كــل مــا تريـــد معرفتــــه عــن الكليـــو II

[ELBiLDoZeR]

على فكره الصور راااااااااااحت

[seko700]

سعر المراية الشمال لرينو كليو موديل 2001 بكام واجيبها منين فى القاهره يا جماعة

[medohai510]

يا جماعه انا عندى مشكله ممكن تساعدونى انا معايه كليوا 2004 120سس الشكمان بتاع البيئه باض والحجر الى فيه اتفتفت القيه فين وبكام

ممكن تسأل عند أبو اليزيد في شارع أحمد سعيد بالعباسية

[khaled29883]

انا عارض عربيتى للبيع

رينو كليو 2004 1200سى سى باور - تكييف - سنتر - 4 زجاج كهرباء - 4فرد تيوبلس جديده - كاسيت c.dبايونيرو2 سماعة 400وات بايونير - فرش جلد فبريقه دواخل رشه خارجى فى رمضان 2011 رخصه سنتين ونصف مطلوب 40000 ولا تحتاج جنيه مصروف

[agwaa]

السلام عليكم يا كليواية ...
إن شاء الله سوف نجدد المشاركة ومعاكم في أي إستفسار عن ال clio وإن شاء الله سوف أرد على قدر المستطاع .
ودة طبعاً بعد إذن صاحب المشاركة الأصلية

[agwaa]

السلام عليكم يا كليواية ...
إن شاء الله سوف نجدد المشاركة ومعاكم في أي إستفسار عن ال clio وإن شاء الله سوف أرد على قدر المستطاع .
ودة طبعاً بعد إذن صاحب المشاركة الأصلية

[المنسي]

فى حد قدامه كليو موديلات فوق 2004 تكون حالتها كويسة؟؟؟؟

[mossobhy]

روحت التوكيل لقيته بيهش وينش هو ايه اللى حصل ده كان الحجز قبلها بشهر للصيتنة

[slow_song]

السلام عليكم
انا محتاااااار جدا فى العربيه دى , مع ان شكلها عجبنى جدا طبعا انا بتكلم عن موديل 2002 الشكل الجديد 1200س س لانى بصراحه بقارن بينها وبين الفيات سينا 1400س س , واللى مخوفنى منها بيقولوا قطع الغيار فيها مشاكل والكهربا بتاعتها فيها مشاكل , انا معايا حاليا اونو وعايز اغير علشان احس بفرق بس مش عايز اجيب عربيه غاليه يعنى اخرى 38000 , معلش هبقى تقيل عليكم شويه كنت عايز اعرف عيوب العربيه بصراحه من الملاك ومزاياها وموضوع 1200 س س بيأثر على السحب والتكييف والسخونه ولا لا , وهى احسن ولا السنا بصراحه , ياريت اعرف رايكم لانى بجد محتار جداا

وشكرا ليكم

[ramy_gamal]

السلام عليكم
انا محتاااااار جدا فى العربيه دى , مع ان شكلها عجبنى جدا طبعا انا بتكلم عن موديل 2002 الشكل الجديد 1200س س لانى بصراحه بقارن بينها وبين الفيات سينا 1400س س , واللى مخوفنى منها بيقولوا قطع الغيار فيها مشاكل والكهربا بتاعتها فيها مشاكل , انا معايا حاليا اونو وعايز اغير علشان احس بفرق بس مش عايز اجيب عربيه غاليه يعنى اخرى 38000 , معلش هبقى تقيل عليكم شويه كنت عايز اعرف عيوب العربيه بصراحه من الملاك ومزاياها وموضوع 1200 س س بيأثر على السحب والتكييف والسخونه ولا لا , وهى احسن ولا السنا بصراحه , ياريت اعرف رايكم لانى بجد محتار جداا

وشكرا ليكم

العيوب الكنبه ضيقه شويه / الباور اتقل من الكورى لكن كويس/التكيف مش تلاجه بس كويس
المميزات استهلاك بنزين ممتاز/ الشنطه بحر / قطع غيار متوفرة ومعمرة جدا جدا
اهم حاجه فى العربيه دى تواظب على الصيانه الدوريه وانشاء الله متقابلش مشاكل

[السيد محمود]

ياريت لو فى واحدة كويسه للبيع

[عماد السيد]

النجده يا اصحاب كليو 2001 ..1400

السلام عليكم ورحمة الله وبركاته
انا لسه جايب العربيه من اسبوعين وطلعت عيني ويادوب مشيت معايا يومين بالظبط ولقيت المارش اتحرق
روحت للكهربائي وجبتله مارش جديد وبعد مركبه العربيه مش لاقطه الموتور خالص
يادوب تدور الكونتكت ومش بتشغل العربيه
قالي يمكن العيب في البوجيهات ... غيرنا بوجيهات مشتغلتش
قال يمكن العيب في حساس الكرنك .. جبنا واحد جديد وبرده نفس المشكله
قال يمكن الفيشه بتاعة الحساس .. غيرنا بجديد برده نفس المشكله
قال يمكن حساس الكاما .. غيرناه .. برده نفس المشكله
وفي الاخر بيقول يمكن الكمبيوتر بتاع العربيه
اللي انا شوفته ان رشاشات البنزين مش لاقطه كهربه خالص ولا الموبينات وصلالها كهربه فعلا من الكمبيوتر .. الكونترول
دلؤتي عايز اعرف المشكله هنا ايه .. يا تري عايز فك شفره ولا الكونترول كله بايظ ولا ايه
ويا تري لو روحت التوكيل ايه النظام هيغير كل عدة الدواره ولا هتبقا برمجه بس ولا مروحش التوكيل واروح لحد ميكانيكي يشوفلي موضوع الكمبيوتر علشان التوكيل غاليين اوي في اسعارهم

[ahmed_moeaz]

عربية كويسة بس عايز اللى يفهمها

[mizoooo2010]

انا مقبل على شراء رينو كليو 2001 حتى 2004

انا مقبل على شراء كليو ومخير بين موديلات من 2001 حتى 2004 برجاء الافاده عن افضل موديل من 2001 حتى 2004 وعايز اعرف كل حاجه عن الكليو لانى جاهل تماما بالرينو وياريت تقولوى عيوبها ووميزتها واسعار قطع الغيار و الصيانه علما بانى مبتدأ وجزاكم الله كل خير
افيدونى افادكم الله

[moustafa2500]

انا قدامى كليو 98
العربية دى كويسة وقطع غيارها موجودة ولا حلف عليها ومتوسط سعرها لو عربية نضيفة يبقى كام؟