Tweet
إستفسار بسيط يا مالكى " الاسطورة " ميجـان
السلام عليـكم ورحمه الله تعالى وغفرانه ورضوانه وبركـاته
بعد التحيـة والسلام ، أحب اعرفـكم بنفسـى ، أنـا أخوكـم الصغير سـامر مُرسـي
طالب بكليـة الهندسـة - قسم إتصالات - بكالوريوس السنة دى إن شاء الله ... الحقيقة أنـا كنت مشترك فى المنتـدى من قيمـة سنتيـن أو تلاتة ، وما زلت الحمد لله ، وكنـت بتابع يومياً كل أخبار المنتدى وحصرياته ، فى كل فئـات السيارات .
بس للأسف نادراً جداً جداً لمـا أشارك فى موضوع من موضوعات الأعضاء ، اللى بجد والله أستفدت منها كتير جداً ، رغم إنـى مكنتش بفهم أى حاجه فى مجال السيارات ، وبفضل الله سبحانه وتعالى وبفضلكـم جميعاً قدرت إنـى أجمع أكبر قدر معلومـات عن مزايا وعيوب فئـات كتيرة من السيارات .
و فى الفترة اللى فاتت دى ، أعجبت جداً بقسـم الرينـو ، وبالتحديد بالجميلة " ميجـان " ، بجد أنا بحسـد مالكـيهـا على هذه الأسطورة ، يمكن أنا الأحساس دة جالى من كلام الأعضاء عليهـا ، يمـكن لما اركبهـا أو أسوقها الأحساس يزيد أكتر إن شاء الله . لان خصوصاً من 5-6 شهـور والدى قرر أنه يغير العربية بتاعته ، وهو حالياً معاه " فيات 131 موديل 1979 " ، فأنا فضلت الفترة دى كلها أدور على فئـة معينـة فى الرينج من 60-70 ألف .. وبجد أتبهرت بالميجـان ، وبقيت كل يوم أقرء عنها كتير ، وخصوصاً موضوعات الأعضاء اللى فى المنتدى هنـا ، اللى مش سايبين لا كبيرة ولا صغيرة إلا لما أتكلموا عنها فى العربية .
فأنا ليا أستفسار يا جماعه ، كنت حابب اقوله عنها يا ريت لو تقدروا تجاوبونـى عليه
أنا كنت قارى عن عيوب و مميزات العربية .
يعنى مثلا من أكبر العيوب اللى بتواجه العربية هى سعر إعادة البيع ويمكن اسعار قطع غيارها وكمـان بيبقى فى أعطال كهربائية كتيرة ، وكمان سمعت واللى خضنـى أوى إن واحد بيقولى إن الصـاج بتاعها ورق وبيقولى " دأنا قبل كدة طفيت فى الصاج سجارة ، فأتخرم " !!! الحقيقة أنا اتصدمت ، أكيد كان بيبالغ شوية
فمشكلة " سعر أعادة البيع " ، والدى إن شاء الله مش ناوى يبيع العريبة ، يعنى هنتوارثها إن شاء الله
، ومن ناحيـة اسعار قطع الغيار فإن شاء الله مفيهاش قلق ، لان شوفت كذة مرة تقارير عن أسعار قطع غيارها ، وإن شاء الله والدى هيقدر على مصاريفها ، خصوصاً إنها اسعار معقولة إلى حداً مـا .. و كمان أنا هركبها ، فأنا و والدى ملناش فى الشد والغـرز والحاجات دى بإختصار أحنا عاوزين عربية تكون فيها اوبشن جميل ومريحـة وعائليـة ومعمـرة ، لآننا تعبنـا من القديم ومشاكله الكتـيرة اللى مابتخلصشـى ، اللى تقريباً كل يومين تلاته عن كهربائى وميكانيكـى . فبالله عليكـم يا جماعه تنصحونـى ، هل العربية كويسة إن والدى يجيبها ولا لاء ،، مع الأخذ بعين الإعتبار إن الناس بتقول إن اعطالها كتيرة ، وصاجها ورق ومش عارف إيه !! وأنا بصراحة معجب بيها جداً وأقنعت والدى بيها ، بس خايف أن والدى يندم فى يوم أنه اشتراها .
وأنا اسف أنـى طولت عليـكم جداً ، أعذرونـى ...
وربنـا يجازيـكم كل خيـر .
ويعنى التكييف كويس جدا بس لو قارنته ب الانوس تحس ان درجه البروده اشد سنه
Comment