رينو لوجان - نظرة سريعة

[ios]

روحت النهاردة شوفت الرينو لوجان في التوكيل بالمهندسين.
بصراحة بعد ما اتفرجت عليها حاسيت انكم ظلمتوها كتير.

هاديكوا ملخص سريع للي أنا شوفتها.

الهيكل الخارجي - شكلة قوي و يتحمل الصدمات - و كلها حديد في حديد, مش وش بلاستيك زي الميجان
الموتور و الجير بوكس فرنساوي - موتور ميجان 1999 - شكله نضيف أوي
ما فيهاش تعقيدات الكترونية - يعني أي حد ممكن يصلحها, هما أصلا عاملينها عشان اصحابها يعرفوا يصلحوها :D
شكلها أكثر من مقبول

الكاسيت بتاعها blaupunkt بس مش فاكر فيها كام سماعة - سي دي أوديو
أكبر كنبة عربية أشوفها و أكبر شنطة
السعر - شايفها أحسن عربية في هذه الفئة السعرية - 70 ألف

أكثر السيارات مبيعا في أوروبا للسيارات نفس الفئة

العربية أصلا تصميم فرنسي و بتتباع في فرنسا بما يعادل 9300 دولار واللي مش مصدق يقرا الصفحة ديه

http://www.babsoninsight.com/contentmgr/showdetails.php/id/837

عيبها الوحيد إن خامات التقفيل الداخلية شكلها مش قد كده.
أه لأ في عيب تاني, ما لاقيتش منها اللون الأسود اللي أنا عايزه


أنا متوقع إن العربية ديه هتنتشر لإنها أحسن تقفيل و أحسن عفشة بالسعر ده.

[limo]

الف شكر يا باشا على التقيم
بس انت ازاى عرفت انها مش معقده ؟او ايه الى شوفته فيها خلاك تقول انها مش معقده؟

[ios]

بس انت ازاى عرفت انها مش معقده ؟او ايه الى شوفته فيها خلاك تقول انها مش معقده؟

أنا قرأت عنها قبل مانزل أشوفها
شوف مثلا الموقع ده

http://www.autosavant.net/2007/05/renault-logan-how-to-build-successful.html

و لما نزلت سألتهم ايه الفرق بينها و بين الكليو قالولي الكليو تقفيل تركي ماتور 1400 75 حصان و فيها وحدات الكترونيه أكتر, يعني معقده أكتر, و أصغر بالذات في الكنبة بتاعتها.

[edfeeoc]

يا جماعة انا شفت العربية الداتشيا لوجان ديه من سنتين فى الاسماعيلية كان مدخلها واحد من جاى من الخارج بصراحة عربية زبالة خاماتها رديئة جدا وكنت بشوفها كل فترة لانه كان بيركنها جنب الدكتور اللى اللى برحله ومع الوقت ظهرت عليها علامات الشيخوخة تحس انها عربية مشنشة واكر الابواب اتخلعت من مكانها ومرياتها فكت من الباب يا رتنى صورتها وانا بقالى بتاع 4 شهور مبشوفهاش الله اعلم هى فين دالوقتى ؟؟؟؟؟؟

[Sharky]

أكيد دا إهمال من صاحبها

[ios]

يا جماعة انا شفت العربية الداتشيا لوجان ديه من سنتين فى الاسماعيلية كان مدخلها واحد من جاى من الخارج

دي المغربي

العربية ليها سبع مصانع بيعملوها

اللي نازلة مصر دلوقتي ديه الروماني, نفس اللي بتتصدر لفرنسا مع فرق الكماليات

العربيه معموله عشان تبقي حمالة أسية
أنا بنصح كل اللي عندهم شاهين يروحوا يشوفوها, لأن ديه الناس اللي هتقتنع بالرينو لوجان زيي

[amr123]

فعلا يا Ios ...يعني انت حسيت اكيد انها حمالة اسية
انا نفسي في عربية كده
و انا معايا شاهين :) ....شكلي هسمع نصيحتك ...

[khaled1066]

فعلا انا شفت العربية صاج جامد والشنطة واسعة والسعر كويس
بس الخامات في الصالون معجبتنيش اوي
والماتور مكتوب علية بلون ابيض رينو يعنى بعد شوية البوية تطلع وتبقى مش عارف
الماتور دة مين اللى عاملة انا حسيت كدة ان رينو فرنسا مكسوفة من الماتور علشان
كدة كاتبة اسمها بالطباشير مش محفور علية بالبارز زي باقي الشركات العالمية
ولا يمكن دة نوع من التوفير
بصراحة العربية عجبتنى بالنسبة لسعرها

مع تحياتى

[mero5005]

انا كمان بفكر فيها اوى على الاقل مش كورى مع الاعتذار للانوس والفيرنا ؟؟؟؟؟
حد شاف شكل خامات الفيرنا اللب 70 الف؟؟؟؟؟؟؟؟؟؟؟؟ علشان يقول على دى خاماتها وحشه؟؟؟؟؟؟؟؟؟؟؟؟؟؟؟؟ انا اللى مقلقنى منها بس الصيانه وقطع الغيار الحراقه بتاعه رينو؟؟؟؟؟؟؟

[Sharky]

انا حسيت كدة ان رينو فرنسا مكسوفة من الماتور
مع تحياتى

إزاى بس مكسوفة منه و دا إللى كان محطوط فى الميجان I !!!

[hesham_tawfiq]

انا كمان بفكر فيها اوى على الاقل مش كورى مع الاعتذار للانوس والفيرنا ؟؟؟؟؟
حد شاف شكل خامات الفيرنا اللب 70 الف؟؟؟؟؟؟؟؟؟؟؟؟ علشان يقول على دى خاماتها وحشه؟؟؟؟؟؟؟؟؟؟؟؟؟؟؟؟ انا اللى مقلقنى منها بس الصيانه وقطع الغيار الحراقه بتاعه رينو؟؟؟؟؟؟؟

انا كمان نفسى اشترى اللوجان بس اللى مانعنى انى مش عارف اسعار قطع الغيار والصيانه
ياريت لو حد من الاخوه عنده فكره عن الموضوع يفيدنا لان العربيه فعلا حيده جدا بالنسبه لسعرها من وجهة نظرى المتواضعه
على الاقل نفس تمن الافيو بس كماليات اعلى بكتير

[BooDElGn]

يعنى سؤال انا المخوفنى من شراء الرينو لوجان انها لسه جديدة و ما تجربتش فى مصر و كده فمش عارف ايه هيبقى تقمها بعد التجريب فايه رأيكم هى الصراحة العربية حلوة و كماليتها كويسة و موتورها كويس بس المشكلة فى موضوع عدم تجربتها و كده فيارت تفيدونى

[hesham_tawfiq]

انا كنت فى الجزائر بقالى خمس شهور ولسه راجع الاسبوع اللىى فات
العربيه فعلا متباع منها كميات رهيبه هناك واللى طمنى ليها ان الشوارع فالجزائر فى جبال كللها يا اما مطالع او منازل يعنى عاوزه عربيه عفيه عشان تستحمل الشوارع دى
انا ركبت العربيه فى معرض هناك وكنت مستريح جدا فيه وكمالياتها جيده جدا بس للاسف مقدرتش اسوقها عشان اجربها
عموما انا حجزتها مع كونتاكت والمفروض استلمها خلال الاسبوع دا وربنا يكرمنى فيها إن شاء الله

[SaLM!Na]

انا لسة كنت ف توكيل رينو و شفت اللوجان
بصراحة العربية جميلة و مريحة و بعدين الكنبة واسعة اوي و تريح الرجل
اما الكليو صغيرة وواطيه معجبتنيش اوي بصراحة على قد اللوجان

أه.. اكتر حاجة عجبتني ف اللوجان ان الكلاكس بتاعها مش ف الدريكسيون زي البيجو كده في الدراع الي ف الشمال اللي هو بتاع النور

[BooDElGn]

انا كنت فى الجزائر بقالى خمس شهور ولسه راجع الاسبوع اللىى فات
العربيه فعلا متباع منها كميات رهيبه هناك واللى طمنى ليها ان الشوارع فالجزائر فى جبال كللها يا اما مطالع او منازل يعنى عاوزه عربيه عفيه عشان تستحمل الشوارع دى
انا ركبت العربيه فى معرض هناك وكنت مستريح جدا فيه وكمالياتها جيده جدا بس للاسف مقدرتش اسوقها عشان اجربها
عموما انا حجزتها مع كونتاكت والمفروض استلمها خلال الاسبوع دا وربنا يكرمنى فيها إن شاء الله

خلاص يا أستاذ هشام اعتبر ده وعد منك انك إن شاء الله لما تستلم العربية و تجربها هتيقمهنا و تقولنا رأيك فيها طبعا أنا عارف انى دبستك :):):):) بس ده من عشمى فى حضرتك و جزاك الله ألف خير