مركز صيانة العامرية،، يعني إيه توكيل

[Ossamaaly]

أنا لسة شاري كليو 2008 وماشية 48000، قولت أبدأ معاها صح وأروح التوكيل


أول حاجة قعدت أتصل أكتر من 6 مرات بالرقم الأرضي إن حد يرد أبدا


أنا بس كنت ععايز أعرف المكان فين بالضبط ولو في حجز ولا لأ


المهم عرفت أوصل ودخلت علي إستقبال الصيانة وطلبت عمل صيانة الخمسين وقولت علي مشكلتين مضياقني جدا من العربية


الأولي إن العربية بعد أي مشوار طويل وأبدأ اخش في الزحمة ألاقي الموتور يقوم يبطل، وإنها تدور تاني أبداً.. عاملة زي ماتكون شرقانة


الحاجة التانية إن دواسة البنزين بتعلق ومبترجعش ويفضل rpm عالي جدا لنا بأمور العربية


شوية وجالي شخص محترم من الصيانة وقالي إن كاوتشة الشكمان محتاجة تتغير وثمنها 176 ج من غير المصنعية،، حسيت إنه كتيير فقلت له بلاش المرة دي


شوية وإسم صاحب السيارة إللي قبلي إتندا وقمت دفعت المطلوب وسألت عن المشكلتين قالي كله تمام وتم تنظيف الثروتل فقط وكله تمام


أخد العربية حوالي الثانية والنصف وأنا مبسوط من مستوى الخدمة وأول ما حاولت أجيب التالت وبامور العربية لقيت rpm ضرب فوق ال5000 .... أول مقلب

عديت علي محل شكمانات وغيرت الكاوتشة، عارفين بكام ............ 10 جنيه فقط لاغير

لسة راجع دلوقتي من محطة الرمل، وكان معايا مراتي والأولاد والعربية عملت معايا أحلى مقلب وحلفت 100 يمين ما هي دايرة

أنا مش زعلان غير من نفسي لأني توقعت إن في أمل في أي مكان في مصر

للأسف ممكن تروح أكبر مستشفى أو لشهر دكتور وتدفع مبالغ محترمة بس إوعى تتوقع إنك تلاقي مقابل ماتدفعه لسبب بسيط جدا



إنك في مصر

[SoFiMaN]

التوكيل في العامرية محترمين جداً فبصراحة مستغرب .. بس عموما متسبش حقك و روحلهم هو تقريبا اللي ماسك الورشة دلوقتي مهندس سيد فهمه اللي حصل و انك مش راضي عن اللي حصل لأنك مكنتش متوقع كده من رينو.

[M.Alaa92]

ولا تزعل نفسك شكوى ل رينو مصر eim و المسؤول عن اللى حصل يتجازى لو مفيش رد
عليك و ميل محترم ل رينو فرنسا و ظبط التوكيل ف الشكوى و الفرع ده خصوصا و ان شاء اللله حقك يرجعلك و معاه اعتذار كمان

[shawkylotfy]

انا روحت العامرية قيل كدة وفعلا ناس زبالة عايزيين يركبوا قطع غيار بجشع وخلاص

[ramy_gamal]

مشكلة الدوارة كانت عندى وغيرت سبيد سينسور ومن ساعتها محصلتش تانى

[MOUSTAFA_SAAD]

ابعت شكوى

[Hany Saad]

أنا لسة شاري كليو 2008 وماشية 48000، قولت أبدأ معاها صح وأروح التوكيل


أول حاجة قعدت أتصل أكتر من 6 مرات بالرقم الأرضي إن حد يرد أبدا


أنا بس كنت ععايز أعرف المكان فين بالضبط ولو في حجز ولا لأ


المهم عرفت أوصل ودخلت علي إستقبال الصيانة وطلبت عمل صيانة الخمسين وقولت علي مشكلتين مضياقني جدا من العربية


الأولي إن العربية بعد أي مشوار طويل وأبدأ اخش في الزحمة ألاقي الموتور يقوم يبطل، وإنها تدور تاني أبداً.. عاملة زي ماتكون شرقانة


الحاجة التانية إن دواسة البنزين بتعلق ومبترجعش ويفضل rpm عالي جدا لنا بأمور العربية


شوية وجالي شخص محترم من الصيانة وقالي إن كاوتشة الشكمان محتاجة تتغير وثمنها 176 ج من غير المصنعية،، حسيت إنه كتيير فقلت له بلاش المرة دي


شوية وإسم صاحب السيارة إللي قبلي إتندا وقمت دفعت المطلوب وسألت عن المشكلتين قالي كله تمام وتم تنظيف الثروتل فقط وكله تمام


أخد العربية حوالي الثانية والنصف وأنا مبسوط من مستوى الخدمة وأول ما حاولت أجيب التالت وبامور العربية لقيت rpm ضرب فوق ال5000 .... أول مقلب

عديت علي محل شكمانات وغيرت الكاوتشة، عارفين بكام ............ 10 جنيه فقط لاغير

لسة راجع دلوقتي من محطة الرمل، وكان معايا مراتي والأولاد والعربية عملت معايا أحلى مقلب وحلفت 100 يمين ما هي دايرة

أنا مش زعلان غير من نفسي لأني توقعت إن في أمل في أي مكان في مصر

للأسف ممكن تروح أكبر مستشفى أو لشهر دكتور وتدفع مبالغ محترمة بس إوعى تتوقع إنك تلاقي مقابل ماتدفعه لسبب بسيط جدا



إنك في مصر

أنا بس هتكلم على موضوع الكاوتشة فقط لا غير....و لو إن 176 جنيه طبعا كتير جدا على كاوتشة شكمان.....لكن مش ممكن بأى حال من الأحوال نقارنها بكاوتشة بلدى تمنها 10 جنيه مش هتقعد أكتر من شهرين و تقطع.....فرق شاسع جدا فى الخامة و المقارنة ظالمة.....

على فكرة حضرتك ممكن ترجع لهم تانى و تطلب إن العربية تتصلح صح مرة تانية لأن العيب ظهر مجددا و تأكد إنهم هيصلحوها بدون أى مصاريف....وارد جدا إن العيب ميروحش من أول مرة و ده لا يعيب فى شىء......

[Ossamaaly]

أنا إنهاردة في مركز خدمة العامرية منتظر العربية عشان نفس المشاكل بتاعت الأسبوع اللي فات ما زالت موجودة‘‘‘

أول ماإستلموا العربية عملوا أمر شغل Redo.. حقولكم علي التفاصيل بعد قليل

[Ossamaaly]

جالي المهندس المختص وقالي على الآتي:

- سبيد سنسور محتاج تغيير بالسوكت بتاعه (زي ماقال أ r-gamal)
ب 660 جنيه

- ثروتل بودي 1670 جنيه

- كويل 740 جنيه

+ 500 جنيه مصنعية

بإجمالي 3570 (هو الموتور إستيراد يعمل كام)

+ العربية حتفضل عندهم لتاني يوم

عموما أنا قلت للمهندس بلاش إنهاردة عشان محتاج العربية قالي براحتك

أحلي حاجة فيهم الأدب والذوق في التعامل،، مش عايز أقولكم إنهم غسلوا العربية بالرغم إن الفاتورة كانت Free

[ramy_gamal]

جالي المهندس المختص وقالي على الآتي:

- سبيد سنسور محتاج تغيير بالسوكت بتاعه (زي ماقال أ r-gamal)
ب 660 جنيه
غيرته من سنتين كان ب 150 جنيه بس
- ثروتل بودي 1670 جنيه
مغيرتوش قبل كدة
- كويل 740 جنيه
غيرته شهر 12 اللى فات كان ب 425 جنيه ومصنعيه 25 جنيه بس هل العربيه بتقطع معاك والموتور ملغبط
+ 500 جنيه مصنعية

بإجمالي 3570 (هو الموتور إستيراد يعمل كام)

+ العربية حتفضل عندهم لتاني يوم

عموما أنا قلت للمهندس بلاش إنهاردة عشان محتاج العربية قالي براحتك

أحلي حاجة فيهم الأدب والذوق في التعامل،، مش عايز أقولكم إنهم غسلوا العربية بالرغم إن الفاتورة كانت Free

[Ossamaaly]

شكرا أخي علي تفاعلك مع الموضوع،، بالنسبة للعربية لأ الموتور مش بيقطع ولا حاجة، هي بس تقوم مبطلة ومترضاش تدور إلا لما أسيبها حوالي خمس دقايق،،

لو حضرتك ممكن تقولي فين في الإسكندرية ممكن أعمل الحاجات دي أو على الأقل الضروري منها يبقى كتر خيرك يا باشا...........

[Youssef.Awad]

امر طبيعى وغير مستغرب من توكيل اغرب ما يكون وابعد ما يكون عن ارض الواقع
سمعة سيئة ومعاملة اسوأ واول احساس ينتابك بعد الخروج من اى مركز خدمة انك اتضحك عليك واتسرقت واحترامك لصنايعية الورش الخاصة زااااااااااااااااد بطريقة شنيعة
اوعى تسيب حقك وقدم شكوى لحد اما مشكلتك تتحل
ولو لزم الامر اتبع اسلوب الفضيحة
حصل موقف مع صاحبى فى مركز العبور مع عربيته اللوجان
غير شنطة وزجاج خلفى واترشت تحت بير السلم زبالة واتخانق معاهم ودخلوها مرتين تانيين
بعد ما عرضت المشكلة ع الفيس بوك ومنتدى نايل موتورز
تخيل خدمة عملاء رينو الشرق الاوسط وشمال افريقيا اتصلت بصاحبى واتسجلت الشكوى ووصلت لرينو فرنسا كمان والموضوع كبر
واتصل واحد من رينو مصر وحدد ميعاد صيانة ال10.000 كم وانه يكشف ع العربية
فيه ناس محترمة بطبعها وفيه ناس تانية مش بتيجى غير بقلة الادب
ربنا معاك ومعانا جميعا والله لا يباركلهم فى الفلوس اللى بينهبوها مننا

[albasha]

إنت عرفت مشاكلك فين حاول تشوف ميكانيكي بره وتغيرهم عنده لأن القطع اللي إنت بتتكلم عليها ديه أقل من كده بكتير جداً وياريت يا جماعه لو حد من المنتدي هنا يدله علي ميكانيكي كويس في إسكندريه
والأول غير السبيد سنسور لأن هو السبب في مشكلتك
لكن الثروتل أنا أخر معلومه عندي تنظيفه لكن تغييره لسه ما قابلتهاش مع حد
بالنسبه للكويل كانت عندي نفس المشكله العربيه مبرجله وبتنتش جامد فغيرته أصلي من التوكيل ب 726 جنيه وركبته ( فك أربع مسامير وتركيبهم ) ب 50 جنيه وخدت بقيت حقي تربيط عفشه ةتركيب شداد الموتور
وواضح إن المشكله ديه مش عندك
و حاول بعد كده تعمل زيارات التوكيل علشان تحدد المشاكل بس
في النهايه ربنا معاك

[ramy_gamal]

شكرا أخي علي تفاعلك مع الموضوع،، بالنسبة للعربية لأ الموتور مش بيقطع ولا حاجة، هي بس تقوم مبطلة ومترضاش تدور إلا لما أسيبها حوالي خمس دقايق،،

لو حضرتك ممكن تقولي فين في الإسكندرية ممكن أعمل الحاجات دي أو على الأقل الضروري منها يبقى كتر خيرك يا باشا...........

يا باشا العفو انا معملتش حاجه
انا بتعامل مع واحد فى مدينه الحرفيين تدخل من عند مدخل ال bmw لحد الاخر وبعدين شمال فى يمين تلاقيه على الشمال اسمه حمدى قوله من طرف رامى اللى معاة الكليو البوستاج بس انت هتلاقى عندة ال سبيد سينسور لو عاوز انت تجيبوة عادى خالص هو يركبه لو عاوز اى خدمه وانت عندة رقمى 0123458877

[Ossamaaly]

يا باشا العفو انا معملتش حاجه
انا بتعامل مع واحد فى مدينه الحرفيين تدخل من عند مدخل ال bmw لحد الاخر وبعدين شمال فى يمين تلاقيه على الشمال اسمه حمدى قوله من طرف رامى اللى معاة الكليو البوستاج بس انت هتلاقى عندة ال سبيد سينسور لو عاوز انت تجيبوة عادى خالص هو يركبه لو عاوز اى خدمه وانت عندة رقمى 0123458877

شكرا جزيلا أخي العزيز رامي،، بارك الله فيك أنت وباقي الأخوة الأفاضل الذين تفضلوا بالرد والمشاركة في الموضوع