لو رجع بيك الزمن شوية .. كنت برضه هتجيب فلوانس ؟

[Miss_Pharma]

ده بصراحة سؤال لملاك الفلوانس اجابته هتساعدني في اتخاذ قرار الشراء .. لاني محتارة جدا وكل لما اقول خلاص هستقر على عربية معينة الاقي فيها حاجة تخليني اعيد التفكير .. ودماغي هتنفجر ومش عارفة اخد قرار ..
فياريت اللي معاه الفلوانس يقولي بكل صراحة وامانة .. بعد ما اشترى العربية ومشي بيها شوية .. لو رجع بيك الزمن هتشتري فلوانس برضه ولا ندمان ؟ او مش ندمان بس حاسس ان كان ممكن بنفس السعر تجيب حاجة تانية افضل ؟

[shawkylotfy]

هات اوبترا احسن وارخص

[iaibrahim]

والنبى بلاش الرينو وقرفه خليكى فى اليابانى النيسان او اللانسر

[fdroubi]

والنبى بلاش الرينو وقرفه خليكى فى اليابانى النيسان او اللانسر

متهيألي الألماني ثم الأوروبي أفضل للي يقدر على الصيانة و قطع الغيار والتوكيل بس في المقابل ركوبة وعمر ما يعرفوش غير اللي ركب الألماني وكان راكب قبل كده ياباني او كوري في نفس الفئة. طبعا ده بإستثناء الفيات اللي هي برضه اوروبي بس مش عارف@!#!@#$!@#$

ثم الياباني أكيد وبالترتيب هوندا، تويوتا، مازدا، والباقي مش فارق عن بعضه قوي

ثم الكوري ثم الصيني.

الترتيب ده على اساس حلاوة الركوبة والثبات والعمر وده طبعا عكس سعر إعادة البيع.

يعني العربيات االي تمنها فيها عند اعادة البيع للاسف مش الألماني ولا الاوروبي

[tarek_rcc]

خدى بالك من موضوع اسعار قطع العيار وشوفى الموضوع دة ...

http://www.nilemotors.net/Nile/245807-a.html

أنا لسه راجع من التوكل الخبطه هاتكلف 8000 ده غير حاجة اسمها الدفرنتال الخلفيه كامله عاش العجله الشمال قلبت لبره وده واضح ده سعره حسب كلمهم مش بتصلح ده سعره لوحده 11928 يعني الأجماللي يايكن في حدود 23000 أو أكتر شوية...

[Ahmed Selim]

هو طبعاً أستنى الناس اللى معاهم فليونس يردوا على حضرتك

بس لو سألتينى نفس السؤال على الميجان هقولك أينعم و بالثلث كمان.

الأوروبى ركوبة مختلفة تماماً عن اليابانى......ثبات و أمان و كماليات أعلى......
و قطع غيار أغلى فى مقابل عمر أفتراضى أعلى برضه.
يعيب الأوروبى فى مصر سعر إعادة البيع.

و بخصوص الموضوع اللى حطه الأخ tarek rcc
الدفرنشيال الخلفية دى القنطرة الخلفية بتاعة العربية اللى بتشيل العفشة كلها.....و دى حاجة مش بتبوظ غير بحادثة لا قدر الله و التوكيل مش بيصلح فيها حاجة.....بيغير على طول.....و قطعة زى دى فى العربية سعرها مش مبالغ فيه قوى من التوكيل.....ليس دفاعاً عن التوكيل........بس هى عبارة عن بلوك حديد كده مع شوية جلب و حاجات تانية.

عموماً برضه علشان تعرفى الفرق بين التوكيل و بره

أنا كان عندى فى الميجان جلبة مكانها فى طرف القنطرة الخلفية و كانت بايظة......و ده مش عادى.....و مش فاكر بصراحة أسباب بوظانها أيه.....المهم التوكيل قالى القنطرة تتغير.

أنا رحت جبتها من الحرفيين ب 300 تقريباً و رحت لعفشجى محترم بتعامل معاه من زمان فك القنطرة الخلفية بالكامل و غير الجلبة و أخد 150 جم تقريباً.......يعنى بأقل من 500 جم كان الموضوع خلصان.

و أنصحك لو هتأمنى على العربية اللى ناوية تشتريها أياً كان نوعها......توكلى على الله فى الفليوانس و لو مش ناوية تأمنى يبقى خليكى فى حاجة يابانى......هتلاقى قطع غيارها أرخص شوية

[tameraast]

اى عربيه تصليحها فى التوكيل غالى و مبالغ فيه كمان

رينو + امن عليها = :)

[fdroubi]

تمام وعندك واحد
Like
للاستاذ عبد المقصود

إلا صحيح مافيش زرار (like) زي facebook ليه؟؟؟

[Ahmed Selim]

تمام وعندك واحد
like
للاستاذ عبد المقصود

إلا صحيح مافيش زرار (like) زي facebook ليه؟؟؟

يا فندم أعتير اللايك وصل :)


هو كان فى زرار شكر من فترة كبير و إتشال علشان كان عامل مشاكل تقريباً.

[وائل مختار]

يا جماعه صاحب الموضوع طالب طلب محدد من مالكى الفلوانس فياريت بلاش فتى على الفاضى وكلام على العربيه بدون علم مع احترامى للجميع

[Miss_Pharma]

شكرا على الردود .. جزاكم الله خيرا

[tareksedra]

ده بصراحة سؤال لملاك الفلوانس اجابته هتساعدني في اتخاذ قرار الشراء .. لاني محتارة جدا وكل لما اقول خلاص هستقر على عربية معينة الاقي فيها حاجة تخليني اعيد التفكير .. ودماغي هتنفجر ومش عارفة اخد قرار ..
فياريت اللي معاه الفلوانس يقولي بكل صراحة وامانة .. بعد ما اشترى العربية ومشي بيها شوية .. لو رجع بيك الزمن هتشتري فلوانس برضه ولا ندمان ؟ او مش ندمان بس حاسس ان كان ممكن بنفس السعر تجيب حاجة تانية افضل ؟

اسمحى لى انقل لك تجربتى وارجوا انها تساعدك فى قرارك وهنقل لها لك بكل حياديه انا من مالكى العربيه من الدفعات الاولى من اول مايو 2010 يعنى تقريبا داخل على سنه و نص و استهلاك حوالى 22500 كيلو الحقيقه قبل ما اشتري العربيه كنت فى نفس حيرتك وخياراتى كانت اوكتافيا او جيتا الحقيقه الفلونيس حققت لى معادله صعب ان اى عربيه تحققها مقابل القيمه المدفوعه لعربيه اوروبى صانع متميز زى رينو العربيه اقل من مثيلاتها و فئتها زى الاوكتافيا و الجيتا ما بين 40 الف الى 60 الف ورغم الفروق الماليه الكبيره الا انه لا توجد فروق تقنيه كبيره بل بالعكس توجد مميزات فى الفلوينس عن منافساتها و العكس يعنى الامور متساويه فنيا سواء تكنولوجيا او اداء يمكن الميزه الوحيده فى الاوكتافيا مثلا سعر اعاده البيع و ان كانت الفلوينس و اللوجان اعادا تقييم المستعمل من جديد و الرينو هيكون سعر اعاده البيع منها بعد كده افضل بكثير عن الاول و اعتقد بشده انه سيكون فى الطبيعى
اداء السياره ممتع جدا انا بشبهه بالبلاي استيشن من دقه توجيه العربيه وسهولته مع انظمه فرامل متميزه جدا (انا عملت تست درايف للجيتا و الاوكتافيا و شخصيا ركبت عربيات كتير ) الرينو عموما من العربيات ذات الشخصيه لها طعم مختلف فى قيادتها علشان كده معظم مالكى الرينو بيحبوا عربياتهم و لما بيغيروا غالبا ما بيكون للرينو الاولويه
ما على العربيه: حجم العربيه كبير شويه ومساحه الرؤيه من مرايه الصالون غير جيده و ان كان مرايات الجنب اكثر من ممتازه لكن العربيه محتاجه حرص شويه لو قائدها لسه بيتعلم او مستواه مش قوى
اكسوارات العربيه زى كل الجديد غاليه جدا لا قدر الله فى حاله الحوادث تكلفتها بتكون كبيره لو حضرتك مش هتأمنى على العربيه هتكلف كتير فى حاله الحوادث
الموتور ادائه مش رياضى على السرعات البطيئه وطلعه العربيه زى اى عربيه اوروبى تقيله شويه لكن العربيه بتقدم اداء رائع لو تم قيادتها بشكل رياضى شويه لان الفتيس به ثلاث انظمه قياده منها القياده الرياضيه و بيتحول لها من اسلوب قيادتك للعربيه
غير كده العربيه شيك جدا اداء و ثبات رائع جدا انا مشيت بالعربيه على 180 و مثبت السرعه لفتره مش قليله و اخدت بيها ملفات (طبعا ملف عادى ) بدون اى قلق
والاهم من كل شىء حضرتك لازم تعملى تست درايف على العربيه علشان تقدرى تحكمى على العربيه من وجهه نظرك و رينو بتوفر خدمه التست درايف

[Miss_Pharma]

اشكرك على ردك الوافي .. انت كده رجعتلي الحيرة تاني بعد ماكنت صرفت نظر عنها ..
ربنا يقدم اللي فيه الخير ..

[adfarouk]

فياريت اللي معاه الفلوانس يقولي بكل صراحة وامانة .. بعد ما اشترى العربية ومشي بيها شوية .. لو رجع بيك الزمن هتشتري فلوانس برضه ولا ندمان ؟ او مش ندمان بس حاسس ان كان ممكن بنفس السعر تجيب حاجة تانية افضل ؟

الحمد لله مش ندمان خالص ..... العربية بسم الله ما شاء الله 10\10

[alumni]

نصيحة لوجه الله هاتى نيسان بلوبيرد سيلفى او هوندا سيفيك الجديدة اللى لسة هتنزل و بلاش فرنساوى خالص و لا رينو ولا بيجو ولا سيتروين دى نصيحة والله و حضرتك زى منتى عايزة انا معايا فلوانس 2011 بس مش عايز اتكلم علشان انا كل متكلم هنا الناس تهاجمنى و ابلها كان معايا نيسان سوبر صالون مش هقولك غير انى ندمان و بس افهمى انتى الباقى و ربنا يوفققك ان شاء الله فى الاختيار