عايز أعرف فئات و اسعار الفليوانس

[MaZaGAngeE]

النهاردة نزلت اتفرج على مجموعة من العربيات و كان من ضمنهم الفليوانس و عجبتني جدا و اكتر حاجة انا مهتم بيها مساحة الشنطة و لقيتها كويسة جدا , مش الاكبر لكن يمكن تاني اكبر شنطة شفتها .
المهم بقى يا رجالة , مطلوب منكم الاجابة عن :
1 : فئات السيارة و بيان كماليات كل فئة
2 : سعر كل فئة
3 : هل التكييف كويس/ممتاز/مقبول/ضعيف
4 : مشاكل او عيوب ظهرت في العربية
5 : هل منها خليجي و لا كله وكيل فقط ؟
6 : أفضل سعر للعربية منين ؟
7 : هل هينزل منها شكل جديد قريب ؟

بانتظار الاستمتاع بالنقاش معاكم

[bukla]

النهاردة نزلت اتفرج على مجموعة من العربيات و كان من ضمنهم الفليوانس و عجبتني جدا و اكتر حاجة انا مهتم بيها مساحة الشنطة و لقيتها كويسة جدا , مش الاكبر لكن يمكن تاني اكبر شنطة شفتها .
المهم بقى يا رجالة , مطلوب منكم الاجابة عن :
1 : فئات السيارة و بيان كماليات كل فئة
2 : سعر كل فئة
فئات الفلوينس

1- منوال - 122 ألف
- عجلات حديديه مقاس ١٥ بوصة
- نظم فرامل ABS مع EBD و BAS "Break Assist System"
- وسادة هوائية للسائق و الراكب الأمامي " ٢ فقط"
- تكيف هواء يدوي
- نظم غلق مركزي
- زجاج كهرباء أمامي و خلفي
- مفتاح رموت كنترول قابل للطي
- مراية جانبية يمكن ضبطها كهربائياً
- مثبت + محدد سرعة
- كمبيوتر رحلات لبيان متوسط السرعة وإستهلاك الوقود
- راديو CD MP3 وإمكانية توصيل RCA مع ٤ سماعات
- فوج لايت والكنبة الخلفية يمكن امالتها 1/3 و 2/3

2- اتوماتيك - 132 ألف
- تزيد عن السابقة فتيس أوتوماتيك - ستيبترونك

3- اتوماتيك - 142 ألف
تزيد عن السابقة :
- جنوط رياضية ١٦ بوصة
- مساند رأس يمكن تعديل ارتفاعها وميلها ٤ أوضاع
- تكيف هواء أوتوماتيك " Bi-Zone" يمكن ضبط كل جانب عل حده
- مخرج خلفي للتكيف
- ثلاجة فى التابلوة تعمل مع تشغيل التكييف
- مفتاح كارت - ستارت بوتن " رينو كارد "
- نظام تشغيل التلقائي للمصابيح -Auto lighting sensor
- نظام التعرف على الأمطار وتشغيل المساحة تلقائياً - Rain sensor
- نظام تأخير غلق الإضاءة - Follow Me Home
- نظام تشغيل الأضواء عن بعد
- مصابيح ضباب
- مراية جانبية يمكن ضبطها و طيها كهربائياً مع تدفئة ذاتية
- راديو CD MP3 مع Bluetooth و عدد ٦ سماعات
- مقبس ١٢ فولت بصندوق التخزين بمسند إليد الأمامي
- المصابيح الامامية يدوية التوجية

4- أوتوماتيك - 150 ألف
تزيد عن السابقة
فتحة سقف

5- أوتوماتيك - 167 ألف
تزيد عن السابقة
- مصابيح زنون تلقائية التوجية
- باركينغ سنسور - خلفي
- ٦ وسائد هوائيه بدل ٢
- فرش جلد
3 : هل التكييف كويس/ممتاز/مقبول/ضعيف
جيد جدا
4 : مشاكل او عيوب ظهرت في العربية
أ - اللى بيستعمل بنزين 92 مؤشر البنزين ما بيديش قراءة مضبوطه لكميه البنزين اللى فى التنك (اتعالجت عن البعض و التوكيل فى طريقه لحلها عند البعض الاخر)
ب - كاوتشه المساحه بتبوظ بسرعه
ج - بعض الناس بيشتكوا من نتشه فى الفتيس بين الاول و الثانى (بتروح بتغيير طريقة القياده)
5 : هل منها خليجي و لا كله وكيل فقط ؟
كله وكيل ما بينزلش منها خليجى علشان الخليجى كورى و مختلفه عن اللى بتنزل فى مصر فى حاجات كثير
6 : أفضل سعر للعربية منين ؟
بعض الاخوه الاضاء جابوها من عند الطارق بسعر كويس
7 : هل هينزل منها شكل جديد قريب ؟
فى الغالب لأ

بانتظار الاستمتاع بالنقاش معاكم

لو عايز تعرف كل حاجه عن العربيه اتفضل اتصفح رابطه حائزى الفلوينس و الميجان III

http://www.nilemotors.net/Nile/236780-3-2011-a.html

بالتوفيق ان شاء الله

[MaZaGAngeE]

بولكا باشا
ألف شكر على الرد
انا شفت اللي ب 142 الف و عجبتني جدا
سؤال بقى : هل الفئة المانيوال فيها النواكل الموجودة في الفئة 3 ؟ و هل نفس الفرش ؟
و فتحات التكييف اللي ورا موجودين ؟

[bukla]

بولكا باشا
ألف شكر على الرد
انا شفت اللي ب 142 الف و عجبتني جدا
سؤال بقى : هل الفئة المانيوال فيها النواكل الموجودة في الفئة 3 ؟ و هل نفس الفرش ؟
و فتحات التكييف اللي ورا موجودين ؟

الشكر لله
النواكل اللى حضرتك بتقول عليها و فتحات التكييف الخلفيه مش موجوده الا ابتداء من الفئه اللى ب 142 و الفرش اللى فى الفئه المانيوال قماش فقط

[MaZaGAngeE]

الشكر لله
النواكل اللى حضرتك بتقول عليها و فتحات التكييف الخلفيه مش موجوده الا ابتداء من الفئه اللى ب 142 و الفرش اللى فى الفئه المانيوال قماش فقط

ده بقى كلام يزعل جدا
طيب عارف اشوفها فين عشان اقدر اكون راي عن الفئة دي ؟ انا مالقيتهاش في التوكيل و لا في مصرية الميرغني و لا ابوغالي
الموجودة بس الي 142 لكن الاقل لأ و لا الاوتو حتى

[Ahmed Selim]

طبعاً بوكلا أوجز فأنجز

هوضح بس حاجة بالنسبة للشكل الجديد.....موديلات رينو بتقعد 5 سنين.....على السنة التالتة من عمر الموديل بينزل face left يعنى مش قبل أواخر 2012 أو أوائل 2013 يدينا و يديك طولة العمر.

[bukla]

ده بقى كلام يزعل جدا
طيب عارف اشوفها فين عشان اقدر اكون راي عن الفئة دي ؟ انا مالقيتهاش في التوكيل و لا في مصرية الميرغني و لا ابوغالي
الموجودة بس الي 142 لكن الاقل لأ و لا الاوتو حتى

المانيوال نادره شويه و اعتقد مش حتلاقيها بسهوله يمكن تلاقيها فى التوكيل اللى فى العبور
لكن لو شوفت اول فئه اتوماتيك كأنك شوفت المانيوال باستثناء الفتيس فقط و دى ممكن تشوفها فى الطارق او اوتو سمير ريان

طبعاً بوكلا أوجز فأنجز

هوضح بس حاجة بالنسبة للشكل الجديد.....موديلات رينو بتقعد 5 سنين.....على السنة التالتة من عمر الموديل بينزل face left يعنى مش قبل أواخر 2012 أو أوائل 2013 يدينا و يديك طولة العمر.

اشكرك على المعلومه
و لو انى اعتقد ان الفلوينس ممكن تطول شويه لان النسخه الكهرباء منها اللى هى نفس الشكل تقريبا حتنزل فى اوروبا ابتداء من 2012 فاعتقد انه مش معقول اول ما تنزل الكهرباء يغيروا شكل النسخه العاديه لشكل احدث
و الله اعلم

[Ahmed Selim]

اشكرك على المعلومه
و لو انى اعتقد ان الفلوينس ممكن تطول شويه لان النسخه الكهرباء منها اللى هى نفس الشكل تقريبا حتنزل فى اوروبا ابتداء من 2012 فاعتقد انه مش معقول اول ما تنزل الكهرباء يغيروا شكل النسخه العاديه لشكل احدث
و الله اعلم

الله أعلم..........أنا معلومة النسخة الكهرباء دى جديدة بالنسبالى......بس عموماً هو مش بيبقى شكل أحدث بقدر ما هو تغيير طفيف فى الشكل الخارجى و أخر فى الشكل الداخلى.

و ممكن لو الكهرباء هتنزل على 2012 ممكن تبقى الشكل الجديد على طول...........خصوصاً لو نازلة أواخر 2012

[MaZaGAngeE]

المانيوال نادره شويه و اعتقد مش حتلاقيها بسهوله يمكن تلاقيها فى التوكيل اللى فى العبور
لكن لو شوفت اول فئه اتوماتيك كأنك شوفت المانيوال باستثناء الفتيس فقط و دى ممكن تشوفها فى الطارق او اوتو سمير ريان

اشكرك على المعلومه
و لو انى اعتقد ان الفلوينس ممكن تطول شويه لان النسخه الكهرباء منها اللى هى نفس الشكل تقريبا حتنزل فى اوروبا ابتداء من 2012 فاعتقد انه مش معقول اول ما تنزل الكهرباء يغيروا شكل النسخه العاديه لشكل احدث
و الله اعلم

بس النسخة الكهربا دي شكلها مختلف شوية أو تقدر تقول فيس ليفت للعربية و هيه السبب اني فكرت في العربية بصراحة

[bukla]

فى الرابط ده حتلاقوا كل المعلومات الخاصه بالاختبارات اللى اتعملت على النسخه الكهرباء و مواعيد نزولها رسميا فى انجلترا اول 2012 و معلومات كثيره وجديده عنها
renault - search results - autoevolution fluence&section=news&page=1
لو لاحظتم ان الاختلافات فى الشكل الخارجى طفيفه جدا يعنى تقريبا فى الشبكه و الجنوط لكن الشكل الداخلى واحد باستثناء شاشه ال GPS

[WaleedAlGam]

اتفق معكم فى كل المميزات السابقة واضيف الثبات التام والصالون الواسع والشعور بالفخامة لمجرد رؤيتها واللمسات البسيطة مثل الانارة فى الابواب ومع مرايات الصالون
ولكن من وجه نظرى التكييف ضعيف
والعيب الخطير هو ان الشنطة ممكن تتفتح بسهولة فى الاشارة مثلا ممكن اى حد يسرقك بسهولة الا اذا كنت مغلق الابواب وبالتالى الشنطة
وشكرا على المشاركات الايجابية

[MaZaGAngeE]

موضوع التكييف ده اللي يخوف جدا
هل صحيح انه ضعيف ؟

[wawoo]

موضوع التكييف ده اللي يخوف جدا
هل صحيح انه ضعيف ؟

فى الميجان 3 انا شايف التكييف معقول جدا ..انا لم اصل لاقصى درجة فية حتى الان مثلا ...

موضوع التكييف دة نسبى لان فى ناس بتحب تعيش فى تلاجة 15 درجة تحت الصفر ...فبالنسبة ليها حيكون التكييف ضعيف اكيد...لكن انا شايفة مناسب جدا...

مش عارف بقى اية المقصود بالشنطة اللى حتفتح فى الاشارات ..حتفتح ازى و السنتر شغال ؟؟؟

[Mohab.Nabil]

فى الميجان 3 انا شايف التكييف معقول جدا ..انا لم اصل لاقصى درجة فية حتى الان مثلا ...

موضوع التكييف دة نسبى لان فى ناس بتحب تعيش فى تلاجة 15 درجة تحت الصفر ...فبالنسبة ليها حيكون التكييف ضعيف اكيد...لكن انا شايفة مناسب جدا...

مش عارف بقى اية المقصود بالشنطة اللى حتفتح فى الاشارات ..حتفتح ازى و السنتر شغال ؟؟؟

هو قصده ان الشنطة ممكن تفتحها من الزرار عادى لو السنتر لوك مفتوح ملهاش مفتاح من جوة يعنى

بس الكلام ده موجود فى الميجان و معظم العربيات الهاتشباك و انا شايفه مش عيب خالص

لأن الطبيعى و الأمن انك تقفل السنترلوك و انت ماشى .. حتى فيه عربيات بتقفل لوحدها لما تعدى سرعة معينة ( 20 او 15 )

[wawoo]

هو قصده ان الشنطة ممكن تفتحها من الزرار عادى لو السنتر لوك مفتوح ملهاش مفتاح من جوة يعنى

بس الكلام ده موجود فى الميجان و معظم العربيات الهاتشباك و انا شايفه مش عيب خالص

لأن الطبيعى و الأمن انك تقفل السنترلوك و انت ماشى .. حتى فيه عربيات بتقفل لوحدها لما تعدى سرعة معينة ( 20 او 15 )

ايوة ما هى الميجان و الفلويس كدة بتقفل لوحدها بعد ما تمشى شوية

هو فى حد بيمشى بالعربية و هى مفتوحة من غير سينتر . "ازى يعنى "