لمن يهمه الأمر : ملاحظات عن جسم الفلوانس

[Col. Eng. Khaled]

الأبواب الأربعة و الرفارف الخلفية مقفولة من الداخل

بالتالي في حال سمكرة خبطة بسيطة يلزم فتح العضم الداخلي و قفلة مرة أخرى

بالنسبة للأبواب مفيش أي فتحة ممكن تدخل إيد الصنايعي غير تجويف السماعة

أو الحل الآخر هو التغيير للقطعة .

حبيت أوضح جايز أفيد حد .

تحياتي للجميع .

[abd_el_7amid]

جزاك الله خيرا ياهندسة

[AutoTycoon]

للأسف انا مش فاهم يعني اية مقفولة :( مش كدا كدا الرفارف الأمامية لازم نفك كرتيرات بلاستك عشان تترد ؟ يا ريت حضرتك توضح لي اكتر

[wawoo]

بالنسبة للأبواب مفيش :n_no[1]: أي فتحة ممكن تدخل إيد الصنايعي غير تجويف السماعة

أو الحل الآخر هو التغيير للقطعة .

حبيت أوضح جايز أفيد حد .

تحياتي للجميع .

اهلا يا بشمهندس ...الابواب فيها اغطية بيضاء كدة من اللى شوفتة فى فيديو للباب من الداخل قبل كدة ..

هى الاغطية دى بعد العضم ..يعنى بعد الاغطية دى مافيش الصاج على طول و لا اية ؟

[Hany Saad]

من اللى فهمته من كلام العقيد خالد إن عند إزالة الباكتات البلاستيك اللى فى الأبواب يوجد زى غطاء صاج للباب من الداخل ( حامل الباكتات ) و هذا الغطاء الصاج مقفول عند الأطراف قفل بلاده (حاجة كده تشبه برشام الدوسره) و مفيش مدخل للصاج الخارجى غير من عند فتحة السماعات علشان الصنايعى يدخل إيده و يستعدل الخبطة أو و هو غير محبذ....فك الغطاء الداخلى من عند البرشام....

مش عارف أنا كده فاهم صح و لا لأ؟؟

[Waleed_Fathy]

الله يطمنك كده معناه انه اللى عنده خبطه فى باب يروح يشترى واجد ب 3000 جم
ربنا يسترها

[hugan]

لو حد حب يغير زجاج او مكنه الزجاج باظت ها يغيرهم ازاي

[Col. Eng. Khaled]

جزاك الله خيرا ياهندسة

و إياكم يا فندم .

للأسف انا مش فاهم يعني اية مقفولة :( مش كدا كدا الرفارف الأمامية لازم نفك كرتيرات بلاستك عشان تترد ؟ يا ريت حضرتك توضح لي اكتر

حضرتك كلامك صح بالنسبة لرفرف أمامي ، كلامي عن الخلفي .

اهلا يا بشمهندس ...الابواب فيها اغطية بيضاء كدة من اللى شوفتة فى فيديو للباب من الداخل قبل كدة ..

هى الاغطية دى بعد العضم ..يعنى بعد الاغطية دى مافيش الصاج على طول و لا اية ؟

تحت فرش الباب في صاج شبيه بطبلة (قشرة) الباب مصمتة إلى حد كبير و مفيش مساحة تسمح بحرية

الحركة لليد في أي إتجاه ، بمعنى أوضح طبلة (قشرة) الباب مش مكشوفة بعد فك فرش الباب زي أي باب .

من اللى فهمته من كلام العقيد خالد إن عند إزالة الباكتات البلاستيك اللى فى الأبواب يوجد زى غطاء صاج للباب من الداخل ( حامل الباكتات ) و هذا الغطاء الصاج مقفول عند الأطراف قفل بلاده (حاجة كده تشبه برشام الدوسره) و مفيش مدخل للصاج الخارجى غير من عند فتحة السماعات علشان الصنايعى يدخل إيده و يستعدل الخبطة أو و هو غير محبذ....فك الغطاء الداخلى من عند البرشام....

مش عارف أنا كده فاهم صح و لا لأ؟؟

كلام حضرتك أقرب ما يكون للصحة ، بعد فك فرش الباب الصاج الداخلي (العضم) متبنط بلحام الكهرباء .

لو حد حب يغير زجاج او مكنه الزجاج باظت ها يغيرهم ازاي

يسأل عنها فني أبواب مش فني سمكرة .

[MaZaGAngeE]

طيب ايه المشكلة
ممكن نفور اللحام و نشتغل براحتنا و بعد كده نبنط تاني زي الأول بس هنحتاج لحام شاطر و ماكينة لحام كهربا من نوع كويس

[Col. Eng. Khaled]

هو الحل الأمثل لتجنب فك "بنط" الكهرباء و إعادة لحامها بتكلفة عالية لحام تبنيط كهرباء أو (سمكرة و دهان مكان التبنيط) هو قطع العضم و لحامه تاني بإحترافية

لكن المصنعية مكلفة إلى حد ما .

عامة التوكيل بيشيل الباب و يركب غيره في أغلب الأحوال .

[Rsarabia]

لازم رينو تفتكس كدا مينفعش تعمل عربيات زى البنى ادمين تتفك و تتصلح بسهولة

[bukla]

نفس المشكله فى الكابوت عندى لما وقع عليه الكشك و اتطبق مش عارف حيتسمكر ازاي بسبب انه مقفول من كل ناحيه
شوفوا الصورتين دول تعرفوا انا اقصد ايه

[AutoTycoon]

رينو فاكرة كل الناس عايشة في اوروبا ، لو عربية اتخبطت بتترمى!

[M.Elwan]

الأبواب الأربعة و الرفارف الخلفية مقفولة من الداخل

بالتالي في حال سمكرة خبطة بسيطة يلزم فتح العضم الداخلي و قفلة مرة أخرى

بالنسبة للأبواب مفيش :n_no[1]: أي فتحة ممكن تدخل إيد الصنايعي غير تجويف السماعة

أو الحل الآخر هو التغيير للقطعة .

حبيت أوضح جايز أفيد حد .

تحياتي للجميع .

هو فى طريقة للنوع ده شفتها قبل كده بتتعمل فى العتب لو مخبوط لان العتب نفس الفكرة بالظبط وتنفع تتعمل مع مكان تانى مقفول لان شغلها خارجى من غير فك فرش الباب حتى
بس عيبة انه مينفعش يتعمل على البارد

[M.Elwan]

‫ط¬ط¹ط§ط² ط§طµظ„ط§ط ط§ظ„طµط¯ظ…ط§طھ ط¨ط¯ظˆظ† ط³ظ…ظƒط±ط©.flv‬‎ - YouTube

ده فى السعودية