شوية استفسارات عن الميجان

[ragaee]

يا وحووش الرينو و بالذات الميجان، أنا اشتريت عربية ميجان 2008 مستعملة، العربية الفئة التانية عاملة 35000 كيلو وعايز منكم شوية استفسارات:
أولاً، منين أعرف (مبدأياً) ان العربية مش ماشية أكتر من الكيلو متر ده و مش ملعوب فى عدادها، أنا بمعلواتى البسيطة قلت أبص على الجنوط و فعلا شكلها مش مستهلك فهل ده دليل؟
ثانياً، العربية مافيهاش سنسور طارات مع ان فى بين العدادات شاشة فيها مؤشرات للأربع عجلات ولما سئلت البائع قالى ان السنسور مش موجود فى الفئة دى و بينزل فى البانوراما بس، فهل الكلام ده مظبوط؟
ثالثا، عايز اجرب سنسور المساحات، قولولى ازاى اشغله اصلا

وشكرا ليكم

[amr_elbazz]

يا اهلا بيك ومبروك عليك الميجان وربنا يحفظهالك
كشف فى التوكيل بس هو الى يقدر يحدد الكيلو متر الفعلى للعربية علشان للاسف فى ناس معندهاش ضمير بتلعب فية والكشف الظاهرى مش مقياس خالص
موضوع السنسور للعجل هى بتكون مجهزة فى الشاشة بس مش راكب وانا معايا بانوراما ومفيهاش بردو .. وبالتوفيق انشاء الله

[ragaee]

شكراً ليك يا عمرو باشا، و ياريت لو حد يتكرم و يقولنا ايه المطلوب أعمله علشان أفعل السنسور ده، يعنى ايه المطلوب تركيبة و فين و بكام :)

[yalahwy2010]

سنسور المساحات .....نزل دراع المساحات لأول وقفة للدراع (ده كدة وضع الأوتوماتيك)
وانزل حط مية على الزجاج الأمامى ....بس املى الزجاج بالمية....المفروض ان المساحات تشتغل لوحدها....وسرعة المساحات بتزيد كل لما المطرة بتزيد....(أوتوماتيك)
وألف مبروك على العربية وربنا يديك خيرها ويكفيك شرها

[ugaritian]

شكراً ليك يا عمرو باشا، و ياريت لو حد يتكرم و يقولنا ايه المطلوب أعمله علشان أفعل السنسور ده، يعنى ايه المطلوب تركيبة و فين و بكام :)

+1 نقطة غاية في الاهمية.

[abasse]

[size=3]
موضوع السنسور للعجل هى بتكون مجهزة فى الشاشة بس مش راكب وانا معايا بانوراما ومفيهاش بردو .. وبالتوفيق ان شاء الله

السنسور فى التوكيل وتقربيا كان عامل 200 وحاجة الواحد حد هنا سأل عليه فى التوكيل بس فى كلام أن متعب شوية وأما تغير الفردة أو تزودها بيحتاج يتظبط تانى

[amr_elbazz]

السنسور فى التوكيل وتقربيا كان عامل 200 وحاجة الواحد حد هنا سأل عليه فى التوكيل بس فى كلام أن متعب شوية وأما تغير الفردة أو تزودها بيحتاج يتظبط تانى

شكرا يا باشا على المعلومة

[Ahmed Selim]

السنسور فى التوكيل وتقربيا كان عامل 200 وحاجة الواحد حد هنا سأل عليه فى التوكيل بس فى كلام أن متعب شوية وأما تغير الفردة أو تزودها بيحتاج يتظبط تانى

أنا مش فاكر السعر بالظبط بس هو هيبقى متعب ساعة ما تعمل tire rotation بس

يعنى لو هتغير الكاوتش أو تزود هواء مش هيأثر عليه.

الحاجة الوحيدة اللى بتأثر عليه هى تغيير مكان الجنط اللى هو راكب عليه.

المعلومات دى من عربية تانية غير الميجان + زكريات عن موضوع للميجان كان عضو عمله.

[wmadkour]

أخى الكريم مبروك عليك ، ربنا يديك خيرها و يكفيك شرها.
بالنسبه للكيلومتر فحتى التوكيل مش هيعرف لأنى حاولت أعرف بس معرفوش، هو يقولك حالة الموتور كام فى الميه و طبعاً لو فوق ال 80% تبقى حالتها كويسه.
بالنسبه لسنسور العجل اللى تقريباً 90% من العربيات فى العالم مافيهاش، فهو طبعاً أوبشن ظريف و لكن مشاكله كتير حسب ما أنا سمعت و إنت كمان فى مصر فمفيش مانع أنك تبقى من الاغلبيه اللى بتشيك على العجل كل شهر .
و إسأل تانى علشان نستفيد من الخبرات :)
تحياتى لك