بفكر اجيب ميجان ...

[mowafy]

السلام عليكم و رحمه الله و بركاته
الى اخصاء الميجان

انا معايا عربية أوبل فيكترا موديل 1997 و كنت بفكر ابيعها و اجيب ميجان 2005 او 2006 البانوراما ...

كنت عايز اعرف رايكم خصوصا ان انا عربيتى مش تعبانى فى حاجة

و الناس كتير مقلقانى من مشاكلها و مشاكل التكييف انه مش اد كده و ضعيف ؟؟؟؟

هو الكلام ده بجد ولا مش مظبوط و انا اهم حاجة التكييف فى الجو ده ....

اجيب الميجان و لا لأ ؟؟؟؟

وشكرا جزيلاً

[mowafy]

ولو سمحتوا لو عايز اكشف على العربية اكشف عليها فين؟؟؟

[Typerr]

انا زيك بالظبط انا ليا ناس حبايبي في التوكيل هروح يكشوفلي عليها وهديهم 100 جنيه بس

[shawkylotfy]

لو حضرتك اهم حاجة عندك التكيف يبقى اكيد بلاش ميجان خالص

[Ahmed Selim]

لو حضرتك اهم حاجة عندك التكيف يبقى اكيد بلاش ميجان خالص

يبقى حضرتك مجربتش تكييف الفيكترا زى اللى مع صاحب الموضوع.


أنا كان معايا فيكترا 97 و بعتها و جبت الميجان زيرو.

بصراحة الميجان حلوة شوية عن الفيكترا فى حاجات و الفيكترا أحلى فى حاجات.

يعنى ثبات......الفيكترا أعلى شوية.
الوسع......الفيكترا أعلى شوية.
كماليات.....الميجان أعلى كتير.
أمان.....الميجان أعلى شوية.
تكييف.....الميجان أعلى شوية فى الطرق السريعة......فى وسط البلد على ما أذكر الأتنين زى بعض.

[shawkylotfy]

اهم حاجة فى التكيف انة يشتغل كويس فى وسط البلد لان بجد الواحد بيولع فى الاشارات الظهر .. انا بتكلم عن تكيف الميجان معرفش الفيكترا اية نظامة .. بس الى انا متاكد منة ان تكيف الميجان مش قد كدة

[amr_elbazz]

اهم حاجة فى التكيف انة يشتغل كويس فى وسط البلد لان بجد الواحد بيولع فى الاشارات الظهر .. انا بتكلم عن تكيف الميجان معرفش الفيكترا اية نظامة .. بس الى انا متاكد منة ان تكيف الميجان مش قد كدة

مهو لو حضرتك عربيتك بيطلع دخان ابيض بكثافة من الشكمان زى انت ما قولت قبل كدة دة معناة ان المتور عندك بقة خفيف واكيد دة لة تاثير كبير على ضعف التكيف عندك والله اعلم

[mowafy]

شكرا جدا للاهتمام ويا ريت يا استاذ احمد تقولى يعنى اكشف على العربيه فين ؟
وهل تكييف الميجان زى الاوبل؟؟؟
لو الاتنين زى بعض ولكن الميجان كمالياتها اكتر يبقى اجيب الميجان
و هل انت ندمت انك بعت الاوبل ولا لأ
و من واقع خبرتك بالسياراتين انا معايا فيكترا 97 برضه فى فرق هحس بيه ؟
ويا ترى كماليات البانوراما 2005 او 2006 ايه ؟ وسعرها المناسب يبقى كام؟؟؟

وانا اسف جدا جدا للاطالة

شـــــــــــــــــــــــــكـــــــــــــــــــــــ ـــــــراااااااااا

[Ahmed Selim]

شكرا جدا للاهتمام ويا ريت يا استاذ احمد تقولى يعنى اكشف على العربيه فين ؟
وهل تكييف الميجان زى الاوبل؟؟؟
لو الاتنين زى بعض ولكن الميجان كمالياتها اكتر يبقى اجيب الميجان
و هل انت ندمت انك بعت الاوبل ولا لأ
و من واقع خبرتك بالسياراتين انا معايا فيكترا 97 برضه فى فرق هحس بيه ؟
ويا ترى كماليات البانوراما 2005 او 2006 ايه ؟ وسعرها المناسب يبقى كام؟؟؟

وانا اسف جدا جدا للاطالة

شـــــــــــــــــــــــــكـــــــــــــــــــــــ ـــــــراااااااااا

العفو يا باشا

الكشف نصيحتى أنه يكون فى التوكيل......المقطم أو العبور و بلاش مراكز الخدمة المعتمدة.

التكييف أنا عن نفسى شايف أنهم زى بعض.

الأوبل اللى كانت معايا تعبتنى شوية خصوصاً انى مش بحب تكون فيه حاجة فى العربية مش مظبوطة.
كان كل شوية تطلع مشكلة فى العفشة و أغير و ترجع تانى.......كانت معظم قطع غيار العفشة اللى فيها كاوتش معظمها بتبوظ بسرعة......
موتور الأوبل كان أحسن لأنها كانت 2000 سى سى

فيه فرق هتحس بيه من ناحية النعومة.........الميجان أنعم......و فى الثبات الفيكترا فوق ال 170 أو 180 أثبت.

كماليات البانوراما سواء 2005 أو 2006 زى بعض.
6 أيرباج
فتيس ستيب ترونيك
تكييف تاتش
4 أزاز تاتش
سى دى ( فيه موديلات نزلت ب mp3 و موديلات لأ.....أعتقد أواخر 2006 كانت بتنزل ب mp3 )
فتحة سقف بانوراما كهرباء.
جنوط رياضية 16 بوصة.
تحكم فى الكاسيت من خلف الطارة
كروز كنترول.
مرايات ضم كهرباء.
فرش جلد أو جلد x قماش.
دركسيون بيتحرك فى 4 إتجاهات.....ورا و قدام و فوق و تحت.
كرسى السواق بيتحرك فى 6 إتجاهات......ال 4 المعروفين فى أى عربية قدام و ورا و الضهر قدام و ورا + قاعدة الكرسى لفوق و تحت.
كارت تشغيل بدل المفتاح.
ده اللى فاكره حالياً.

نصيحتى ليك الأستخارة و الكشف فى التوكيل لما تلاقى عربية تحس أنها مش متهانة......و أخيراً مش تسترخص سعر العربية لأنه غالباً هيكون فيها مشاكل لو سعرها رخيص......و بالتوفيق إن شاء الله.

[Ahmed Selim]

اهم حاجة فى التكيف انة يشتغل كويس فى وسط البلد لان بجد الواحد بيولع فى الاشارات الظهر .. انا بتكلم عن تكيف الميجان معرفش الفيكترا اية نظامة .. بس الى انا متاكد منة ان تكيف الميجان مش قد كدة

بص يا باشا أنا مش عارف طبعاً مشكلة التكييف عندك أيه بالظبط.......بس حاول تشوف حد كويس تكشف عنده على التكييف و على موضوع الدخان ده.

التكييف عندى كان بيبقى زى الفل ما عدا فى حالة واحدة...........درجة حرارة الجو فوق ال 35 أو 36 و الدنيا زحمة قوى و مش بتلحق تمشى فى طريق مفتوح.

ساعتها اللى كان بيحصل أنى مش ببقى حاسس أن الجو فى العربية ساقع بس فى نفس الوقت مش حران........يعنى تقدر تقول كده حرارة الجو فى العربية تقريباً ما بين ال 25 إلى 28 .

لو نفس الظروف بس فى طريق مفتوح مكنتش بحس بحر خالص.....و كنت بحس ان الجو فى العربية ساقع.

[shawkylotfy]

بص يا باشا أنا مش عارف طبعاً مشكلة التكييف عندك أيه بالظبط.......بس حاول تشوف حد كويس تكشف عنده على التكييف و على موضوع الدخان ده.

التكييف عندى كان بيبقى زى الفل ما عدا فى حالة واحدة...........درجة حرارة الجو فوق ال 35 أو 36 و الدنيا زحمة قوى و مش بتلحق تمشى فى طريق مفتوح.

ساعتها اللى كان بيحصل أنى مش ببقى حاسس أن الجو فى العربية ساقع بس فى نفس الوقت مش حران........يعنى تقدر تقول كده حرارة الجو فى العربية تقريباً ما بين ال 25 إلى 28 .

لو نفس الظروف بس فى طريق مفتوح مكنتش بحس بحر خالص.....و كنت بحس ان الجو فى العربية ساقع.

مهو هو دة الى انا بحكى فية ان تكيف الميجان فوق درجة حرارة 35 فى الاشارات ملوش لازمة وعلى فكرة يجماعة انا التكيف عندى شغال كويس اوى بس انا بتكلم عن تكيف الميجان عامة مش بكلم على عربيتى خالص واسال اى حد معاة ميجان لو قالك ان لو درجة حرارة الجو فى الظهر فى الاشارات 40 وميجى جوة فريزر يبقى كدااااااااااااااااب كدب التنين

[Ahmed Selim]

مهو هو دة الى انا بحكى فية ان تكيف الميجان فوق درجة حرارة 35 فى الاشارات ملوش لازمة وعلى فكرة يجماعة انا التكيف عندى شغال كويس اوى بس انا بتكلم عن تكيف الميجان عامة مش بكلم على عربيتى خالص واسال اى حد معاة ميجان لو قالك ان لو درجة حرارة الجو فى الظهر فى الاشارات 40 وميجى جوة فريزر يبقى كدااااااااااااااااب كدب التنين

ما هو فى الحالة دى مش بيبقى شغال فريزر بس مش ببقى حران برضه.

[mowafy]

شكرا جدا لاهتمامكم و شكرا جدا يا بشمهندس أحمد

[Ahmed Selim]

أى خدمة يا باشا.......و بالتوفيق إن شاء الله و لا تنسى الأستخارة.