هذا السؤال للى بيفهموا فى الرينو فقط

[mero5005]

يا جماعه انا واحد مصرى معايا 70 الف وممكن ازودهم ل 75 الف بالعافيه ونفى اجيب عربيه نضيفه
(مع الاحترام للفيرنا والانوس) انا لما شوفت اعلان الوجان عجبتنى اوى وخصوصا انها 1600 بس مش عارف الناس هنا معترضه على سعرها ليه؟؟؟ الفول اوبشن بتاعها ب75الف على فكره (بصوا على تمن الشاهين ال1600 بقى كام!!!) على الاقل دى رينو بس انا لى سؤال والله يرضى عليكم اللى يرد يرد عن خبره هل قطع غيار اللوجان او الرينو بصفه عامه غاليه لدرجه مواطن متوسط المستوى ميقدرش عليها وتعقده لدرجه يفكر يبيعها( احسن انا سمعت كلام فظيع عن قطع غيار الكليو) ولا لا ؟؟؟
الله يرضى عليكم فيدونى

[farahat]

شوف يا سيدي الفاضل الرينو زي أي عربية أوربي عمر قطع غيرها طويل في العادة (أكيد مش زي صفوة الألماني مثلاً لكن برد معمرة ) ، وبالتالي العربية هتعد أول كام سنة مش هتستهلك أكتر من الصيانة الدورية خصوصاً كمان لو حضرتك استعمالك مش ناشف على العربية ،
يعني كل إلي هتحتاجه العربية حوالي ٦٠٠-٧٠٠ جنيه كل ١٠ آلاف كيلو لزوم الزيت والفلاتر والبوجيهات و تيل الفرامل و كدة
بعد الفترة دي بقى هتبتدي العربية في الاستهلاك الطبيعي يعني كوتش و عفشة و بتاع و دي اسعارها مشية على كل العربيات واحد ملهاش دعوة benoo3 معين (يعني المساعدين مثلاً سعرها واحد لو هتجيب مونرو مثلاً أو حتى لو نوع تاني الاسعار قريبة من بعض لأن برده مساعدين أوربي في الأخر ) كذلك الجلب والمقصات مش هتفرق كتير عن العربيات الأروبي زي البيجو والفيات حتى (الأصلي الإيطالي طبعاً )
دي المصاريف العادية إلي محتاجها أي واحد سايق عربية طبيعي سوقة هادية من غير ما يبهدل في العربية .

نيجي بقى للحاجات الغير متوقعة زي الخبطات لا قدر الله أو المفاجأت الغير سعيدة (يعني الحاجات إلي بتحتاج بقى فوانيس و رفارف و إكصدامات أو مشاكل في الموتور أو التكيف مثلاً ) ، هنا بقى بيبان شوية فرق بين العربية والتانية يعني دي إلي بتختلف فعلاً من موديل حتى للتاني مش بس من ماركة للتانية ،و عموماً الحاجات دي بقت اسعارها في الأروبي زي الكوري الحديث و ساعات أقل و ساعات أكتر بس متقاربين (لأن التكنولوجية بقت قريبة من بعضها مش زي زمان )

بس أنا رايي في الحالة بتاعة اللوجان الموضوع أحسن شوية في حالة الفوانيس والرفارف وال حاجات إلي زي كدة ليييييييه .. عشان دي تجميع روماني و مغربي و برازيلي و بتاع يعني دول عالم تالت و في حالة التجميع الحاجات البسيطة دي بتنتجها الدول إلي بتجمع (زي مصر كدة لما بتجمع ) ، بمعنى أوضح هتلاقي الحاجات دي سعرها معقول مش غالية أوي .

يتبقى حاجات الميكانيكا الأساسية زي الموتور والفتيس والتكيف و ما إلى ذلك و دي بقى الحاجات إلي مبينتجهاش غير ناس معينة (أصحاب الماركة نفسها ) عشان كدة دي بتبقى غالية أوي يعني أكيد حاجات موتور رينو مش زي حاجات موتور هيونداي أو دايو بس في المقابل الحاجات دي بتعيش أطول و بتدي أداء أحسن كتير من مثيلتها الرخيصة (و دي الحاجة إلي بتخلينا نقول أنا عايز أوربي أو أنا عايز ألماني أو أنا عايز ياباني ) ، يعني من الاخر تعمل ميزانية للحاجات دي من بعد عمرها الإفتراضي (يعني بعد ٥-٦ سنين ) حوالي مثلاً ١٥٠٠-٢٥٠٠ سنوياً و برضه طبعاً حسب استهلاكك للعربية .

أنا حاولت أكون موضوعي في رأي و بعيد عن الأراء الشخصية و بعيداً عن حبي أو كرهي للرينو ، و اتمنى أكون أفدتك برايي المتواضع ، و إن شاء الله تتوفق للخير

[Chicco]

^^^^^
+1
فرحات باشا أوجزت فاوفيت ....أوافقك تماما :)

[farahat]

^^^^^
+1
فرحات باشا أوجزت فاوفيت ....أوافقك تماما :)

تشكر يا شيكو باشا :)

انما التوقيع بتاعك الجديد ده جامد أوي :D

[Chicco]

الله يخلي حضرتك ....حادور على حاجة للرينو في توقيعي القادم إن شاء الله ;):):)

[momo10000]

اوافق استاذ فرحات تماما .....بالاضافة الي بوليصة تامين شاملة لراحة البال ...

وشكرا

[farahat]

الله يخلي حضرتك ....حادور على حاجة للرينو في توقيعي القادم إن شاء الله ;):):)

أهو كدة الكلام ، كدة التوقيع بقى francaise خااالص :D :D

[عمرو عمارة]

يا جماعه انا واحد مصرى معايا 70 الف وممكن ازودهم ل 75 الف بالعافيه ونفى اجيب عربيه نضيفه
(مع الاحترام للفيرنا والانوس) انا لما شوفت اعلان الوجان عجبتنى اوى وخصوصا انها 1600 بس مش عارف الناس هنا معترضه على سعرها ليه؟؟؟ الفول اوبشن بتاعها ب75الف على فكره (بصوا على تمن الشاهين ال1600 بقى كام!!!) على الاقل دى رينو بس انا لى سؤال والله يرضى عليكم اللى يرد يرد عن خبره هل قطع غيار اللوجان او الرينو بصفه عامه غاليه لدرجه مواطن متوسط المستوى ميقدرش عليها وتعقده لدرجه يفكر يبيعها( احسن انا سمعت كلام فظيع عن قطع غيار الكليو) ولا لا ؟؟؟
الله يرضى عليكم فيدونى

السلام عليكم

طبعا أي عربية زيرو مش هتصرف عليها قبل سنتين تلاتة غير الصيانة العادية للاستهلاك ( بوجيهات - فلاتر وهكذا) ودول تقريبا اسعرهم متقاربة مع أي عربية جديدة هتشتريها
بالنسبة للـلوجان....هي مش وهمية أوي ذي ما صورتها موجودة في الاعلان...لازم تشوفها على طبيعتها وتقرر...بالنسبة لقطع الغيار( اه قطع غيار الرينو غالية)... لازم تسأل عليها الاول وشوف هتبقى مناسبة لدخلك خصوصا ان انت بتقارنها بفيرنا ولانوس الي بتتصلح عند اي ميكانيكي ومش زي الرينو الي لازم تروح بيها التوكيل...كل دة لازم تعمل حسابه
انا معاية كليو وما شاء الله زي الفل عشان انا قادر اصرف عليها وانت أول حاجة خايف منها غلو قطع الغيار....هي قاعدة عامة عربية نظيفة = قطع غيار غالية +الالتزام بمواعيد الصيانات الدورية
وطبعا مش شرط ان اللوجان عشان تجميع روماني يبقى قطع غيارها رخيصة....ما هي الكليو والميجان الي القلق كله عليها تجميع تركي وبرده قطع غيارها غالية لانها مجرد بتجمع في تركية ومعظم قطع غيارها الاصلية فرنساوى او اوروبي وحتى بعض قطع غيارها التركي الاصلي غالية

هي دي مشكلة الرينو عامة...مش العربية!!..لأ...بعض الي اشتروها ماقدرش يصرف عليها ( أو مستخسر يصرف عليها ) فطلعوا عليها سمعة وحشة

نصيحة اخيرة خليك في الحلال وبلاش تعمل بوليصة تأمين

عمرو عمارة

[momo10000]

"من افتي بغير علم" يا استاذ عمرو ...ياريت ترجع لذو العلم قبل ما تقوا كدة

شكرا

[أبو عبدالله]

السلام عليكم

طبعا أي عربية زيرو مش هتصرف عليها قبل سنتين تلاتة غير الصيانة العادية للاستهلاك ( بوجيهات - فلاتر وهكذا) ودول تقريبا اسعرهم متقاربة مع أي عربية جديدة هتشتريها
بالنسبة للـلوجان....هي مش وهمية أوي ذي ما صورتها موجودة في الاعلان...لازم تشوفها على طبيعتها وتقرر...بالنسبة لقطع الغيار( اه قطع غيار الرينو غالية)... لازم تسأل عليها الاول وشوف هتبقى مناسبة لدخلك خصوصا ان انت بتقارنها بفيرنا ولانوس الي بتتصلح عند اي ميكانيكي ومش زي الرينو الي لازم تروح بيها التوكيل...كل دة لازم تعمل حسابه
انا معاية كليو وما شاء الله زي الفل عشان انا قادر اصرف عليها وانت أول حاجة خايف منها غلو قطع الغيار....هي قاعدة عامة عربية نظيفة = قطع غيار غالية +الالتزام بمواعيد الصيانات الدورية
وطبعا مش شرط ان اللوجان عشان تجميع روماني يبقى قطع غيارها رخيصة....ما هي الكليو والميجان الي القلق كله عليها تجميع تركي وبرده قطع غيارها غالية لانها مجرد بتجمع في تركية ومعظم قطع غيارها الاصلية فرنساوى او اوروبي وحتى بعض قطع غيارها التركي الاصلي غالية

هي دي مشكلة الرينو عامة...مش العربية!!..لأ...بعض الي اشتروها ماقدرش يصرف عليها ( أو مستخسر يصرف عليها ) فطلعوا عليها سمعة وحشة

نصيحة اخيرة خليك في الحلال وبلاش تعمل بوليصة تأمين

عمرو عمارة

الأستاذ عمر اوفى بصراحه

وبعدين يا اخي السائل
هو لم يفتي من تلقاء نفسه او من علمه الخاص

وانما ده راي جمهور اهل العلم وليس راي او وجهة نظر شخصيه وانت حر في النهاية ولا تلومن الا نفسك
ولكن وجب علينا التنبيه والانكار لما نعرفه
مش اكتر ولا اقل

[عمرو عمارة]

"من افتي بغير علم" يا استاذ عمرو ...ياريت ترجع لذو العلم قبل ما تقوا كدة

شكرا

السلام عليكم

انت زعلت كده ليه يا باشا وهجمت عليا باني بافتي من غير علم (هو انا مفتي ولا شيخ؟؟؟؟:D) انا مجرد بنقلك الفتوى كاخ ليه عشان انصحك....ويا سيدي عايز تتأكد بنفسك ابحث في أي موقع بحث(google مثلا) عن مشروعية التأمين هل حلال أم حرام

التأمين حرام بجميع أنواعه وقد أفتى أكثر العلماء بالتحريم من أمثال الشيخ عبد العزيز بن باز والعثيمين والألباني رحمه الله بذلك، وإذا كان أجباري، فتأخذ أقل الضررين، ولا تستفيد منه إلا بقدر ما دفعت.

مثال: هناك تأمين اختياري وتأمين أجباري .. الأختياري هو التأمين الشامل، والأجباري هو التأمين ضد الغير.

فتأخذ تأمين ضد الغير، ولا تستفيد منه، فمثلاً إذا عملت حادث فشركة التأمين تصلح سيارة المتضرر، فتحاول أن لا تستفيد منها إلا بقدر ما دفعته

عمرو عمارة

[momo10000]

يا صديقي كلمة خليك في الحلال كان وقعها عليا صعب جدا ....
المهم اختصرلك مشوار طويل جدا جدا جدا
دي نمرة الدكتور نصر فريد واصل ( كل عربي مسلم يعرف الاسم دة يعني اية)

0222725025

تقدر تتصل بعد صلاة العشاء وتسفتسر بنفسك يا صديقي

ويا باشا انا سعيد بردك المحترم

شكرا

[Migo123]

طيب هو انت سألته ؟؟
ولو كنت سألته
طيب ما تنقل لنا رأيه
وجزاك الله خيرا

[Hassanelrafe]

توكل علي الله مش ها تندم !!

الأخ ميرو

توكل علي الله عشان عشاق رينو يزيدو
اخونا فرحات - قال كل حاجه ممكن تتقال

مبروك مقدما اوعدك انك هاتبعت تشكرنا قريبا لما تعرف انك اخترت عربيه محترمه

اخوك حسن الرافعي