفس المسافة بدون تكييف مع دوس طبيعي إلى قاسي و كان معدل الصرف 10-11 ل/ 100كم
و جربت نفس المسافة مع التكييف و دوس طبيعي و وصل المصروف الى 16 ل/100كم

الخلاصة يبدو ان التكييف يزيد الاستهلاك بنسبة تتراوح بين 30 إلى 40 %فهل هذا طبيعي.

[Hany Saad]

10 كم تعتبر مسافة بسيطة نسبيا للحكم على متوسط الإستهلاك.....
30 إلى 40 % زيادة نتيجة تشغيل التكييف تعتبر عالية طبعا...
ممكن أدى حضرتك بعض المتوسطات الإسترشادية...طبعا هأرجع و أقول الموضوع نسبى جدا...
و انا ماشى على 100 كم و التكييف شغال..المتوسط حوالى 6.8 لتر/ 100 كم...بدون تكييف الموضوع بيفرق حاجة لا تذكر...حوالى 6.5 بدلا من 6.8
العربية على الغيار الأول لو بتقرص بيكون الإستهلاك 18.5 لتر/ 100 كم لو رجلك خفيفة بيكون حوالى 14.5....التانى بيبقى حوالى 12.5....التالت بيبقى من 8 إلى 9 و الرابع بيبقى 6.8 تقريبا.....

مع تشغييل التكييف هذه المتوسطات بتفرق حاجات بسيطة...مش 30 أو 40 % أبدا...

طبعا متوسط سواقتك على غيار معين بيفرق فى المتوسط النهائى....يعنى لو الغالبية على التالت و الرابع بيطلع المتوسط النهائى قليل جدا...أما لو كان الغالبية على الأول و التانى يعنى 18.5 و 12.5 بيطلع المتوسط حوالى 15 إلى 16 زى حالة حضرتك...

أرجو إنى أكون وضحت الصورة شوية و ما كونش لخبطتك أكتر......

[ugaritian]

بالعكس الصورة اوضح بكثير، شكرا جزيلا لك، كل الحكاية ان السيارة محتاجة اني افهمها و اشكرك على مساعدتي في ذلك.

[Hany Saad]

بالعكس الصورة اوضح بكثير، شكرا جزيلا لك، كل الحكاية ان السيارة محتاجة اني افهمها و اشكرك على مساعدتي في ذلك.

أنا تحت أمرك فى أى شىء....فعلا العربية دى لما هتفهمها هتحبها جدا زى كده و هتعرف أد إيه العربية دى محترمة....
كل سنة و حضرتك طيب....