صيانة الكليو

[wiisha]

لسه جايب كليو و كنت عايز اعملها صيانه كامله من مجاميعو تغير سيور و زيوت و فلاتير و بوجيهات

كنت عايز اعمل الكلام ده كله فى اى وكيل معتمد او التوكيل بتعها تنصحونى بأيه

مع العلم ان فى مساعد عايز يتغيير

و بالنسبة لموضوع طرمبة البنزين اعرف منين اذا كانت عايزه تتغير ولا لاء

عايزين تظبيط كامل شامل يعنى يا رجاله و انصحوووونى بقى

[nodey]

شوف الصيانة في التوكيل سعرها هيكون غالي
لو انت من القاهرة روح منطقة صقر قريش هنام متخصصيين بالربنو ومنهم من كان شغال بالتوكيل سابقا زي عادل والقطع عندهم زي الاصلي واكيد مش هتكون غالية زي التوكيل وده رقم عادل بتاع صقر قريش 0101718256
وانتظر راي باقي الاخوة اعضاء المنتدي موفق ان شاء الله

[ramy_gamal]

الف مبروك على العربيه التوكيل غالى جدا جدا شوف ميكانيكى يكون كويس ويكون شغال فى الرينو مش اى حد ...

[gym1974]

الف مبروك على العربية عليك وعلى فرنش موتورز فى جسر السويس هيعملوا كل اللى حضرتك عايزه انا بعمل شغل عربيتى كله هناك

[wiisha]

انا اصلا ساكن فى المعادى
بس القضية انا عايز اروح ارمى العربيه هناك و هما يظبطو كل حاجه و مش عايز اقف على ايد مكانيكى , و مشكله الضمير و الكلام ده
و بالاضافه ان العربية مش مظبوطه و عايزه سرفس و مساعد و ظبط زواية , فأنا عايز اوديها لحد يعمل كل حاجه
( و بالاخص انها عربية اختى , و اكيد هى مش هتعرف تتعامل مع مكنيكى فعايز اوديها مكان اريح دماغى و دماغها )
اما بالنسبة لفرنش انا سمعت ناسش مش بتشكر فيه

انا والله فى قمة الحيرة و عايز اخلص من الصيانه دى عشان اريح دماغى معلش هتعبكو معايا شويه

[wiisha]

و بالنسبة للمكانكيون العرب ايه نظامهم
و فى ناس بتقول زهران
بجد معرفش

[wiisha]

شوف الصيانة في التوكيل سعرها هيكون غالي
لو انت من القاهرة روح منطقة صقر قريش هنام متخصصيين بالربنو ومنهم من كان شغال بالتوكيل سابقا زي عادل والقطع عندهم زي الاصلي واكيد مش هتكون غالية زي التوكيل وده رقم عادل بتاع صقر قريش 0101718256
وانتظر راي باقي الاخوة اعضاء المنتدي موفق ان شاء الله

طب هو بالنسبة لعادل فهو بتاع كله ولا هو مكنيكى بس , يعنى ليف فى العفشة و كده

[nodey]

اعتقد هو ميكانيكي وعنده ناس شغالة معاه ممكن يظبوطوا العفشه واسئله برضوا احسن عند التليفون وجود بالمشاركة
تحياتي