مشكلة في كاسيت الميجان 2

[matrix3030]

السلام عليكم
عندي عربيه ميجان 2 اخر 2006 هاي لاين روحت مره اغسلها من جوه جاف يظاهر انهم جابوا ماده على الكاسيت المهم الكاسيت مش بيطلع صوت خالص لكنه شغال وشغاله الاسكرين بتاعت العربيه عادي
روحت التوكيل قلت جايز يكون short circuit غي السمعات المهم شالوا الكاسيت وحطوا كاسيت جديد وجدوا ان السماعات شغاله وبالتالي قالوا لي انا الكاسيت فيه شبايه اتحرقت علشان كده مش بيطعل صوت
طبعا سعر الكاسيت في التوكيل 4000 جنيه

السؤال هل ممكن تصليح الكاسيت ده؟؟؟
لو ماينفعش ممكن اشتريه من فين مستعمل او استيراد ؟؟؟؟؟

[nodey]

شوف حضرتك لو الكاسيت شغال بور ومنور عادي بس مفيش صوت خارج يبقي الشيب بتاع الصوت اتحرقت ودي بتتغير عادي عند اي واحدمتخصص صيانة كاسيت سيارات وسعرها مش هيتعدي 20 ج مع اجرة التصليح والتركيب زيهم يبقي الموضوع حسبة 50 ج وفقط

[Hany Saad]

شوف حضرتك لو الكاسيت شغال بور ومنور عادي بس مفيش صوت خارج يبقي الشيب بتاع الصوت اتحرقت ودي بتتغير عادي عند اي واحدمتخصص صيانة كاسيت سيارات وسعرها مش هيتعدي 20 ج مع اجرة التصليح والتركيب زيهم يبقي الموضوع حسبة 50 ج وفقط

كلام حضرتك مظبوط لو الكاسيت من الموديلات القديمة.....بيبقى فعلا تصليحه عادى زى ما بتقول.....

لكن للأسف لو من البوردات الجديدة و هو الأوقع بتبقى غالبيتها double layer و المكونات بتبقى micro components و دى مينفعلهاش غير تغير كارتة كامل.........

أنا بصراحة مشفتش بوردة كاسيت الميجان إيه لكن أغلب الظن هتكون double layer......

[nodey]

بشكر حضرتك علي ثقتك
شوف حضرتك انا مهندس الكترونيات وكان عندي مركز صيانة معتمد لانواع كتتير من التليفزيونات والكاسيت
وطبعا سيارتي كليو 2004
ونا فتحت الكاسيت اللي فيها وهو عادي شريط تاب مش سي دي
الشيب المسؤولة عن الصوت باينة وواضحة ومثبة علي جسم الكاسيت عشان التبريد وغالبا عشان تحل هذه المشكلة
لابد من غسيل البوردة بتاع الكاسيت كلملة بلاسبراي المنظف ويجفف باستشوار علي الساخن المتوسط وبعديت نفك الشيب بتاع الصوت ونجيب نفس رقمها من عندي رايد شاك او النخيلي او اي محل قطع الكترونيات عندكم
مع ملاحظة ان عملية فك الشيب تتم بالشيلد وليس بشفاط القصدير لانها زي ما قولت بتمونواصلة علي دبل لاير
وعادي جدا ياما غيرت زيها لاجهزة اقوي واغلي من اجهزة الكاسيت بتاع الرينو
,بتكون اي سي الصوت مثبت علي الجسم النحاسي الموضح بالصورة دي لامها بتعمل كمشتت للحرارة
http://im10.gulfup.com/2011-10-01/131749624561.jpg
وده شكل سيب الصوت
http://im12.gulfup.com/2011-10-01/1317496663891.jpg
تقبل تحياتي

[nodey]

وده تقريبا رقم الشيب بتاع الصوت بس يفضل قراءة الرقم المدون علي الموجودة بالكاسيت TDA 73856228b

[matrix3030]

فعلا الكاسيت منور وشغال بور لكن مافيش صوت على فكره هوه كاسيت سي دي
طيب حد يا جماعه يعرف حد ثقة يعمل الموضوع ده ؟؟؟؟
طيب في حاله فشل التصليح ممكن اجيبه استيراد من فين ؟؟؟؟؟؟
انا متشكر اوي على الافادة والردود

[matrix3030]

العضو Nodey بما انك مهندس الكترونيات ايه الصباع الاسود اللي في الكاسيت من ورا وظاهر في الصوره المرفقه اللي بعتها لانه موجود في الكاسيت عندي

[nodey]

بص حضرتك لو بصيت عليه تلاقيه من وجهة نظرك فين فايدته
انا اقلك هو فيدته سنادة للكاسيت عشان لما يدخل المجرة بتاعته ميتقلبش للخلف
تحياتي

[MoHamdy]

فعلا الكاسيت منور وشغال بور لكن مافيش صوت على فكره هوه كاسيت سي دي
طيب حد يا جماعه يعرف حد ثقة يعمل الموضوع ده ؟؟؟؟
طيب في حاله فشل التصليح ممكن اجيبه استيراد من فين ؟؟؟؟؟؟
انا متشكر اوي على الافادة والردود

اعتقد ان الجهاز بتاعك ممكن يتصلح عادى عند اي حد بتاع كاسيت وان كنت بفضل محل كبير زي ادريان او كلاريون (يعنى الناس دي مضمونة في شغلها وانا مجربهم في تصليح الكاسيت بتاعي).

بالنسبة للاستيراد:

ال Tuner List وسعره ف حدود 200ج وال updated list ب 500ج فهتلاقيه عند كتيييير من بتوع الاستيراد زي بشطر - الشيخ جمال - زعتر ودول في الحرفيين أو المصطفى في صقر قريش المعادي
اما بالنسبة لل mp3 فده قليل جدا ومش هتلاقيه عند بتوع الاستيراد بسهوله بس ممكن الوحش مومو يتصرفلك فيه وهو سعره ف حدود 1000ج.

[matrix3030]

طيب في فرق كبير بين Tuner List ,و ال updated list?????
او ايه الميزه اللي هاتخليني افضل updated list

[nodey]

الميزة انك تقدر توصل عليه وصلة عند اي محل تصليح كاسيت ويخرج منه جاك توصله مباشرة علي الابي باد واو اي تليفون محمول تشغل عليه ملفات ام بي ثري
وسلامتك

[matrix3030]

الله يسلمك