مشكله فى نقلات ميجان 2

[solly1979]

السلام عليكم يا شباب
عندى الميجان فى النقلات العكسيه بتهيس شويه
يعنى لما اكون ماشى على 90 واضرب فرامل وتنزل من الرابع الى الثالث بفوت RPM يعنى بكون ماشى 2 ونص وهى بتنقل الى التالت بتجيب 3 RPM وهكذا لغية الاول
انا بتعامل مع فرنش موتورز فى الرحاب
خليت المهندس يجربها قالى البوابه عايزة تنظيف ب 150 جنيه
انا مش متأكد ان تنظيف البوابه هيحل حاجه
مع العلم انه كش عليها بالكمبيوتر وقالى حساس الأنشجشن عايز يتغير ميدى فولت فى system
ب 460 وقالى دة هيقلل من سحب العربيه شويه ويخلى العربيه تاكل بنزين شويه قلت اغيرة الصيانه الى جايه بعد 5 الاف

مستنى رد الشباب فى السؤلين دول ؟؟

[Rsarabia]

غالى جدا جدا جدا 150 جنيه لتنظيف بوابة ؟؟
شوف فلتر الهوا غالبا هتلاقى سيئ و الاحسن تغيره و ممكن تنضف البوابة عند ميكانيكى ميجان هتبقى ارخص و مش هتاخد خمس دقايق
اكشف كمان على البوجيهات

[scraper2012]

دانا نضفت البوابة لوحدي في 10 دقائق من غير فلوس !!!!!!!!!!!!!

هما 6 مسامير بس

[solly1979]

غالى جدا جدا جدا 150 جنيه لتنظيف بوابة ؟؟
شوف فلتر الهوا غالبا هتلاقى سيئ و الاحسن تغيره و ممكن تنضف البوابة عند ميكانيكى ميجان هتبقى ارخص و مش هتاخد خمس دقايق
اكشف كمان على البوجيهات

البوجيهات جديدة والفلتر وكله اصلى وبردة العربيه قبل وبعد نفس الموضوع
150 لانه مركز معتمد
طب حد يعرف حد يكون موثوق فيه فى مدينة نصر شارق دمشق السابع ؟؟

[solly1979]

دانا نضفت البوابة لوحدي في 10 دقائق من غير فلوس !!!!!!!!!!!!!

هما 6 مسامير بس

طب احكيلنا يا باشا نضفتها ازاى وليه هل كانت بيتعمل حاجه معاك فى النقلات ولا مجرد نضافه ؟

[moz]

يا جماعه بطلو فتى بقى المشكله زى ما قال المهندس انو حساس ديفيزير ادو العيش ل خبازه

[solly1979]

يا جماعه بطلو فتى بقى المشكله زى ما قال المهندس انو حساس ديفيزير ادو العيش ل خبازه

انا مش فاهم حضرتك المهندس قال ان المشكله فى النقلات دى سببها تنضيف البوابه مش الحساس ؟؟

[Rsarabia]

ايه علاقة حساس الديفيزر بكتمة البوابة ؟؟

[Shiref_mohamed]

يا جماعه بطلو فتى بقى المشكله زى ما قال المهندس انو حساس ديفيزير ادو العيش ل خبازه

الناس مش بتفتي ولا حاجه وعيب انك تقول كده ..
الناس بتحاول تساعد صاحب الموضوع وكله على قد علمه ..
وفي الأخر صاحب الموضوع مش مجبر انه ياخد بكلام حد ديه وجهات نظر

[solly1979]

بجد يا جماعه انا موصلتش لحاجه لغية دلوقتى ولا حد ادانى عقاد نافع ؟؟؟؟؟

على العموم انا هبدأ بتنضيف البوابه واشوف هتحل المشكله و لآ

[inspiron]

يا جماعه بطلو فتى بقى المشكله زى ما قال المهندس انو حساس ديفيزير ادو العيش ل خبازه

إنت في منتدي محترم وبتتكلم مع ناس محترمين.مش عيال صغيرة بتلعب معاك سيجا عشان تقولهم بطلو فتي بقي.وفر إنت بقي خبرتك لنفسك بدل ما في الآخر تطلع إنت المفتي