استشاره الرجاله مطلوبه : ان شاء الله هجيب فلونس

[etrder63]

الفئة دى فيها 6 إيرباج و دى إلى بـــ 142000 و معاية لانة يوجد 3 فئات من الفلونس معرفش الفئة الإقل فيها كام هسأل و أرد عليكم

انا معايا الفئة اللى ب 142000 ومفيهاش ESP وعدد 2 ايرباج فقط وفعلا كل الfluence لايوجد بها ESP وال 6 ايرباج فى الفئة اللى فيها الزنون اللى هيا ب 167000 والله أعلم

[hugan]

آه كنت فاكره بيقول على فلوانس



لا يا باشا تفرق كتير جدا
اسبيرانزا ممكن تجري ل 170 لكن العربية لا فيها شاسيه و لا فيها صاج و لا فيها امان
الخامات و التصميم يفرقوا كتير جدا جدا

عرفت ازاي
جربتها

[MARTINDALE]

السلام عليكم

هنا سأعطيك أبشن الموديل الوسط من الفلونس إللى هو بــــ 142000

1- التكييف لكل راكب أمامى منفصل يمكنك ضبط الحرارة كلا على حدا
2- باور ستيرنج كهربائى.
3- سنترلوك يغلق طلقائي بعد سرعة 20 كم/ ساعة و تقوم السيارة بغلق نفسها فى حالة تركها مفتوحها لمدة 10 ثوان .
4- زجاج كهربائى لـ4 أبواب يفتح و يغلق بلمسة واحدة.
5- مثبت سرعة (تحكم من الدركسيون).
6- محدد سرعة (تحكم من الدركسيون).
7- كاسيت cd mp3 (تحكم من الدركسيون) مع خاصية تعلية وخفض الصوت حسب سرعة العربية.
8- abs + ebd + esp
9- key less يقفل السيارة بالكامل و يضم المرايات و ايضا لا تحتاج لوضع الكارت فىالطابلوة يمكن تشغيل السيارة و الكارت فى جيبك
10- البلوتوز و هو يرسل رسالة للمتصل كالاتى ( wait driver will answer ) و هو أيضا full car kit
11- المرايات كهرباء و ضم كهرباء
12- سنسر مطر
13- سنسر إضاءة
14- خاصية follow me إضاءة نور السيارة بعد غلقها لمدة 30 ثانية فى حالة إحتياجك لإضاءة الجراج أو الشارع
15- ناقل حركة مانيوال و أتوماتيك (سيتبترونيك)
16- جنوط 205/55 r 16
17- 6 إيرباج.
18- فوانيس شبورة.
19- ستائر جانبية و خلفية built in
20- الفرش أحرفة جلد.
21- إمكانية التحكم فى شدة إضاءة التابلوه.
22- إمكانية التحكم فى إرتفاع مستوى النور الخارجى للسيارة.
23- شاشة معلومات توضح (درجة الحرارة - الـ cd و الراديو و التليفون)
23- كميبوتر معلومات يوضح الأتى: (متوسط إستهلاك البنزين / إجمالى إستهلاك البنزين / كم كيلو متر متبقي للوصول لأقرب محطة بنزين / متوسط السرعة / عداد رحلات / أعطال السيارة / ميعاد الصيانة) أيضا توضيح فى هذة الشاشة حالة فتح الأبواب أو الشنطة مع الصوت

هذة الكماليات جميعا موجودة فى الموديل الوسط يضاف عليها (فتحة السقف+الزينون+الباركسنسر+فرش جلد كامل) فى الموديل اللى بــ 167000

على ما أظن ان هذة الإمكانيات كلها غير موجودة فى المازدا و لا الإلنترا و لك حرية الإختيار.

الف شكر يا عزيزي على كل حرف انت كتبته وتسلم ايدك بجد..... بس ممكن حضرتك تقولي ايه اللي مش موجود من المميزات اللي ذكرتها في الفئه 132 ؟؟؟

[MARTINDALE]

يا باشا هو كان بيتكلم على الالنترا فى الثبات بعد ال 140 مش الفلوينس

حبيب قلبي يا غالي .... انت فاهمني .

تشرفت بمراسلتك واتمنى لو اعرفك اكتر .... اخوك د.احمد

[MaZaGAngeE]

عرفت ازاي
جربتها

يا باشا دور على يوتيوب عن اختبارات التصادم بتاعة العربيات الصيني
و كمان لسه العربيات دي مش متوافق عليها تدخل اوروبا و امريكا ( ماعدا شركة واحدة او 2 بالكتير )
هيه بتبيع بس في اسيا و افريقيا عشان رخيصة و ممكن تمشي حالك بيها
لكن عشان تقول دي عربية تعتمد عليها ....... لأ آسف مش موافق خالص على كده

[MaZaGAngeE]

عرفت ازاي
جربتها

يا باشا دور على يوتيوب عن اختبارات التصادم بتاعة العربيات الصيني
و كمان لسه العربيات دي مش متوافق عليها تدخل اوروبا و امريكا ( ماعدا شركة واحدة او 2 بالكتير )
هيه بتبيع بس في اسيا و افريقيا عشان رخيصة و ممكن تمشي حالك بيها
لكن عشان تقول دي عربية تعتمد عليها ....... لأ آسف مش موافق خالص على كده

[Megane]

انا معايا الفئة اللى ب 142000 ومفيهاش esp وعدد 2 ايرباج فقط وفعلا كل الfluence لايوجد بها esp وال 6 ايرباج فى الفئة اللى فيها الزنون اللى هيا ب 167000 والله أعلم

كلام مضبوط انا تأكت منة بنفسى و أعتزر لعدم علمى فى الاول

[raedegypt]

يا شباب انا محتار جدا جدا ودماغي هتشيط..... عايز اجيب عربيه ومحتار بين كذا نوع.

1- الالنترا الجديده : 2 من اعمامي جربوها وباعوها بعد شهرين تقريبا لانهم ما ارتاحوش فيها مع ان واحد منهم نازل من كورولا وقبلها النترا 2007 .
2- المازدا : بس مش عاجباني ((بدون سبب واضح ))
3 - الفلونس : بصراحه مخيشه في دماغي بس قلت برضوا اسئل الرجاله عن اخبارها .

من ناحيه القياده بشكل عام والثبات على الطريق ((زي الالنترا ريشه ولا راسيه؟؟))
الصيانه والتوكيل
هل يوجد مشاكل عامه منها
ان شاء الله ناوي اجيب اول فئه اوتوماتيك بسعر 132 الف حسب علمي .... ممكن حد يتكرم يقولي المواصفات الموجوده فيها ايه ((صاحبكم غشيم )) . يعني مثبت سرعه وسنسور بارك واير باج ورافع زجاج وخلافه .

شكرا لكم وادعولي

الالنترا 2012 الافضل .. الفلونس عربيه سامسونج كورى وتقفيل تركى وعليها علامه رينو فقط

[Megane]

الف شكر يا عزيزي على كل حرف انت كتبته وتسلم ايدك بجد..... بس ممكن حضرتك تقولي ايه اللي مش موجود من المميزات اللي ذكرتها في الفئه 132 ؟؟؟

السلام عليكم
لا شكر على واجب ولكن الفئة اللى بـــ 132000 لا يوجد بها
1- سنسر المطر
2- سنسر الإضاءة
3- جنوط حديد بطاسة خارجية و ليس جنط سبور
4- مفتاح عادى تماما و ليس كارت Key less
بإختصار هى
مانوال و ليست ستبنرونك و واحدة إرباج فقط للسائق و الفرامل ABS + EBD
و أنا شايف 10000 جنية فرق مش حكاية حتى لو هتقسطهم
و شكرا

[abusara]

ازاي النترا افضل من الفلونس .. طبعا من وجهة نظري كلام غير منطقي وبعدين مافيش حاجة اسمها عليها علامة رينو وخلاص .. دا كلام برضة غير منطقي .. العربية تعاون فرنسي تركي كوري خلطة غاية في الروعة اقرب الى الكمال .. علامة رينو مش لعبة

[Mandible]

الالنترا 2012 الافضل .. الفلونس عربيه سامسونج كورى وتقفيل تركى وعليها علامه رينو فقط

يا جماعة انتو لسة معرفتوش الراجل ده ولا ايه :) ... الراجل ده عميل عند هيونداي بياخد عمولة في مقابل انه يحسن صورة هيونداي امام الفئات المنافسة و يسوء سمعتها كمان .. و هو مشهور في المنتدى بكده و راجعو مشاركاته عشان تتاكده .. و محدش يقلق من الكلام اللي بيقوله عشان 100 % غلط
بس انا كفلونسي .. بنبسط من كلامه :)

[hugan]

يا باشا دور على يوتيوب عن اختبارات التصادم بتاعة العربيات الصيني
و كمان لسه العربيات دي مش متوافق عليها تدخل اوروبا و امريكا ( ماعدا شركة واحدة او 2 بالكتير )
هيه بتبيع بس في اسيا و افريقيا عشان رخيصة و ممكن تمشي حالك بيها
لكن عشان تقول دي عربية تعتمد عليها ....... لأ آسف مش موافق خالص على كده

اليوتيوب
اممممممممم
لكن كويس ان شركه او اتنين قدروا يدخلو اوروبا
لكن المفروض اننا نمنع دخولها مصر هي والكوري
وكل المصريين يركبوا اوروبي حتي لو لو جان علي اساس انها اوروبي حتي لو بالا نتساب
او اضعف الايمان يركبوا ياباني

[raedegypt]

[QUOTE=Mandible;3873849821]يا جماعة انتو لسة معرفتوش الراجل ده ولا ايه :) ... الراجل ده عميل عند هيونداي بياخد عمولة في مقابل انه يحسن صورة هيونداي امام الفئات المنافسة و يسوء سمعتها كمان .. و هو مشهور في المنتدى بكده و راجعو مشاركاته عشان تتاكده .. و محدش يقلق من الكلام اللي بيقوله عشان 100 % غلط
بس انا كفلونسي .. بنبسط من كلامه :)[/QUOTE
..........................................
يمنع التهكم على الأعضاء
مشرف عام 8
1106
0610

[MaZaGAngeE]

اليوتيوب
اممممممممم
لكن كويس ان شركه او اتنين قدروا يدخلو اوروبا
لكن المفروض اننا نمنع دخولها مصر هي والكوري
وكل المصريين يركبوا اوروبي حتي لو لو جان علي اساس انها اوروبي حتي لو بالا نتساب
او اضعف الايمان يركبوا ياباني

دخول الشركتين دول اوروبا معناه ان مستواهم اتحسن و بقوا قادرين يعملوا حاجات موافقة للمواصفات . و مش معنى اني مش بحبها اننا نمنع دخولها بالعكس المفروض تدخل لأن كل صناعة ليها زبونها , المشكلة ان الجمارك مخلية سعر الصيني قريب من الكوري مع فارق مستوى الجودة .
يا ريت كل المصريين يركبوا امريكاني مش اوروبي و لا ياباني ... احنا مش اقل من غيرنا بالعكس احنا افضل شعب ربنا خلقه

[MaZaGAngeE]

.................................................. ...................................

معرفش انت بتاخد عمولة فعلا و لا لأ بس انت دايما بتشكر في هيونداي زي ما تكون شريك في الشركة ... و انا قبل كده عملت فيك شكوى بسبب كده ........... ممكن تكون دي حاجة نفسية عندك مخلياك بتشكر في هيونداي حتى لو بنقارنها بمكوك فضاء