ميجان 2005 / 2006

[roma_romio2000]

مساء الخير على احلى منتدى فى الدنيا ........ واحب اقولكم كول سنه وانتم طيبين و بالف خير وسلامه ورمضان كريم

يا جماعه انا عاوز رايكم و مساعدتكم انا كنت بفكر اجيب برتون جين 2 وبصراحه بعد ما عملت كل الاجراءت رجعت فى كلامى لانى كنت قلقان منها. المهم انا معجب جدا بالميجان وانا عاوز اجيبها مستعمله فى حدود 55000 واخرى 60000 و عاوزكم تفدونى.

المهم ان فى واحد صحبى قلقنى منها عشان الصيانه بتاعتها... بس هيا عجبانى وانا قولت اسال اهل الخبره وعاوز مشورتكم و اعمل ايه وانا بشتريها واحسن مكان اجيبها منه فين ولا انزل السوق والكلام ده. وطبعا عاوز رايكم فى الوكيل بتعها. معلومه انا دى هتبقى اول مره اشترى فيها عربيه ومش ناوى ابيعها قبل 5 او 7 سنين ويمكن اكتر انشاء الله.


وشكرا ليكم جدا جدا

[roma_romio2000]

ايه يا جماعه مافيش حد هنا يقولى وجه نظرو ولا ايه


حد يفدنى يا رجاله

[shawkylotfy]

نصيحة لوجة اللة ابعد عن الميجان انا معايا عربيتى من 4 شهور ومطلعا عينى ونفسى ابيع

[yalahwy2010]

انا شابف ان الموضوع قرف
لو وقعت على عربية حلوة ....هتتبسط منها جدا
انا معايا العربية بقالها 3 سنين والحمد لله شبلانى ومستحملانى

[scraper2012]

العربية ممتازة , بس لازم تجرب فيها كل حاجة قبل ما تشتري لازم تكشف عليها كويس,

أي عربية مستعملة لازم تلاقي فيها مشاكل, بس مشاكل عن مشاكل تفرق



انا معجب جداً بعربيتي ولله الحمد

[roma_romio2000]

الف شكر يا رجاله ..... انا فعلا معجب بالميجان وعاوز اجيبها بس كنت عاوز اعرف برضوا هيا بتعمل كام مستعمله انا انشاء الله هجيبها موديل 2005 او 2006 وياريت لو تقولولى الفرق بينهم ايه

[yalahwy2010]

لو 2005 ومش بانوراما تعملها من 55000 الى 60000
لو بانوراما تزيد من 3000 الى 4000
لو 2006 من 60000 الى 65000 ....وحسب الحالة والكشف
بس عموما هى ماتنزلش عن 55000 لو حالتها كويسة
ولازم تتأكد من الكيلوات فى توكيل المقطم
والصيانات بتاعتها....وحالتها من الشكل الخارجى .الصالون وكدة.....والتقرير اللى بيتعمل فى التوكيل..مهم جدا
وبالتوفيق

[amr_elbazz]

ولازم تتأكد من الكيلوات فى توكيل المقطم
والصيانات بتاعتها....وحالتها من الشكل الخارجى .الصالون وكدة.....والتقرير اللى بيتعمل فى التوكيل..مهم جدا
وبالتوفيق

+1111111111
الميجان لو سليمة ومعمول لها صيانتها صح وفى موعيدها ويا ريت لو ماشية كيلو متر قليل قدر الامكان هتستمتع بيها جدا جدا عربية شيك واوبشن عالى وهتستفيد من سعرها الى هو اقل من قيمتها الفعلية
بس لو مش سليمة او متهانة هتتعب معاها كتير و هتكرة العربية بجد
وبالتوفيق انشاء الله

[amr_elbazz]

نصيحة لوجة الله ابعد عن الميجان انا معايا عربيتى من 4 شهور ومطلعا عينى ونفسى ابيع

سوال لو سمحت
هو حضرتك كشفت على العربية فى التوكيل قبل ماتشتريها ؟؟؟

[mouraddesk]

الميجان2

عربيات محترمة جدا جدا جدا و لو ركبتها بشرط انها تكون نظيفه عمرك ما هتعرف تركب غيرها و بعدين عندى تعليق على موضوع الصيانة بص يا سيدى الصيانة مش غاليه زى ما انت فاكر لو كنت هتعمل بره التوكيل و قطع الغيار متوفرة و مش غاليه بس الصنايعى اللى بيشتغل و بيفهم فيها قليل و بالنسبة للميكانيكا بتاعتها زى اى عربية انما الكهرباء هى اللى حدوته لازم حد فاهم فيها مش بتوع قص و الزق و ركب كتاوت اما بالنسبة لموضوع كشف التوكيل ده فعلا مطلوب و حكاية الكيلو متر دى كلنا عارفين انه بتلعب فيه و الوحوش هنا رجاله و جدعان زى عمنا ايمن مومو و الجنرال و عبد المقصود و كلهم بيقفوا جنب اى ميجناوى جديد و يطمنوه و يساعدوه فى اى حاجه و الكلام ده عن ثقة و تجربة توكل على الله و هات ميجان و الف مبروك مقدما

[roma_romio2000]

الف شكر يا رجاله بجد انتم 100 / 100 وربنا يخليكم...

بس انا عندى مشكله انا اول مره اجيب عربيه و بصراحه خايف اجيب حاجه وتطلع مش تمام و مش عارف اعمل ايه او اشتريها منين ... لو ممكن نصيحتكم عن احسن مكان اشترى منه ميجان وانا مغمض او على الاقل تكون مضمونه

الف شكر يا رجاله بجد انتم ناس محترمين جدا

[Amr_Moh]

دور على واحد من الوحوش يكون بيبيع عربيته ..