استشاره في رينو كليو 2004

[sammor_28]

السلام عليكم ياوحوش
انا معايا كليو 2004 ولما باجي اطلع بالعربيه من السكون الاقي العربيه بتترعش ( بالتحديد الموتور بيتهز )
انما طول ما انا ماشي عادي وبين الغيارت عادي مافيش مشكله
ياترى دي ممكن تكون مشكله ايه؟
مع العلم اني لسا مغير شداد فتيس وجبت نوع تركي ب 100 جنيه كنت فاكر الرعشه منه والقديم فعلا كان بايظ وركبت الجديد وماحستش بفرق.
وياريت لو حد منكم يعرف ميكانيكي رينو كويس ويكون عنده ضمير بس بلاش المعادي لأنها بعيده عليا.
وشكرا ليكم ياوحوش

[إبراهيم المصرى]

الف مبروك الكليو عربيه كويسه
والرعشه بيبقى المتهم الرئيسى فيها فى الاغلب الاعم فى اى ماركة هى اسطوانه الدبرياج او الديسك يعنى مجموعة الدبرياج
وعلى فكرة قبل مكمل اللى حضرتك كتبه كنت هقولك انا بسمع عن ميكانيكى كليو مشهور فى صقر قريش فى المعادى
وبالتوفيق

[ramy_gamal]

زى ما قال استاذ ابراهيم بس مع ملاحظه ان السبب الاساسى فى الرعشه حاجه اسمها الفورش ودة مبيتغيرش لوحدة لازم المجموعه كامله ( ديسك واسطوانه وفورش ) لو السطوانه لسه بحالتها وسحب العربيه كويس واستهلاك البنزين عادى خليك ماشى كدة لانه ملوش اى اضرار تانيه غير الرعشه وانت طالع بس

[sammor_28]

شكرا يارجاله بجد افدتوني وريحتوني كمان لأني كنت قلقان
والحمد لله المشي والأستهلاك والسحب عادي مافيهوش مشكله
ان شاء الله شويه كده وابقى اغيرهم باذن الله
بس ياريت لو حد منكم يعرف اسعار بالتقريب حتى اكون شاكر ليكم جدا

[ramy_gamal]

شكرا يارجاله بجد افدتوني وريحتوني كمان لأني كنت قلقان
والحمد لله المشي والأستهلاك والسحب عادي مافيهوش مشكله
ان شاء الله شويه كده وابقى اغيرهم باذن الله
بس ياريت لو حد منكم يعرف اسعار بالتقريب حتى اكون شاكر ليكم جدا

العفو يا فندم
اعتقد سعر الطقم فى حدود 500 جنيه بس مش متاكد

[sammor_28]

تسلم ياباشا بجد والله

ربنا يخليكم لنايل موتورز

[إبراهيم المصرى]

ممكن متخدش بالك نظراً لان الكليوعربيه بتوفر بنزين بشكل كبير فممكن تكون الاسطوانه مأثره فى معدل الاستهلاك من غير ما يبان