الحمدلله ربنا وفقني انهاردة وانضميت لأسرتكم الجميلة بميجي 2008 الجميلة :)

[abdo_2812]

السلام عليكم ورحمة الله وبركاته


انهاردة الحمدلله وبتوفيق الله اشتريت عربية ميجان 2008 سيدان، وبكده أكون انضميت رسمي لأسرة رينو الجميلة جدا، ويارب أكون عضو مفيد في الأسرة الجميلة دي زي ما كنت مستفيد جدا في صمت وعن بعد خلال الفترة الماضية


وأجمل تحية إلى أحلى أسرة في المنتدى :)
أخوكم في الله
عبدالله

[ugaritian]

مبروك اخي عبد الله، عاملة كام كيلو، و اخدتها بكام... و لونها?

[engtmk]

السلام عليكم ورحمة الله وبركاته


انهاردة الحمدلله وبتوفيق الله اشتريت عربية ميجان 2008 سيدان، وبكده أكون انضميت رسمي لأسرة رينو الجميلة جدا، ويارب أكون عضو مفيد في الأسرة الجميلة دي زي ما كنت مستفيد جدا في صمت وعن بعد خلال الفترة الماضية


وأجمل تحية إلى أحلى أسرة في المنتدى :)
أخوكم في الله
عبدالله

الف مليووووووون مبروك يا اخ عبد الله

ربنا يعطيك خيرها ويكفيك شرها.


:* اهلا بيك اخ جديد

[minicooper20]

الف مبرووووووووووك يا رب

[Ahmed Selim]

ألف مبروك عليك.........ربنا يديك خيرها و يكفيك شرها.

[amr_elbazz]

مبروك عليك وبالتوفيق دايما ان شاء الله

[Mohab.Nabil]

الف مبروك و ان شاء الله تستمتع بيها

[midohits]

مبروك يا باشا ولو قدر الله فيه اي مشكله فيها قولنا واحنا هنفيدك الحمد لله مبروك مليون مره

[ahmed.badie]

الف مبروووووك و ربنا يرزقك خيرها و يكفيك شرها و كنت عاوز اعرف جبتها منين و بكام و عامله كام كيلو و اني فئه اصلي اليومين دول بدور و مش عارف اوصل لاي حاجه و محتاج اجيب واحده 2008 او 2009 في اقرب وقت علشان بعت عربيتي و لك جزبل الشكر و جزاك الله كل خير

[Rsarabia]

الف الف مبروك و ربنا يديك خيرها و تتمتع بيها و يبعد عن العين و خلى بالك اليومين دوووووووول بالذات هتتحسد حسد السنين

و مستنيين التقرير منك بقا ايه عجبك فيها و ايه مش عاجبك و يا ريت لو تقولنا هى اى فئة و كام كيلو و لونها ايه و بكام و رقم الشاسية و رقم الموتور ههههههه

[abdo_2812]

الف مليووووووون مبروك يا اخ عبد الله

ربنا يعطيك خيرها ويكفيك شرها.


:* اهلا بيك اخ جديد

الله يبارك فيك
اللهم آمين
وجزاك الله كل خير على المرور والدعاء :)

الف مبرووووووووووك يا رب

الله يبارك فيك يارب :)

ألف مبروك عليك.........ربنا يديك خيرها و يكفيك شرها.

أحمد باشا عبدالمقصود :)
الله يبارك فيك ياحبيبي، واللهم آمين
جزاك الله خيرا للمرور

مبروك عليك وبالتوفيق دايما ان شاء الله

الله يبارك فيك، وربنا يوفقنا جميعا يارب ويجمعنا على الخير :)

الف مبروك و ان شاء الله تستمتع بيها

الله يبارك فيه ويارب يكفينا جميعا شر عربياتنا ويعطينا خيرها :)

مبروك يا باشا ولو قدر الله فيه اي مشكله فيها قولنا واحنا هنفيدك الحمد لله مبروك مليون مره

الله يبارك فيك، وربنا يكرمك يارب
أنا فعلا من أكتر الأسباب اللي جرئتني على القرار ده هو وجودكم وروح التعاون الجميلة اللي مابيننا - ماشاء الله - وأنا أصلا كل اللي حواليا محسسيني إني عملت جريمة
بس ربنا يسترها إن شاء الله :)

[abdo_2812]

مبروك اخي عبد الله، عاملة كام كيلو، و اخدتها بكام... و لونها?

الف مبروووووك و ربنا يرزقك خيرها و يكفيك شرها و كنت عاوز اعرف جبتها منين و بكام و عامله كام كيلو و اني فئه اصلي اليومين دول بدور و مش عارف اوصل لاي حاجه و محتاج اجيب واحده 2008 او 2009 في اقرب وقت علشان بعت عربيتي و لك جزبل الشكر و جزاك الله كل خير

الف الف مبروك و ربنا يديك خيرها و تتمتع بيها و يبعد عن العين و خلى بالك اليومين دوووووووول بالذات هتتحسد حسد السنين

و مستنيين التقرير منك بقا ايه عجبك فيها و ايه مش عاجبك و يا ريت لو تقولنا هى اى فئة و كام كيلو و لونها ايه و بكام و رقم الشاسية و رقم الموتور ههههههه

الله يبارك فيكم يارب وألف شكر لمروركم وبالنسبة لأسئلتكم:

العربية موديل 2008 الفئة الثانية لونها فيراني غامق، جبتها عن طريق واحد جاري شغال في توكيل رينو وكان قدامه العربية معروضة للبيع وقالي عليها
العربية الحمدلله حالتها كويسة جدا فيما أعلم يعني - إن شاء الله يكون صحيح - وكل صيانتها كانت في التوكيل وصاحبها كان مهندس سنه كبير (مش شاب يعني) فبالتالي استخدامه نظيف ومش مبهدل العربية
بخصوص السعر طبعا العربية سعرها يعتبر قليل خلصت على (65000ج) وده علشان عامله كيلو متر عالي (150000 كيلو) ولكن كلهم سفر (الراجل كان في فترة عنده شغل في شرم فكان بيسافر بيها كتير جدا) إنما الحمدلله ناس كتير نصحتني آخدها بالرغم من العداد العالي ده ولكن هم كان وجهة نظرهم إن العربية حالة وإن العداد ده من الأمور السهل جدا اللعب فيها ولو كان الراجل لاعب في الكيلو متر مكنتش هراجع وراه فعلا لأن العربية حالتها كويسة الحمدلله.


أستاذ أحمد بديع:
بخصوص سؤال حضرتك تجيب منين، هو أكتر موقع تقدر تجيب منه كونتاكت كارز والموقع ده بينزل فيه عربيات كويسة وممكن ربنا يوفقك لحاجة جميلة في وقت مش كبير إن شاء الله

لكن أهم نصيحة إنه يكون معاك واحد تاجر فاهم وثقة وبعد ما يوافقلك على العربية تاخدها وتطلع على التوكيل علشان تاخد تقرير عن العفشة والموتور والعداد إذا كان ملعوب فيه ولا لأ :)


والأهم من كل شيئ ركعتين استخارة قبل أي قرار تاخده
وربنا يوفقك لكل خير إن شاء الله ونسمع عنك أخبار جميلة قريب جدا


أستاذ Rsarabia :
ياباشا ربنا يسترها، والله أنا مرعووووووووووب ... دعواتك معانا والله أنا لسه ماشغلتش فيها غير قرآن ويارب ربنا يقدر الخير ويكفينا وإياكم شر كل ذي شر.

وبخصوص أسئلتك الصعبة دي ... إن شاء الله لما الراجل يبعتلي شهادة المخالفات هصورلك الرخصة وأرفعهالك يا حبي ... أي خدمة :D :D :D

[ahmed.badie]

الله يبارك فيكم يارب وألف شكر لمروركم وبالنسبة لأسئلتكم:

العربية موديل 2008 الفئة الثانية لونها فيراني غامق، جبتها عن طريق واحد جاري شغال في توكيل رينو وكان قدامه العربية معروضة للبيع وقالي عليها
العربية الحمدلله حالتها كويسة جدا فيما أعلم يعني - إن شاء الله يكون صحيح - وكل صيانتها كانت في التوكيل وصاحبها كان مهندس سنه كبير (مش شاب يعني) فبالتالي استخدامه نظيف ومش مبهدل العربية
بخصوص السعر طبعا العربية سعرها يعتبر قليل خلصت على (65000ج) وده علشان عامله كيلو متر عالي (150000 كيلو) ولكن كلهم سفر (الراجل كان في فترة عنده شغل في شرم فكان بيسافر بيها كتير جدا) إنما الحمدلله ناس كتير نصحتني آخدها بالرغم من العداد العالي ده ولكن هم كان وجهة نظرهم إن العربية حالة وإن العداد ده من الأمور السهل جدا اللعب فيها ولو كان الراجل لاعب في الكيلو متر مكنتش هراجع وراه فعلا لأن العربية حالتها كويسة الحمدلله.


أستاذ أحمد بديع:
بخصوص سؤال حضرتك تجيب منين، هو أكتر موقع تقدر تجيب منه كونتاكت كارز والموقع ده بينزل فيه عربيات كويسة وممكن ربنا يوفقك لحاجة جميلة في وقت مش كبير إن شاء الله

لكن أهم نصيحة إنه يكون معاك واحد تاجر فاهم وثقة وبعد ما يوافقلك على العربية تاخدها وتطلع على التوكيل علشان تاخد تقرير عن العفشة والموتور والعداد إذا كان ملعوب فيه ولا لأ :)


والأهم من كل شيئ ركعتين استخارة قبل أي قرار تاخده
وربنا يوفقك لكل خير إن شاء الله ونسمع عنك أخبار جميلة قريب جدا


أستاذ rsarabia :
ياباشا ربنا يسترها، والله أنا مرعووووووووووب ... دعواتك معانا والله أنا لسه ماشغلتش فيها غير قرآن ويارب ربنا يقدر الخير ويكفينا وإياكم شر كل ذي شر.

وبخصوص أسئلتك الصعبة دي ... إن شاء الله لما الراجل يبعتلي شهادة المخالفات هصورلك الرخصة وأرفعهالك يا حبي ... أي خدمة :d :d :d

اولا الف الف الف شكر علي ردك وزوقك و احترامك و اخلاقك العاليه
و ربنا يباركلك فيها و يديك خيرها و يكفيك شرها و يرزقك ان شاء الله
و الف مبروووك
بس اولا الاستخاره دي اهم و قبل اي شي تاني
بس موضوع حد يجي معايا بيفهم دي انا بيني و بينك ماعرفش اي حد خااااالص و الموضوع ده قالقني و انا قدامي واحده تاني فئه ماشيه 51 الف كيلو و موديل 2009 ب 87000 ايه رايك بيني و بينك انا حاسس انها غاليه قوووي و انا رايح اتفرج عليها بكره اشوفها تستاهل ولا لاء و لو حاتقل عليك هوه صديقك اللي في توكيل رينو ده ممكن يساعدني في حاجه زي كده بيني و بينك الكشف علي الموتور و العفشه و ككمان الشاسيه يشوفها مخبوطه ولا لاء كله ب 400 جنيه انا حاسس انه كتير شويه فا لو تعرف اي حد يساعدني في فحص العربيه يبقي جزاك الله كل خير واسف علي الاطاله و ازعاجي و الف شكر لردك المحترم

[abdo_2812]

أنا أعرف واحد بإذن الله ممكن يفيدك في كل حاجة إلا موضوع العداد ملعوب فيه ولا لأ

وبخصوص السعر اللي حضرتك كاتبه ده مبااااالغ فييييه، العربية دي لو حالة شااااذة جداااا تخلص مثلا على 78 - 80 بالكتيييييييييير أوي أوي أوي، والله أعلم يعني لكن ده من خلال اللف والتدوير اللي شفته في الأيام القليلة اللي فاتت

حضرتك من منطقة ايه؟ علشان أعرف مدى سهولة إني أوصلك بالراجل ده

[ahmed.badie]

طيب انا نفسي الاقي حاجه والله في حدود ال 80000 تقريبا ده كل اللي معاييا اساسا
و الاراجل راكب دماغهعلي 87000 و اتكلمت معاه لحد ماعنيا طلعت و انا ساكن في مدينه نصر و بشتغل في المهندسين يعني القاهره كلها قريبه مني :)
ولله انا اسف علي تعبك معايا بس انا نفسي حاجه 2009 تكون حالتها حلوه و مش ماشيه كتير و مش فارقه معايا الفئه الاولي ولا التانيه بس التانيه احسن علشان الجنوط بس و اسف علي ازعاجك ياباشا
و جزاك الله كل خير يارب و يعوضك عن تعبك معايا