التقرير الخاص بمأساة شراء ميجان 2

[DReaMaKeR]

تصدق فكرتني إني اول ماتور سقطه رخصتوا في 5 أيام.... لاء وكنت زعلااااااااااااااااااااااان

ايه يااااااعم ده.... الف الف الف حمدلله على السلامه...

وإيه حوار الرشوة ده صحيح؟؟ هم لسه في المرور بيخدوا فلوس بعد الثورة؟؟! اللهم اني صايم

[shawkylotfy]

مبروك وحسبى اللة ونعم الوكيل فى كل واحد يغش الناس فى اى بيعة وبجد انت عندك طولت بال انا لو مكانك كنت ولعت فى العربية عند الميكانين العرب دول

[mohamed1979]

الف مبروك و الحمد لله ان الموضوع خلص على خير

و فعلا الواحد فى المستعمل لازم يخلى باله اوووووووووى
لان الضمير و الحمد لله خلاص خلص من الناس

[madawbs]

الاول حمد لله علي الترخيص ثانيا انا كنت عاوز اقولك ان الموقف ده حصلي قبل كده اشتريت عربيه ووانا بانقل ملكيتها لقيت الموتور بنمره مختلفه كلمت صاحبها الاولاني قاللي انا ماغيرتش حاجه يمكن صاحبها الي قبلي ( وهو ماكانش رخص... تاجر يعني) المهم هو والي قبله لاعبوني وحدفوني لبعض لمدة اسبوع رحت نازل علي نقطة شرطة الزمالك وعملتلهم محضر حكيت فيه كل الي حصل بالتفصيل الممل واسمائهم وعناوينهم ورقم بطايقهم وعينك ما تشوف الا النور يامعلم الورق جالي بعد يومين وهما الي كانوا بيجروا ورايا علشان اروح اتنازل عن المحضر حسيت ساعتها ان الواحد ممكن ياخد حقه بس مايعرفش يعمل ايه .... وعلي فكره برضه بتوع حماية المستهلك بيجيبوا نتيجه مع التجار النصابين (مش عربيات طبعا) جابوا نتيجه مره معايا مع تاجر بطاريات كنت واخد منه ACDelco جافه وباظت وهي في الضمان ورفض الاستبدال وقعد يماطل علشان الضمان يخلص بمجرد ما قلتله اني هاكلم جهاز حماية المستهلك وان انا محتفظ بالفاتوره والضمان لقيته نفخ وبص في الارض وقال للولد الي عنده هات بطاريه ٧٠ من جوه ياااااااااااض

معلش ادي الواحد بيتعلم والمره الجايه هاتكون اكثر حذرا بالتاكيد رمضان كريم

[MuhammadAOmar]

الاول حمد لله علي الترخيص ثانيا انا كنت عاوز اقولك ان الموقف ده حصلي قبل كده اشتريت عربيه ووانا بانقل ملكيتها لقيت الموتور بنمره مختلفه كلمت صاحبها الاولاني قاللي انا ماغيرتش حاجه يمكن صاحبها الي قبلي ( وهو ماكانش رخص... تاجر يعني) المهم هو والي قبله لاعبوني وحدفوني لبعض لمدة اسبوع رحت نازل علي نقطة شرطة الزمالك وعملتلهم محضر حكيت فيه كل الي حصل بالتفصيل الممل واسمائهم وعناوينهم ورقم بطايقهم وعينك ما تشوف الا النور يامعلم الورق جالي بعد يومين وهما الي كانوا بيجروا ورايا علشان اروح اتنازل عن المحضر حسيت ساعتها ان الواحد ممكن ياخد حقه بس مايعرفش يعمل ايه .... وعلي فكره برضه بتوع حماية المستهلك بيجيبوا نتيجه مع التجار النصابين (مش عربيات طبعا) جابوا نتيجه مره معايا مع تاجر بطاريات كنت واخد منه acdelco جافه وباظت وهي في الضمان ورفض الاستبدال وقعد يماطل علشان الضمان يخلص بمجرد ما قلتله اني هاكلم جهاز حماية المستهلك وان انا محتفظ بالفاتوره والضمان لقيته نفخ وبص في الارض وقال للولد الي عنده هات بطاريه 70 من جوه ياااااااااااض

معلش ادي الواحد بيتعلم والمره الجايه هاتكون اكثر حذرا بالتاكيد رمضان كريم

والله إنت زي الفل بجد عيب المصريين الكبير جدا انهم مش عارفين حقوقهم فين.. الناس تفضل تقولك ده محدش يعرف ياخد مع فلان حق ولا باطل (استغفر الله العظيم) وهو لو عملتله محضر واحد بس هيكش ويجيب ورا .. ولو كل واحد دور على حقه فعلا مش هيبقى في رشوة ولا نصب ولا كلام من ده عشان ساعتها كل الناس هتخاف تغلط من قبل ماتفكر حتى في الغلط ... :)

وعلى فكرة الموضوع بتاع الرشوة ده ملهوش علاقة برمضان أو بره رمضان الناس دي مسلمين اسما بس ليس إلا بجد كفاية هم عايزين إيه تاني ولا ثورة نافعة ولا رمضان نافع و حالة من انعدام الضمير ل اقصى الحدود ..

[WALEEDELGINADY]

شكراٌ ليكم جميعاٌ على التعاطف ده و اتمنى ان الكل يكون استفاد عشان محدش يوقع فى معدومى الضمير دول ويتسحل السحلة بتاعتى دى

[Mik_t4]

الف مبروك ومبروك عليك العربية يامعلم

[MuhammadAOmar]

شكراٌ ليكم جميعاٌ على التعاطف ده و اتمنى ان الكل يكون استفاد عشان محدش يوقع فى معدومى الضمير دول ويتسحل السحلة بتاعتى دى

على العموم مفيش حاجة في مصر بقت تيجي بالساهل وبجد تعبك ده هيخليك تحب العربية جدا وهي أكيد فترة كانت وحشة وضغط عصبي بس المهم أكتر من ده كله .. حالة العربية كويسة؟؟ .. وهل هي مريحك ولا برده فيه شوية مشاكل المستعمل و هكذا ..

ممنوع استخدام اللون الأحمر في الكتابة حيث أنه مخصص فقط للمداخلات الإدارية والاشرافية، تم تغيير لون الكتابة.

يرجى مراجعة قواعد المنتدى

مشرف الساحة
٣آ

[yascro]

حصل معايا الفيلم ده ف عربيه هيونداى كوبيه وشفلت الويل

[MuhammadAOmar]

حصل معايا الفيلم ده ف عربيه هيونداى كوبيه وشفلت الويل

نفس الاحداث بالضبط؟

[WALEEDELGINADY]

والله مش قادر أحدد مشاعرى بالظبط تجاه العربية لسة
ومن ساعة ما جيبتها غيرت فيها شوية حاجات وهى
- بطارية
-جوز كاوتش
-لمبة الإيرباج نورت و بعد الكشف عرفت إن شريط الإيرباج بايظ وعايز يتغير و تمنه ب 2000 جنيه حسب كلام مهندس فى التوكيل و الاستيراد بتاعه مش بيطول و غالى فقررت أنى افصل اللمبة بتاعته ولو مؤقتالإ لحد ما أقرر هاعمل ايه
-بوجيهات
-صلحت الفوج لايت لان الباشا كان حاططهملى منظر و ماكنش فيهم لمبات أصلا
-اشتريت الفيبرات اللى بيكونوا مغطيين الداير بتاع حوض الموتور لأن دول مانزلوش فى مو 2008
ف العربية أنا صرفت عليها حبة حلويين غير المشاوير طبعا بس أتمنى انى احبها قريب و مايطلعش فيها مفاجأت تانية تبهدلنى و انا عامل بيها أكتر من 6500 كم لحد دلوقتى

[helper]

انا دمي اتحرق يا راجل
بس على فكرة انت ربنا خلص منك زنوب في الدنيا اكيد

[yousef1978]

ألف حمدا لله على سلامتك

ربنا يخلف عليك التعب ده كله والعربية تريحك وتطلع ممتازة وترتاحلها

حصل موقف مع أخي الأكبر مني إنه اشترى أغذية منتهية الصلاحية من سوبر ماركت

أخويا من غير ما يلاحظ فتح وأكل منها وحصله تسمم خفيف

بعد ما خف راح بحسن نية يعاتب صاحب السوبر ماركت راح الراجل بكل قلة أدب دفعة بإيده ووقعه في الشارع ومن غير أي مقدمات وزعق فيه وكأن أخي هو اللي غلطان

راح أخي بكل هدوء عمله محضر في قسم الشرطة بالتعدي وبأن عنده أغذية منتهية الصلاحية بيبيعها

الراجل مجرد ما دخل في القضية ولقي نفسه في النيابة بدأ يتصل بأخي ليل نهار ويترجاه إن بيته هيتخرب وإن عنده عيال ولو عاوز تعويض يديله ولو عاوز يبوس على راسه ييجي يبوس على راسه في بيته وقدام الناس كلها

وفضل على هذا الحال ويتصل بجميع أهلي وياخد تليفون ده من ده ويكلم كل واحد فيهم علشان يتوسط لأخويا

لغاية ما أخي قلبه حن وفي النهاية راح بنفسه واتنازل عن المحضر في النيابة وما رضيش ياخد حاجة منه طبعا


الكلام ده كان قبل الثورة

على فكرة للأسف فيه بعض الناس ما بينفعش معاها الكلام بالذوق والأدب والترجي لأنهم بيوصلوا لمرحلة يفتكروا فيها إنهم على حق وإن احنا ولا مؤاخذة بنشحت منهم مصالحنا

لكن لما يبقى الموضوع رسمي بيبان كل واحد حقه فين وبيتعلموا الأدب

وقديما قالوا إن الله يزع بالسلطان ما لا يزع بالقرآن

فإحنا لازم نعمل اللي علينا ونتعب شوية ونمشي قانوني وما نخافش لأن الشخص اللي غلطان هيخاف اكتر مننا ولو اشتكينا وبهدلناه شوية هنحفظ حق باقي الناس اللي ممكن تتعامل معاه في المستقبل

تحياتي للجميع

[hamido46]

الحمدالله على كل شئ و إن الموضوع عدا ،،،و اتمنى انك إتستمع بالعربية و ربنا يبركلك فيها و شريط الايربج فه أكيد حد من أعضاء عند حل ؛)

[hugan]

الدكتور او الشخص اللي باع لك العربيه اسمه ايه