هل كفاءة خدمة ما بعد البيع للرينو هتكون عامل مؤثر فى قرار شراء سيارتك القادمة؟

[Hany Saad]

إزيكم يا أحلى وحوش و أحلى منتدى.....

أكيد كلنا جربنا مراكز خدمة رينو و كمان جربنا أو سمعنا عن مراكز خدمة مركات أخرى بما لها أو عليها....

يا ترى بالنسبة لقرار شراء سيارتك القادمة.....هل هذا العامل هيكون مؤثر فى هذا القرار و بنسبة كام فى الميه؟

يعنى هل ممكن متشتريش نوع معين من السيارات علشان رداءة مراكز خدمته و العكس هل ممكن تفضل مرتبط بالرينو لأنك مرتاح مع مراكز خدمته؟


مستنى أسمع الأراء.........

[Mandible]

انا اشتريت الفلوانس و ده تقريبا كان العامل الاساسي اللي خلاني اشتريها

[selserwy]

وانا عايزة اشتري فلونس بس خايفه من سعر اعادة البيع و الي مطمني انه على الأقل الكلام الي بسمعه عن التوكيل كويس و احسن من الكلام الي بسمعه عن توكيلات عربيات اوروبي تانية كتيير. و ده مديني امل انه ممكن ينعكس ايجابيا على سعر اعادة البيع

[Hany Saad]

وانا عايزة اشتري فلونس بس خايفه من سعر اعادة البيع و الي مطمني انه على الأقل الكلام الي بسمعه عن التوكيل كويس و احسن من الكلام الي بسمعه عن توكيلات عربيات اوروبي تانية كتيير. و ده مديني امل انه ممكن ينعكس ايجابيا على سعر اعادة البيع

مش هقدر أطمن حضرتك قوى بالنسبة لسعر إعادة البيع....الرينو عامة عربية مش متقدرة فى مصر....و لا تندرج تحت فئة السيارات الشعبية المعروف سعر إعادة بيعها فى السوق حسب الموديل....لكنها مثل باقى السيارات الأوروبى بتفقد كتير من تمنها عند إعادة بيعها و ليس لها تمن محدد فى البيع و لكن تخضع للعرض و الطلب....

أقدر أطمن حضرتك لحد كبير من جهة التوكيل و الضمان الحقيقى لمدة 3 سنين و جودته على الأقل مقارنة بباقى التوكيلات الأوروبية أو التوكيلات عامة الموجودة فى مصر.....

لو حضرتك هتبيعى بسرعة يعنى سنتين تلاتة و هتغيرى العربية يبقى منصحش بالرينو لأنك هتفقدى جزء كبير من رأس مالك عند البيع لا يوازى قيمة إستهلاك العربية....

لكن لو حضرتك ناوية إن شاء الله تخلى العربية 5 سنين فيما فوق...يبقى أشجعك جدا على الفلوانس و إستمتعى بها كسيارة رائعة بمعنى الكلمة و كمان بخدمة ما بعد البيع...و بالتوفيق إن شاء الله....

[selserwy]

مش هقدر أطمن حضرتك قوى بالنسبة لسعر إعادة البيع....الرينو عامة عربية مش متقدرة فى مصر....و لا تندرج تحت فئة السيارات الشعبية المعروف سعر إعادة بيعها فى السوق حسب الموديل....لكنها مثل باقى السيارات الأوروبى بتفقد كتير من تمنها عند إعادة بيعها و ليس لها تمن محدد فى البيع و لكن تخضع للعرض و الطلب....

أقدر أطمن حضرتك لحد كبير من جهة التوكيل و الضمان الحقيقى لمدة 3 سنين و جودته على الأقل مقارنة بباقى التوكيلات الأوروبية أو التوكيلات عامة الموجودة فى مصر.....

لو حضرتك هتبيعى بسرعة يعنى سنتين تلاتة و هتغيرى العربية يبقى منصحش بالرينو لأنك هتفقدى جزء كبير من رأس مالك عند البيع لا يوازى قيمة إستهلاك العربية....

لكن لو حضرتك ناوية إن شاء الله تخلى العربية 5 سنين فيما فوق...يبقى أشجعك جدا على الفلوانس و إستمتعى بها كسيارة رائعة بمعنى الكلمة و كمان بخدمة ما بعد البيع...و بالتوفيق إن شاء الله....

اشكر حضرتك جدا على الرأي المنطقي. انا عموما من الناس الي تركب العربية على الأقل 7 سنين، انا معايا لانسر 98 معكملتش 175000 كم.
و بصراحه انا عندي نظريه كده في سعر اعادة البيع معرفش غلط والا صح، دلوقتي لما الواحد يشتري فلونس مثلا ب 150000و يبيعها بعد سنه طبيعي لازم يخسر علشان ينافس سعر الموديل الجديد. انما لو باع بعد 5 سنين مثلا تكون اسعار الموديل الحديث عليت و اضاف معامل التضخم الاقتصادي، يبقى على الأقل ممكن يسترد جزء من الي خسره في السعر في اول سنه. انا بتكلم بمنطق صح والا بخرف؟:p

[Hany Saad]

اشكر حضرتك جدا على الرأي المنطقي. انا عموما من الناس الي تركب العربية على الأقل 7 سنين، انا معايا لانسر 98 معكملتش 175000 كم.
و بصراحه انا عندي نظريه كده في سعر اعادة البيع معرفش غلط والا صح، دلوقتي لما الواحد يشتري فلونس مثلا ب 150000و يبيعها بعد سنه طبيعي لازم يخسر علشان ينافس سعر الموديل الجديد. انما لو باع بعد 5 سنين مثلا تكون اسعار الموديل الحديث عليت و اضاف معامل التضخم الاقتصادي، يبقى على الأقل ممكن يسترد جزء من الي خسره في السعر في اول سنه. انا بتكلم بمنطق صح والا بخرف؟:p

للأسف تعتبر السيارات سلعة إستهلاكية....
عادة ما يحدد سعر إعادة البيع فى السوق للسيارة هو نوعها و حالتها و الأهم موديل السنة : تقريبا فى الأوروبى بتكون الخسارة حوالى 15% من قيمة سعر الشراء عن كل سنة إستخدام لمدة مثلا 3 سنين و بعدين 10% لمدة سنتين و بعدين حوالى 5% عن كل سنة تالية.....

الكلام ده للأسف مابيحصلش فى الكورى أو اليابانى....الخسارة بتكون بسيطة توازى فعلا الإستهلاك الفعلى و موديل السنة....و بالتالى حضرتك تقدرى تزودى مبلغ بسيط و تجيبى موديل السنة الحديثة...على عكس الرينو بتفقدى حوالى 40% من تمن العربية بعد مرور 3 سنين.....

[hakim_30]

that's one of the most effective factors that made up my decision to go for Renault (like 40%) because cars needs a serious live time support ,it doesn't go under the category of 'buy and forget' kinda thing . You know I was in love with punto evo but because of all that dirty talk about Omatra i just stepped on my heart and forgot about it lol

[Hany Saad]

that's one of the most effective factors that made up my decision to go for Renault (like 40%) because cars needs a serious live time support ,it doesn't go under the category of 'buy and forget' kinda thing . You know I was in love with punto evo but because of all that dirty talk about Omatra i just stepped on my heart and forgot about it lol

Couldn`t agree more......

[خالد]

طبعاً خدمة مابعد البيع عامل مهم جداً فى قرار الشراء
وأعتقد أنه يمثل حوالى 30 % كأهميةفى قرار الشراء
وشخصياً أرى أن باقى العوامل (70%) ممكن تكون :
القيمة مقابل النقود - الشكل والموديل - الكماليات المتاحة - الإعتمادية - توفر قطع الغيار خارج التوكيل بسعر مناسب
تحياتى وربنا يوفق الجميع